१ पत्रुस 5:1 - ह्योल्मो1 ङाहॱआङ छेन्छोककी एल्डर यिहन्गे सोङबे ङाह ख्या एल्डरया़ला ओहर-छ्य़े स्युहउ येहबा च्यिबेमाना मास्यीकागी तुहक्पु खुर नाङग्यो ङाहगी थोङदी येह ओहले मास्यीकाकी राहङगी ज़िज्यिद तेन नाङगे ङ्यिहमाला ङाहॱआङ मिहरो ङ्याम्बु ओहङज्ये येह। အခန်းကိုကြည့်ပါ။ |
१ पत्रुस 5:1
38 ပူးပေါင်းရင်းမြစ်များ
खुङया़ला दि केच्या ङोह स्य़े च्य़ूक्यो येहकें च्यिबेमाना खुङया़गी राहङगी तेहन्दाला मिहम्बा, यिहॱनाङ ख्याया़ला स्याहप्तो स्यी़ह-तेहक्यो येहकें। दि केच्या स्यिहङगामले माहर ताङ नाङग्योकी नाम्पार-ताहक्पा थु लाहमले ख्याया़ला स्येक्योगी या़हबु लेहङगुया़ प्रा साल्गेनया़गीॱराङ ताहन्दा ख्याया़ला स्येती येहबा। स्यिहङगामकी स्याहप्च्यीया़ॱआङ दि से़हया़ ताज्येला ज्यिबुराङ सेम पेहती येहबा।
ओ़ह तुहक्पुया़ ख्यागी च्यिबे खुर कोहक्यो मासीमाना ओ़ह तुहक्पुया़ लाहमले ख्यागी किन्ज्योला यिह छ्य़ेक्योदी तेहम्बाराङ यिहम्बा दु म़ेदी ताहक्स्यार ओहङज्येगी तेहन्दाला यिहम्बा। तोङदी डोएँगी सेरलानी मेहला सा़दी या़हबु चोक्पा खा फ़ेदी ताहङमा ज़ोएँ मासीमाना ख्याया़गी यिह-छ्य़ेनी ओ़ह म़ेदीॱआङ माहङबु चा़ छ्यिम्बु यिहम्बा। ओ़ह सोङबे दि यिह-छ्य़ेला क्ये़ह चाङमा ज़ोज्येला ङ्याहम च्येकें। दिगी पेहती येशू मास्यीका फेप नाङगे ङ्यिहमाला ख्या तेच्या, ज़िज्यिद दाङ चा़ सी़हएँगी मिहया़ ओहङ ख़ूज्यु।
ए ङाहगी च्याहम्बु रो़हया़, ताहन्दानी ओहराङ किन्ज्योगी छार्क्यीनया़राङ यिहम्बा यिहॱनाङ तिङलेनी ओहराङ च्यि ओहङगे यिहम्बा, ओ़हगी तेहन्दाला किन्ज्योगी ओहराङला ह्अ कोह च्य़ू नाङदी म़ेह। यिहॱनाङ मास्यीका फेप नाङ फान्ज्यो ओहराङॱआङ मिहरो ल़ेहमुराङ डोज्ये येह च्यिबेमाना मिहरो काहन्डुमु येहबा, ओहराङगी मिहरोला ओ़ह ल़ेहमुराङ थोङज्ये येह।
ကြော်ငြာတွေ