१ पत्रुस 5:2 - ह्योल्‍मो

² ल़ूह ताहक्‍पुगी राहङगी ल़ूह बा़लया़ला चारा पेहकें ल़ेहमुराङ ख्‍यागी पाहरक्‍यीला येहकेन्‍गी किन्‍ज्‍योगी छो़बाया़ला चारा पेहतोङ। कारगी मिहम्‍बा यिहॱनाङ राहङ सेम तिहङ यिहन्‍ज्‍युराङ, क्‍युहगी ह्‍अम्‍बागी पेहती मिहम्‍बा यिहॱनाङ क़ेहनाङ पेहती,

१ पत्रुस 5:2 ပူးပေါင်းရင်းမြစ်များ

लूका 12:32

“ए छ्ये़मु मिह बा़लया़, ख्‍या मा़हन्‍ज्‍यी! च्‍यिबेमाना किन्‍ज्‍योगी ख्‍याला राहङगी क्‍याहल्‍सी नाङज्‍येला काहसो जे-नाङदी येह।

ल़ेह-पेन 20:29

ओहले ङाहला क्‍यी़ह येहबा, ङाह काहल फान्‍ज्‍यो रिह नाहङगी फारा ल़ेहमु मिहया़ ख्‍यागी पाहरक्‍यीला थेन ओहङज्‍ये येह, ओहले छो़बाया़ला तुहक्‍पु तेर्तेॱराङ तेहच्‍ये येह।

ल़ेह-पेन 21:13

ओहजेला पावलगी, “च्‍यिबे ख्‍यागी दि ल़ेहमु पेहती ङी़हदी ङाहगी सेम सुह क्‍याहप च्‍य़ूएँ? ङाह यरूशलेमला ताहम्‍ज्‍येज्‍यीराङ मिहम्‍बा, चो़वो येशूगी तेहन्‍दाला स्‍यि कोहॱनाङ स्‍यि ख़ूएँ” म़ेदी मासीन।

रोमी 1:15

ओ़ह सोङबे ख्‍ये रोम क्‍याहसाला तेहकेन्‍गी मिहया़ला या़हबु लेहङगु स्‍येच्‍येला ङाहला ज्‍यिबुराङ सेम क्‍ये़दी येहबा।

१ कोरिन्‍थी 9:7

राहङदीराङ डोसोङला का़हन्‍दी माक्‍मीगी ल़ेह पेहटो ले? कुहन्‍डुम कामे क्‍याहप्‍के मिहगी ओ़हगी कामे मेहसाहडो ले? ओहले राह-ल़ूह सोएँ मिहगी ओ़ह लाहमले ओहमा मेहसाहडो ले?

१ तिमोथी 3:3

छ्याङसीवा दाङ स्‍यिहताङ छान्‍दी पेहकेन्‍दी ओहङज्‍ये मेहयोहङगे। यिहॱनाङ खो ङ्येम्‍ज्‍युङ ओहङ कोहएँ, ठ़ूस्‍यी सिहङदा मेहबेकेन्‍दी ओहङ कोहएँ, टाङगादी ह्‍अम्‍बा मेहबेकेन्‍दी ओहङ कोहएँ।

१ तिमोथी 3:8

ओ़ह ल़ेहमुराङ पेहती डिकनया़ॱआङ च्‍याह-ठाक्‍पा ओहङ कोहकें, खुङ तेहन्‍दामकी तामया़ माएँदी ओहङ कोहकें, छ्याङसीवा ओहङज्‍ये मेहयोहङगे ओहले क्‍युहला लोपॱआङ पेहच्‍ये मेहयोहङगे।

तीतस 1:11

खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।

तीतस 1:7

छेन्‍छोककी गोबागी किन्‍ज्‍योकी छ्या़लेया़ ची़ लेहन्‍ग्‍यो ओहङगे। ओ़ह सोङबे खो च्‍यिॱआङ क्‍येन म़ेहबाकी मिह ओहङ कोहकें। ओहले खोगी छ्य़ेन्‍दो तेन्‍ज्‍ये मेहयोहङगे, ग्‍यो़बाराङ स्‍यिहताङ पेहच्‍ये मेहयोहङगे, छ्याङसीवा ओहङज्‍ये मेहयोहङगे, मिहया़ ङ्याम्‍बु ठ़ूस्‍यी सिहङदा पेहच्‍ये मेहयोहङगे ओहले क्‍युहला ह्‍अम्‍बा पेहच्‍ये मेहयोहङगे।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

तीतस 3:1

स्‍युहङ दाङ स्‍युहङ-पेनया़की ओङ चो़ला तेहतोङ, खुङया़गी माक्‍योकी ताम थाम्‍ज्‍यी ची़दोङ ओहले या़हबु ल़ेहया़ पेहच्‍येकी तेहन्‍दाला नाहम माॱनाङ ठाबे पेहती तेहतोङ म़ेदी खुङया़ला टेहम्‍बा साल च्‍य़ू तेर।

फिलेमोन 1:14

यिहॱनाङ, ख्‍येला मा़हटीहबा पेहती ओ़ह ल़ेहमु पेहच्‍ये ङाहला या़हबु मा़हने। ङाहला रो़ह पेहॱराङ कोहएँ म़ेदी ख्‍येला ठाल माह फो़ज्‍यु, यिहॱनाङ ख्‍ये राहङगी सेमला क्‍ये़दी रो़ह पेहच्‍यु माएँदी ङाहगी सेमला ने़दी येहबा।

हिब्रू 12:15

जेम्‍बु पेह, सु मिहज्‍यीॱआङ किन्‍ज्‍योकी काटीन ज्‍योर्च्‍येला ल़े टोहल (छूट) माहती़ज्‍यु, ओहले ख्‍या यिहला खाक्‍ती ज़ोएँगी तू़हगी तोहङबो ल़ेहमु बी़दी ओहङदी मिहया़ला तुहक्‍पु तेर्केन्‍की मिहया़ माहन्‍डोज्‍यु, मिहन्‍सीमाना ख्‍यागी मिह माहङबुलाराङ मेहचाङा ज़ोज्‍ये येह।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।