Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ पत्रुस 5:10 - ह्योल्‍मो

10 थाम्‍ज्‍यी काटीनकी किन्‍ज्‍योगी मास्‍यीकाला यिह-छ्य़े नाङदी राहङदी नाहमॱआङ मिहसीहन्‍गेन्‍गी ज़िज्‍यिद नाङज्‍येला ख्‍याया़ला क़े क्‍याहप नाङदी येह। ख्‍यागी ङ्यिहमा तोबाज्‍यी तुहक्‍पु खुर फान्‍ज्‍यो मिहरोगीॱराङ ख्‍याया़ला येहपाराङ साम्‍बा ज़ो नाङज्‍ये येह, ओहले ख्‍यागी सेम थिक-चिला ज़्‍या़दी ओङज्‍या छ्यिम्‍बु ज़ो नाङज्‍ये येह ओहले ब्राम सान्‍दी तिङग्‍यो ग्‍या़ला ज़्‍या़ नाङज्‍ये येह।

အခန်းကိုကြည့်ပါ။ ကော်ပီ




१ पत्रुस 5:10
39 ပူးပေါင်းရင်းမြစ်များ  

यिहॱनाङ ख्‍येगी तेहपा माहतोर्च्‍यु म़ेदी ङाहगी सोल्‍वाङ ताप्‍ते येह। ख्‍ये येहपाराङ ङाह ङो़ले लो़ह फान्‍ज्‍यो ख्‍येती नो़हया़ला तेहपाला स्‍युक छ्यिम्‍बु जे़दोङ” म़ेदी येशूगी सुङ नाङसीन।


रेहवा नाङगे किन्‍ज्‍यो थो़ला ख्‍याया़गी यिह छ्य़ेदी येह। मिहरोगीॱराङ ख्‍याया़ला सेम काहसो दाङ स्‍य़िहदे नाङज्‍यु। ओ़हठीॱराङ पेहती नाम्‍पार-ताहक्‍पा थुगी ओङगी ख्‍यागी रेहवा तोहरोङ माहङबु माहङबु पेहती डो ख़ूज्‍यु।


ना़ ख़ूएँकी ओङ दाङ स्‍युक क्‍ये च्‍यु नाङगे किन्‍ज्‍योगीॱराङ ख्‍याया़ला मास्‍यीका येशू ङ्याम्‍बु च्‍यी़ डी़दी सेम च्‍यी़राङ डोएँगी ओङ नाङज्‍यु।


ओहराङ थाम्‍ज्‍यीगीराङ किन्‍ज्‍योला थुज्‍यी-छ्ये़ फुल्‍दोङ। ङाहगी स्‍य़ेक्‍यो या़हबु लेहङगु दाङ मास्‍यीकाकी तेहन्‍दाला स्‍ये़क्‍योकी केच्‍याया़ लाहमले मिहरोगी ख्‍याया़ला राहङदी यिह-छ्य़ेला थिक-चि दाङ सान्‍दी ज़ो थुप्‍कें। काल्‍बा-काल्‍बा यिहन्‍ज्‍यु साङदी ज़्‍या़ नाङग्‍योकी केच्‍या ताहन्‍दा येशू मास्‍यीकागी छ्यिसाल-नाहङसाल जेती तेन नाङसीन।


यिहॱनाङ ओ़ह जाउँले पुह ङ्यी़ आमाकी फोवा नाहङला येहकेंमु ओहले खुङ ङ्यी़गी च्‍यिरा या़हबु चोक्‍पा ल़ेह पेहकें म़ेदी तोहङलेराङ किन्‍ज्‍योगी जाउँले पुह ङ्यी़ नाहङला च्‍यी़ला दाम नाङदी रिबेकाला सुङ नाङसीन, “आदादीगी नो़हला स्‍याहप्‍तो स्‍युहज्‍ये येह।” किन्‍ज्‍योगी सुङ नाङग्‍यो ल़ेहमुराङ छ्य़ेला दि ल़ेहमु प्री़हदी येहबा, “ङाहगी याकूबला चेवा पेहसीन ओहले एसावलाती क्‍युक्‍टो पेहसीन।” दि ल़ेहमु जेती किन्‍ज्‍योगी मिहया़की ल़ेहला ज़ी़दी दाम मेहनाङगे यिहॱनाङ मिहरोगी थुला ठुङग्‍यो ल़ेहमु जे नाङगे सुङदी किन्‍ज्‍योगी थिउ-निउ जे नाङसीन।


च्‍यिबेमाना मिहरोगी क़े क्‍याहप नाङग्‍योकी मिहया़ ओहराङॱआङ यिहम्‍बा। मिहरोगी यहूदीया़ला च्‍यी़राङ क़े क्‍याहप माहनाङ यिहॱनाङ लेहमेन क्‍यिहपाकी मिहया़लाॱआङ क़े क्‍याहप नाङसीन।


