१ पत्रुस 2:6 - ह्योल्‍मो

⁶ च्‍यिबेमाना सुङरापला दि ल़ेहमु सुङदी येहबा, “त़ेदोङ, ङाहगी दाम्‍ग्‍यो दाङ रिहन माहङबु डोएँगी सुहर-तोह सियोनला ज़्‍या़दी येह। ओहले का़हन्‍दीगी मिहरोला यिह छ्य़ेगे खो नाहमॱआङ ङोहजाला छ्यिच्‍ये म़ेह।”

१ पत्रुस 2:6 ပူးပေါင်းရင်းမြစ်များ

मत्ती 12:18

त़ेदोङ, ङाहगी दाम्‍ग्‍यो ङाहला स्‍याहप्‍तो स्‍युहएँगी मिह खोराङ यिहम्‍बा। ङाह खोला चेवा पेहकें, खो ङ्याम्‍बु ङाह ज्‍यिबुराङ सेम काहसो येह, ङाह राहङगी थु खो थो़ला ल़ू तेर्च्‍ये येह, ओहले खोगी थाम्‍ज्‍यीराङ क्‍यिहपा-क्‍यिहपागी मिहया़ला ठिम ताङगेन्‍गी तेहन्‍दाला प्रा साल्‍ज्‍ये येह।

मर्कूस 12:10

च्‍यि ख्‍यागी सुङरापला प्रुहक्‍योगी दि केच्‍याया़ टा़हदी म़ेहबा? चिक्‍सो-खे़बाया़गी फेन मे़हथोएँ म़ेदी क्‍युर चाहङग्‍योगी तोहॱराङ तिहरीङ खाङबागी ब्राम तिङगेमु सुहर-तोह काहल्‍सीन।

लूका 20:17

ओहले येशूगी खुङया़ला ज़ी़दी सुङ नाङसीन, “ओ़ह ल़ेहमु यिहन्‍सीन माना सुङरापला प्रुहक्‍योगी दि केच्‍यागी तेहन्‍दा च्‍यि यिहम्‍बा? ‘चिक्‍सो-खे़बागी फेन मे़हथोएँ म़ेदी क्‍युर ज़्‍या़क्‍योगी तोह, खाङबा ज़ोएँ ती़हजीला ओ़ह तोहॱराङ सुहर-तोह काहल्‍सीन’।”

लूका 23:35

लुहङबागी मिहया़ त़ेदी तेहक्‍यो येहकें। पोम्‍बोया़गी येशूला स्‍या़ क्‍याहप्‍ती मासीन, “लो़हलो मिहया़लानी खोगी थार च्‍य़ूसीन, तेहम्‍बाराङ दि किन्‍ज्‍योगी दाम नाङग्‍यो थार्पा थोप च्‍य़ू नाङगेन मास्‍यीका यिहन्‍सीमानानी ता़हनी खो राहङगी राहङलाराङ थार च्‍य़ू ख़ूज्‍यु!”

यूहन्‍ना 7:38

सुङरापगी सुङ नाङग्‍यो ल़ेहमुराङ ‘सुगी ङाहला यिह छ्य़ेगे ओहले थुङगे, खोगी सेम तिहङ यिहन्‍ज्‍युराङ सोम्‍बो छ्यु क्‍येज्‍युया़ क्‍ये़दी तेहच्‍ये येह’।”

ल़ेह-पेन 1:16

“आदा-नो़हया़ सेन नाङदोङ, ओहराङगी सुङरापगी स्‍याहल तेहन्‍दा डुपॱराङ कोहच्‍ये येहकें, ओ़ह छ्य़ेगी स्‍याहल येशूला जु़ङज्‍येला लाहम तेन्‍गे यहूदागी तेहन्‍दाला दाऊद क्‍याहल्‍बुगी स्‍याहल लाहमले तोहङलेराङ नाम्‍पार-ताहक्‍पा थुगी सुङनाङ सिहन्‍ग्‍यो येहकें।”

