१ पत्रुस 4:7 - ह्योल्मो7 ता़ह ना थाम्ज्यी तोङदी डोएँगी ती़हजी पोहलाराङ लेप सिहन्दी येह। ओ़ह सोङबे राहङगी सोल्वाङकी तेहन्दाला राहङ सेम थिक-चिला ज़्या़दी जेम्बु पेहती तेहतोङ। အခန်းကိုကြည့်ပါ။ |
१ पत्रुस 4:7
34 ပူးပေါင်းရင်းမြစ်များ
किन्ज्योगी रो़हराम जे नाङज्यु म़ेदी ख्याया़गी नाहम्माॱनाङ सोल्वाङ ताप्तोङ। ती़हजी थाम्ज्यीला नाम्पार-ताहक्पा थुगी ओङ लाहमले सोल्वाङ ताप्तोङ। दि केच्या सेमला ज़्या़दी नाहम्माॱनाङ जेम्बु पेहती सोल्वाङ ताप्तेॱराङ तेहतोङ ओहले मास्यीकाकी थाम्ज्यीराङ नाम्पार-ताहक्पा मिहया़की तेहन्दालाॱआङ सोल्वाङ ताप्तोङ।
का़हलेॱआङ नाहम-माना डो कोहक्यो यिहन्सीमानानी जाम्बुलीङ छ्या़गे यिहन्ज्यु मास्यीकागी येहपा-येहपाराङ तुहक्पु खुर नाङ कोहच्ये येहकें। यिहॱनाङ दि तिङस्यो ङ्यिहमाया़ला मास्यीका नाहम-मानागी तेहन्दाला लेहमा च्यी़ फेप नाङसीन ओहले तिहक्पा टोहल च्य़ू नाङज्येला राहङगी कुसोला मार्च्ये फुल नाङसीन।
क्येप-ख्योवाया़, ओ़ह ल़ेहमुराङ पेहती राहङगी पी़हमीया़गी सेम छ्ये़मु दाङ ज़ुबुला स्युक ङ्ये़हमु ओहङगे माएँ ताम ह्अ के़हदी खुङया़ला ची़नाङ पेहतोङ च्यिबेमाना खुङया़गीॱआङ ख्या ङ्याम्बु-ङ्याम्बुराङ मिहली ज्योर्च्ये येह, दि ल़ेहमु पेहती ख्याया़गी सोल्वाङ ताप्केमु च्यिॱआङ ङ्याहम्छेया़ माहयोङज्यु म़ेदी च्यी़गी च्यी़ला छ्याप्स्यी या़हबुया़ पेहकें पेहतोङ।
ကြော်ငြာတွေ