१ पत्रुस 3:17 - ह्योल्‍मो

¹⁷ ल़ेह चोक्‍पा पेहती तुहक्‍पु खुर्के म़ेदीनी ल़ेह या़हबु पेहती किन्‍ज्‍योगी थु-ङ्य़ेबेगी तुहक्‍पु खुर्केॱराङ सोनाम-साक्‍पु यिहम्‍बा।

१ पत्रुस 3:17 ပူးပေါင်းရင်းမြစ်များ

मत्ती 26:39

ओहले येशू याहम्‍बी फाच्‍चीला फार फेप्‍ती साला खेप्‍चु क्‍याहप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, ओहङ ख़ूएँ यिहनानी दि तुहक्‍पुकी स्‍याहलु ङाहलेगी था़-रिहङबु ज़्‍या़ नाङदोङ। यिहॱनाङ दि ङाहगी सेमला ने़क्‍यो ल़ेहमु मिहम्‍बा, राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मत्ती 26:42

येशू येहपाराङ लेहमा ङ्यिपा फेप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, दि तुहक्‍पुगी स्‍याहलु ङाहगी माहथुङबाला मेहयोङसीमाना राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

ल़ेह-पेन 18:21

पावलगी खुङ ङ्याम्‍बु दि ल़ेहमु म़ेदी कोहङबा स्‍युहसीन “किन्‍ज्‍योगी थुला ठुङदी येहसीमाना ङाह ख्‍या फे़बेया़साला लो़ह ओहङगे” म़ेदी पावल छ्यु-टुहला जा़दे एफिसस क्‍याहसाले काहल्‍सीन।

ल़ेह-पेन 21:14

ओहले खोला का़ मा़हखुबा सोङबे “चो़वोगी थुला ठुङग्‍यो ल़ेहमुराङ तेहन्‍दा डुप्‍च्‍यु” म़ेदी ङ्यिह खाजुम पेहती तेहसीन।

१ पत्रुस 1:6

दि केच्‍याया़की तेहन्‍दाला ख्‍या काहसो पेहतोङ। यिहन्‍ज्‍येनी, ताहन्‍दा ख्‍याया़गी ङ्यिहमा ङ्युहङसेगी तेहन्‍दाला नामे-नाजोगी तुहक्‍पुया़ खुर के़हदी येहबा।

१ पत्रुस 2:15

च्‍यिबेमाना उल्‍दुम्‍बा मिहया़गी ङोह मा़हस्‍येबा पेहती माक्‍यो तामया़ ख्‍यागी पेहक्‍योगी या़हबु ल़ेहया़ लाहमलेॱराङ खुङया़ला खाजुम तेहच्‍यु ख़ू कोहएँ म़ेदी किन्‍ज्‍योकी थु-सेम जे नाङगे यिहम्‍बा।

१ पत्रुस 2:20

च्‍यिबेमाना ख्‍याया़गी ल़ेह चोक्‍पा पेहती तुहङदा साहएँमु ना़स्‍यीङ छ्यिम्‍बु पेहती तुहङदा साहसीन माना ओ़हला छ्यिम्‍बु ताम च्‍यि येहबा ले? यिहॱनाङ ख्‍याया़गी ल़ेह या़हबु पेहतीॱआङ तुहक्‍पु खुर कोहकेमु ना़स्‍यीङ छ्यिम्‍बु पेहती तुहक्‍पु ना़सीन माना ओ़ह किन्‍ज्‍योगी ज़ी़लुला यिह-छ्य़ेबु ओहङगे,

१ पत्रुस 3:14

यिहॱनाङ ल़ेह या़हबु पेहके पेहकेंमुॱआङ तुहक्‍पु खुर कोहसीनमाना ख्‍याया़ काहजे सोनाम-साक्‍पु। खुङया़गी ज्‍यी़-ङोर तेन्‍सीन म़ेदी ख्‍या मा़हन्‍ज्‍यी, ओहले का माहक्‍याहल।

१ पत्रुस 4:15

यिहॱनाङ ख्‍याया़गी का़हलेॱआङ तुहक्‍पु खुरॱटाङ कोहसीनमाना मिहला सेत्‍ती, कुमेन क्‍याहप्‍ती, ल़ेह चोक्‍पा पेहती, क्‍यिनी लेहमेन मिहया़गी ल़ेहला लाहक्‍पा क्‍याहप्‍ती तुहक्‍पु खुर माहकोहज्‍यु।

१ पत्रुस 4:19

ओ़ह सोङबे किन्‍ज्‍योगी थु ङ्ये़बाकी तुहक्‍पु खुर्केनया़गी ल़ेह या़हबु पेहच्‍यु ओहले खुङया़गी राहङगी सेम साज्‍या-नाम्‍ज्‍या छ्या़ नाङगेन यिह-छ्य़ेबु किन्‍ज्‍योला चि क्‍याहप्‍च्‍यु।