रोमी 10:11

सुङरापगी दि ल़ेहमु सुङ नाङगे, “मास्‍यीकाला यिह छ्य़ेगे सुज्‍यीॱआङ ङोहजाला छ्यिच्‍ये म़ेह।”

एफिसी 1:4

किन्‍ज्‍योगी जाम्‍बुलीङ छ्या़ च्‍य़ू नाङगे म़ेदी तोहङलेराङ मास्‍यीका लाहमले ओहराङला मिहरोगी दिनला नाम्‍पार-ताहक्‍पा दाङ च्‍यिॱआङ क्‍येन म़ेहबा ओहङ ख़ूज्‍यु म़ेदी दाम नाङदी येहकें।

एफिसी 2:20

ओ़ह ज़िम्‍गाङदी ल़ेह-पेनया़ दाङ लुहङतेम्‍बाया़की ब्राम थो़ला छ्या़दी येहबा, ओ़ह ब्रामकी चा छ्येवा तोहदी मास्‍यीका येशू राहङराङ यिहम्‍बा।

२ तिमोथी 3:16

दि थाम्‍ज्‍यी नाम्‍पार-ताहक्‍पा सुङराप किन्‍ज्‍योगी थु लाहमले नाङग्‍यो यिहम्‍बा, ओहले दि सुङराप मिहया़ला लोप्‍च्‍येला, लोप्‍ताम क्‍याहप्‍च्‍येला, च्‍ये़ज्‍येला, टाहङदेनकी लाहमला च्‍याहङदार पेह च्‍य़ूज्‍येला, ज्‍यिबुराङ फेन थोएँ यिहम्‍बा।

१ पत्रुस 2:4

चो़वो साला स्‍यो। मिहरोनी सोम्‍बो तोह-पा़रा यिहम्‍बा। मिहया़गी मिहरोला मा-लोक पेहक्‍यो येहकें, यिहॱनाङ किन्‍ज्‍योगी ज़ी़लुलानी मिहरो दाम नाङग्‍यो दाङ ज्‍यिबुराङ चा़ छ्यिम्‍बु ज़्‍य़ू नाङदी येह।

१ पत्रुस 2:8

छ्य़ेगी सुङ नाङगे, “तोह च्‍यी़, का़हन्‍दीगी मिहया़ला नार्तो क्‍याहप च्‍य़ूगे, तोह-पा़रा च्‍यी़, का़हन्‍दीगी खुङया़ला रिहल च्‍य़ूगे।” च्‍यिबेमाना खुङ लुहङला मी़हचीएँ ओहले रिहल्‍गे। दि केच्‍या खुङया़गी तेहन्‍दाला किन्‍ज्‍योगी राहङगी थुला तोहङलेराङ ठुङ सिहन्‍दी येहकें।

२ पत्रुस 1:20

यिहॱनाङ ख्‍यागी दि ताम ङोह स्‍ये़दोङ, सुङरापला लुहङतेम्‍बागी सुङ नाङग्‍योकी स्‍याहलया़ राहङदीराङ सेम नाहङले आहन्‍डाराङ जे़दी प्रुहक्‍योकी तामया़ मिहम्‍बा।

२ पत्रुस 3:16

दिगी तेहन्‍दाला खोगी दि ल़ेहमुराङ तामया़ राहङगी यिहगीया़ला प्री़हदी येहकें। खोगी प्रुहक्‍योगी लाहला तामया़ ङोह स्‍य़ेज्‍येला याहम्‍बीज्‍यी खेन्‍दा-का़हबु येहबा, ओहले मे़हस्‍येगे मिहया़ दाङ राहङगी सेम टिहला मे़हज्‍याएँ मिहया़गी दि तामया़ला लेहमेन छ्य़ेया़ला ल़ेहमु फार्च्‍या-फिर्च्‍या ज़ोएँ। दि ल़ेहमु पेहती खुङ राहङगी राहङला ङ्य़ेहबा फो़ च्‍य़ूगे।