आदा-नो़ह दाङ आज्‍यी-नुहमुया़, ओहराङगी चो़वो येशू मास्‍यीकाकी छेनला ङाह ख्‍याया़ला ओहर-छ्य़े स्‍युहउ येह, ता़हनी ख्‍याया़ राहङ नाहङदोङ थिम्‍बु पेह! ख्‍या राहङ नाहङदोङराङ ठ़ूदी खा फ़ेदी माहन्‍डो। ओहले ख्‍याया़ सेम च्‍यी़, लो च्‍यी़ पेहती तेहन्‍दा च्‍यी़लाॱराङ डी़दी तेहतोङ!


किन्‍ज्‍यो यिह-छ्य़ेबु यिहम्‍बा। मिहरोगीॱराङ राहङगी स़ेबु ओहराङगी चो़वो येशू मास्‍यीकाकी छोक्‍पाला ख्‍याया़ला क़े क्‍याहप नाङसीन।


ज्‍युक्‍स्‍योलला आदा-नो़ह दाङ आज्‍यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्‍याला ओहर-छ्य़े स्‍युहउ येह, च्‍यी़गी च्‍यी़ला आ़र क्‍ये च्‍य़ूदोङ। च्‍यी़गी च्‍यी़ला माक्‍यो तामया़ ङ्यिहन्‍दोङ ओहले सेम लो तेहमु पेहती तेहतोङ। ओहले स्‍य़िहदे दाङ चेवा जे नाङगे किन्‍ज्‍यो ख्‍या ङ्याम्‍बु ज़्‍य़ू नाङज्‍ये येह।


ङ्यिहगी ताहन्‍दा खुरक्‍यो तुहक्‍पु तिङले ज्‍योर्केन्‍की च्‍यि स़ेह ङ्याम्‍बुॱआङ दुर मी़हखुएँ ज़िज्‍यिद टेहम्‍बा साल्‍गेमुनी तेहम्‍बाराङ दि तुहक्‍पुनी च्‍यिॱआङ मिहन।


च्‍यिबेमाना ङाहला ओङ नाङगे मास्‍यीका लाहमलेॱराङ ङाह ना थाम्‍ज्‍यी पेह ख़ूएँ।


मास्‍यीकाला चार्ङ्यी स्‍य़ूहदी याहरक्‍यी पेहती सोङ। ख्‍यागी राहङगी मिहजी मास्‍यीका थो़ला जे़दोङ ओहले ख्‍याला लोप्‍क्‍यो ल़ेहमु यिह-छ्य़ेला सान्‍दी पेहती मिहरोला थुज्‍यी-छ्ये़ फुल्‍दीॱराङ तेहतोङ।


ख्‍यागी डोलु-तेहलुया़ किन्‍ज्‍योला सी़ह ख़ूएँगी मिहजी ओहङ ख़ूज्‍यु म़ेदी ङ्यिहगी ख्‍या फ़ेबे-म़ेहमेया़ला स्‍युक क्‍ये च्‍य़ूएँराङ सेम ज़ुङ च्‍य़ूदी थाल्‍मा च्‍याहरको येह। च्‍यिबेमाना किन्‍ज्‍योगी ख्‍या फ़ेबे-म़ेहमेया़ला मिहरोगी राहङदीराङ क्‍याहल्‍सी दाङ ज़िज्‍यिदला क़े क्‍याहप नाङदी येह।


दिगी तेहन्‍दालाराङ ओहराङगी स्‍येक्‍योगी या़हबु लेहङगु लाहमले ओहराङगी चो़वो येशू मास्‍यीकाकी ज़िज्‍यिद राहङ फ़ेबे-म़ेहमेया़गी ज्‍योर ख़ूज्‍यु म़ेदी किन्‍ज्‍योगी राहङ फ़ेबे-म़ेहमेया़ला क़े क्‍याहप नाङग्‍यो यिहम्‍बा।


ख्‍या फ़ेबे-म़ेहमेया़ला सेम ज़ुङ च्‍य़ू नाङज्‍यु ओहले ना थाम्‍ज्‍यीराङ या़हबु ल़ेहया़ दाङ किन्‍ज्‍योकी सुङला राहङ फ़ेबे-म़ेहमेया़ला थिक-चि पेहती ज़्‍या़ नाङज्‍यु।


च्‍यिबेमाना चो़वो यिह-छ्य़ेबु यिहन्‍गे सोङबेॱराङ ख्‍या फ़ेबे-म़ेहमेया़ला मिहरोगी सान्‍दी ज़ो नाङज्‍ये येह ओहले ती़ह गो-छ्येवा लाहमले थार च्‍य़ू नाङज्‍ये येह।


यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।


किन्‍ज्‍योगी ओहराङला थार च्‍य़ू नाङसीन, ओहले नाम्‍पार-ताहक्‍पा मिहलीगी तेहन्‍दाला क़े क्‍याहप नाङसीन। ओहराङगी पेहक्‍योगी ल़ेहला ज़ी़दी मिहम्‍बा यिहॱनाङ किन्‍ज्‍यो राहङगी थु दाङ काटीन लाहमले जे नाङग्‍यो यिहम्‍बा। जाम्‍बुलीङ छ्या़गे म़ेदी तोहङलेराङ ओहराङला मास्‍यीका येशूगी दि काटीन नाङग्‍यो यिहम्‍बा।


ओ़ह सोङबे किन्‍ज्‍योगी दाम नाङग्‍योकी मिहया़गी तेहन्‍दाला ङाह च्‍यि स़ेह माना ना़गे, ओ़हगी पेहती खुङया़गीॱआङ था़ म़ेहबा ज़िज्‍यिद ङ्याम्‍बु मास्‍यीका येशू थो़ला येहकेन्‍गी थार्पा ज्‍योर ख़ूज्‍यु।


किन्‍ज्‍योगी ताहम्‍ज्‍या ज़्‍या़ नाङग्‍यो नाहम्‍स्‍यी किन्‍दु लिहकेन्‍गी मेलामया़ मास्‍यीका लाहमले क़े क्‍याहप नाङग्‍यो मिहया़गी ज्‍योर ख़ूज्‍यु म़ेदी दि साम्‍बा ताहम्‍ज्‍या ङ्याम्‍बु लाहम्‍बा जे नाङगेन्‍दी मास्‍यीकाॱराङ यिहम्‍बा। तोहङस्‍यो ताहम्‍ज्‍याकी ती़हजीला मिहया़गी पेहक्‍यो तिहक्‍पालेगी खुङया़ला खा फे़ नाङज्‍येला मास्‍यीका टोहङ नाङसीन।


ख्‍याया़ला क़े क्‍याहप नाङगेन्‍गी किन्‍ज्‍यो नाम्‍पार-ताहक्‍पा येह ओ़ह सोङबे ख्‍याया़ॱआङ राहङ मिहजीगी च्‍यि ल़ेहलामाॱनाङ नाम्‍पार-ताहक्‍पा पेहतोङ।


किन्‍ज्‍योगी काटीनला ख्‍या रे़ह-रे़हगी नामे नाजोकी काबापया़ ज़्‍योरक्‍यो येहबा ओ़ह काबाप ख्‍या थाम्‍ज्‍यीगी मिहया़ला रो़हराम पेहच्‍येगी तेहन्‍दाला या़हबु पेहती चाल तिदोङ।


लुहङ तेर्केन्‍की काबाप ज़्‍योरक्‍यो मिहगी किन्‍ज्‍यो लाहमलेॱराङ लुहङ तेर्च्‍यु। स्‍याहप्‍तो स्‍युहएँ मिहगी किन्‍ज्‍योगी ओङ लाहमले स्‍याहप्‍तो स्‍युहज्‍यु। ओ़ह ल़ेहमु पेहती ल़ेह थाम्‍ज्‍यीला येशू मास्‍यीका लाहमले किन्‍ज्‍योलाॱराङ ज़िज्‍यिद ओहङज्‍यु। मिह-रो़हलाॱराङ ज़िज्‍यिद दाङ ओङ नाहम्‍स्‍यी किन्‍दु ओहङज्‍यु! आमेन।


नाम्‍पार-ताहक्‍पा पेहती मिहजी ताङज्‍येला कोहकेन्‍गी ना थाम्‍ज्‍यीराङ से़हया़ किन्‍ज्‍योगी ओङ लाहमलेॱराङ ज़्‍योरक्‍यो यिहम्‍बा च्‍यिबेमाना राहङदी ज़िज्‍यिद दाङ वाङज्‍या छ्यिम्‍बु लाहमले क़े क्‍याहप नाङगे किन्‍ज्‍योला ओहराङगी ङोह स्‍य़ेदी येह।


ओहले मास्‍यीकागी ओहराङ ङ्याम्‍बु ज़्‍या़ नाङग्‍योकी ताहम्‍ज्‍यादी था़ म़ेहबा मिहली यिहम्‍बा।


ता़ह, का़हन्‍दीगी मिहया़ला रिहल्‍गे यिहन्‍ज्‍यु थार च्‍य़ू थुप्‍कें, ओहले का़हन्‍दीगी ख्‍याया़ला काहसो डो च्‍य़ू नाङदी किन्‍ज्‍योकी ज़िज्‍यिदगी दिनला च्‍यिॱआङ ङ्य़ेहबा-छ्यू़बा म़ेहबा जेती लाहङ च्‍य़ू थुप्‍कें,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