१ पत्रुस 5:10 - ह्योल्मो10 थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह। အခန်းကိုကြည့်ပါ။ |
ओहराङ थाम्ज्यीगीराङ किन्ज्योला थुज्यी-छ्ये़ फुल्दोङ। ङाहगी स्य़ेक्यो या़हबु लेहङगु दाङ मास्यीकाकी तेहन्दाला स्ये़क्योकी केच्याया़ लाहमले मिहरोगी ख्याया़ला राहङदी यिह-छ्य़ेला थिक-चि दाङ सान्दी ज़ो थुप्कें। काल्बा-काल्बा यिहन्ज्यु साङदी ज़्या़ नाङग्योकी केच्या ताहन्दा येशू मास्यीकागी छ्यिसाल-नाहङसाल जेती तेन नाङसीन।
यिहॱनाङ ओ़ह जाउँले पुह ङ्यी़ आमाकी फोवा नाहङला येहकेंमु ओहले खुङ ङ्यी़गी च्यिरा या़हबु चोक्पा ल़ेह पेहकें म़ेदी तोहङलेराङ किन्ज्योगी जाउँले पुह ङ्यी़ नाहङला च्यी़ला दाम नाङदी रिबेकाला सुङ नाङसीन, “आदादीगी नो़हला स्याहप्तो स्युहज्ये येह।” किन्ज्योगी सुङ नाङग्यो ल़ेहमुराङ छ्य़ेला दि ल़ेहमु प्री़हदी येहबा, “ङाहगी याकूबला चेवा पेहसीन ओहले एसावलाती क्युक्टो पेहसीन।” दि ल़ेहमु जेती किन्ज्योगी मिहया़की ल़ेहला ज़ी़दी दाम मेहनाङगे यिहॱनाङ मिहरोगी थुला ठुङग्यो ल़ेहमु जे नाङगे सुङदी किन्ज्योगी थिउ-निउ जे नाङसीन।
ज्युक्स्योलला आदा-नो़ह दाङ आज्यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्याला ओहर-छ्य़े स्युहउ येह, च्यी़गी च्यी़ला आ़र क्ये च्य़ूदोङ। च्यी़गी च्यी़ला माक्यो तामया़ ङ्यिहन्दोङ ओहले सेम लो तेहमु पेहती तेहतोङ। ओहले स्य़िहदे दाङ चेवा जे नाङगे किन्ज्यो ख्या ङ्याम्बु ज़्य़ू नाङज्ये येह।
किन्ज्योगी ताहम्ज्या ज़्या़ नाङग्यो नाहम्स्यी किन्दु लिहकेन्गी मेलामया़ मास्यीका लाहमले क़े क्याहप नाङग्यो मिहया़गी ज्योर ख़ूज्यु म़ेदी दि साम्बा ताहम्ज्या ङ्याम्बु लाहम्बा जे नाङगेन्दी मास्यीकाॱराङ यिहम्बा। तोहङस्यो ताहम्ज्याकी ती़हजीला मिहया़गी पेहक्यो तिहक्पालेगी खुङया़ला खा फे़ नाङज्येला मास्यीका टोहङ नाङसीन।
लुहङ तेर्केन्की काबाप ज़्योरक्यो मिहगी किन्ज्यो लाहमलेॱराङ लुहङ तेर्च्यु। स्याहप्तो स्युहएँ मिहगी किन्ज्योगी ओङ लाहमले स्याहप्तो स्युहज्यु। ओ़ह ल़ेहमु पेहती ल़ेह थाम्ज्यीला येशू मास्यीका लाहमले किन्ज्योलाॱराङ ज़िज्यिद ओहङज्यु। मिह-रो़हलाॱराङ ज़िज्यिद दाङ ओङ नाहम्स्यी किन्दु ओहङज्यु! आमेन।