Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ पत्रुस 2:7 - ह्योल्‍मो

7 ओ़ह सोङबे ख्‍याया़ का़हन्‍दीगी यिह छ्य़ेगे खुङया़गी तेहन्‍दाला मिहरो माहङबुराङ चा़ छ्यिम्‍बु येह, यिहॱनाङ यिह मे़हछ्येगेया़गी तेहन्‍दालानी, “का़हन्‍दी तोह खाङबा ज़ोएँ चिक्‍सो-खे़बाया़गी फेन मे़हथोएँ म़ेदी क्‍युर चाहङग्‍यो येहकें ताहन्‍दा ओ़ह तोहॱराङ चिक्‍पाकी थाम्‍ज्‍यी म़ेदी चा़ छ्यिम्‍बु सुहर-तोह काहल्‍सीन।”

အခန်းကိုကြည့်ပါ။ ကော်ပီ




१ पत्रुस 2:7
26 ပူးပေါင်းရင်းမြစ်များ  

ओहले येशूगी खुङला सुङ नाङसीन, “च्‍यि ख्‍याया़गी सुङरापला प्रुहक्‍योगी दि केच्‍या टा़हदी म़ेहबा?– चिक्‍सो-खे़बागी फेन मे़हथोएँ म़ेदी क्‍युर चाहङग्‍योगी तोहॱराङ खाङबागी ब्राम तिङगेमु सुहर-तोह काहल्‍सीन। दि ल़ेहमुनी चो़वो किन्‍ज्‍यो राहङगीराङ डो च्‍य़ू नाङग्‍यो यिहम्‍बा, दिनी काहजे याहम्‍जेन छ्येवागी छ्या़ले दुबा!”


मिह-रो़हराङ लेहमेन क्‍यिहपागी मिहया़ला राहङगी लाहम तेन नाङगेन येहसेर यिहम्‍बा, ओहले मिह-रो़हराङ राहङगी इस्राएली क्‍यिहपाया़गी तेहन्‍दाला ज़िज्‍यिद यिहम्‍बा।”


शिमियोनगी खुङया़ला मेलाम क्‍याहप्‍ती स़ेबुगी आमा मरियमला मासीन, “ङ्यिहन्‍दोङ, इस्राएलला मिह माहङबुगीराङ थार्पा थोप्‍च्‍यु कि-माना तोङदी डोज्‍यु म़ेदीराङ चो़वो छ्येवागी ख्‍येगी स़ेबुलाॱराङ दाम नाङदी येह। मिह-रो़हराङ चो़वो छ्येवागी तेन नाङगेन्‍गी ताक्‍छेन यिहम्‍बा, ओ़हदीला मिह माहङबुगीराङ टाह पेहच्‍ये येह।


ओहले येशूगी खुङया़ला ज़ी़दी सुङ नाङसीन, “ओ़ह ल़ेहमु यिहन्‍सीन माना सुङरापला प्रुहक्‍योगी दि केच्‍यागी तेहन्‍दा च्‍यि यिहम्‍बा? ‘चिक्‍सो-खे़बागी फेन मे़हथोएँ म़ेदी क्‍युर ज़्‍या़क्‍योगी तोह, खाङबा ज़ोएँ ती़हजीला ओ़ह तोहॱराङ सुहर-तोह काहल्‍सीन’।”


ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”


क्‍याहल्‍बु अग्रिपास, ओ़ह सोङबे ङाहगी स्‍यिहङगामले थोङग्‍योकी दि ज्‍याल्‍गाला ङाह माहङ्यीहम्‍बा पेहती तेहॱराङ मा़हखु।


यिहॱनाङ इस्राएलीकी तेहन्‍दाला यशैयागी दि ल़ेहमु सुङ नाङगे, “ङाहती ताम मिहङ्यीहन्‍गे दाङ ङाहला टाह पेहकें मिहया़ला क़े क्‍याहप्‍च्‍येला ङाहगी ङ्यिहमा काहङ लाहक्‍पा क्‍याङदी तेहसीन।”


यहूदीयाला येहकेन किन्‍ज्‍योला यिह मा़हछ्येबाकी मिहया़लेगी ङाह जेम्‍दी तेह ख़ूज्‍यु ओहले यरूशलेमला येहकेन किन्‍ज्‍योकी मिहया़ला ङाहती डेल्‍बा या़हबु ऩे ख़ूज्‍यु म़ेदीॱआङ सोल्‍वाङ ताप नाङदोङ।


थार्केया़गी तेहन्‍दाला मिहजी यिहम्‍बा ओहले तोङदी डोएँया़गी तेहन्‍दालाती स्‍यिवा यिहम्‍बा। दि ल़ेहमु चा़ छ्यिम्‍बुगी ल़ेह पेहच्‍येला सु सी़हज्‍ये येहबा ले?


मास्‍यीकाॱराङ थाम्‍ज्‍यी क्‍याहल्‍सी दाङ ओङकी गो़ छ्येस्‍यो यिहम्‍बा। मिह-रो़हलाॱराङ ख्‍याया़ती मिहली छाङबु काहल्‍दी येह।


च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।


राहाब माएँ पी़हमी बान्‍डन यिहन्‍दीॱआङ मोहगी किन्‍ज्‍योला तेहपा पेहक्‍यो सोङबे किन्‍ज्‍योगी का मिहङ्यीहन्‍गे मिहया़ ङ्याम्‍बु स्‍यि मा़हकेह च्‍यिबेमाना मोहगी ओ़हला ङ्याहम च्‍ये ओहङग्‍योगी इस्राएली मिहया़ला फेप स्‍युहक्‍यो येहकें।


ओ़ह सोङबे ओ़ह थाङ सोएँ ग्‍या़ला स्‍य़ूहज्‍येला ला़ खाजेबा स्‍युक पेहतोङ। ओहराङ सुज्‍यीॱआङ किन्‍ज्‍योकी का मा़हचीबा सोङबे तोङदी माहन्‍डोज्‍यु।


ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।


चो़वो साला स्‍यो। मिहरोनी सोम्‍बो तोह-पा़रा यिहम्‍बा। मिहया़गी मिहरोला मा-लोक पेहक्‍यो येहकें, यिहॱनाङ किन्‍ज्‍योगी ज़ी़लुलानी मिहरो दाम नाङग्‍यो दाङ ज्‍यिबुराङ चा़ छ्यिम्‍बु ज़्‍य़ू नाङदी येह।


छ्य़ेगी सुङ नाङगे, “तोह च्‍यी़, का़हन्‍दीगी मिहया़ला नार्तो क्‍याहप च्‍य़ूगे, तोह-पा़रा च्‍यी़, का़हन्‍दीगी खुङया़ला रिहल च्‍य़ूगे।” च्‍यिबेमाना खुङ लुहङला मी़हचीएँ ओहले रिहल्‍गे। दि केच्‍या खुङया़गी तेहन्‍दाला किन्‍ज्‍योगी राहङगी थुला तोहङलेराङ ठुङ सिहन्‍दी येहकें।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