१ पत्रुस 2:12 - ह्योल्मो12 किन्ज्योला यिह-छ्य़े माहबेबाकी मिहया़गी पाहरक्यीला ख्याया़गी डोलु-तेहलु या़हबु ओहङज्यु। सुज्यीगीॱआङ ख्याया़ला मिह चोक्पा म़ेदी ख्याला टाह पेहसीनमाॱनाङ खुङया़गी ख्यागी पेहक्योगी ल़ेह या़हबुया़ थोङज्यु, ओहले किन्ज्योगी ठिम ताङ नाङगेन ङ्यिहमाला खुङया़गी किन्ज्योला त़ेरा तेच्या फुल्ज्यु। အခန်းကိုကြည့်ပါ။ |
१ पत्रुस 2:12
46 ပူးပေါင်းရင်းမြစ်များ
ङ्यिह दि जाम्बुलीङला च्यी़राङ मिहम्बा यिहॱनाङ ख्याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्ज्योगी थु-ङ्य़ेबुगी मिहजी ताङदी येहबा दि तामला ङ्यिह ख्याया़ला छ्य़ेन्दो तेन्दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्बुलीङगी रिहक्स्यी लाहमले मिहम्बा, यिहॱनाङ दि किन्ज्योगी काटीन लाहमले यिहम्बा।
चा़ छ्यिम्बु ताम दिराङ यिहम्बा, काहन्डुमु पेहती यिहॱनाङ ख्यागी डोलु-तेहलुया़ मास्यीकाकी लेहङगुला पे-सी़हएँदी ओहङज्यु। ओ़ह सोङबे ङाहगी ख्याया़ला थ़ू ख़ूॱनाङ मी़हखुॱनाङ ख्याया़ ताम च्यी़ला डी़दी थिक-चि पेहती सेम च्यी़ थो़दी या़हबु लेहङगुकी तेहपाकी तेहन्दाला तुहक्पु पेहकेनॱराङ दु लो माएँ ताम ङाहगी थ़े ङ्युहङज्यु।
ज्युक्स्योलला आदा-नो़ह दाङ आज्यी-नुहमुया़, का़हन्दी ताम तेहम्बा येहबा ओहले चा़ पेहच्येला सी़हएँदी येहबा ओ़ह से़हला सेम ताङदोङ। का़हन्दी स़ेह ठिमला ते़बे या़हबु येहबा, चाङमा येहबा, चेवा पेहच्येला सी़हज्ये येहबा, चा़ छ्यिम्बु येहबा ओहले क्या़ज्येला सी़हज्ये येहबा ओ़ह से़हया़ला सेम ताङदोङ।
ओहले मोहगी या़हबु ल़ेहया़ पेहक्यो ओहङ कोहकें, पुह पोहमोया़ला या़हबु पेहती चारा पेहक्यो ओहङ कोहकें, टोहम्बोया़ला ता़हनाङ-ताहम्जी पेहक्यो ओहङ कोहकें, किन्ज्योला यिह छ्य़ेक्यो नाम्पार-ताहक्पा मिहया़ती काङबा ठी़ तेरक्यो ओहङ कोहकें, तुहक्पुला छ्यिक्यो मिहया़ला रो़हराम पेहक्यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्यो ओहङ कोहकें।
लुहङ तेर्केन्की काबाप ज़्योरक्यो मिहगी किन्ज्यो लाहमलेॱराङ लुहङ तेर्च्यु। स्याहप्तो स्युहएँ मिहगी किन्ज्योगी ओङ लाहमले स्याहप्तो स्युहज्यु। ओ़ह ल़ेहमु पेहती ल़ेह थाम्ज्यीला येशू मास्यीका लाहमले किन्ज्योलाॱराङ ज़िज्यिद ओहङज्यु। मिह-रो़हलाॱराङ ज़िज्यिद दाङ ओङ नाहम्स्यी किन्दु ओहङज्यु! आमेन।
ကြော်ငြာတွေ