१ पत्रुस 2:11 - ह्योल्मो11 ए ङाहगी च्याहम्बु रो़हया़, दि जाम्बुलीङला ख्या छ्यि-क्याहपा मिहया़ दाङ फि क्याहल-खापला तेहकेन्गी मिहया़ ल़ेहमुराङ यिहम्बा। ङाह ख्याया़ला ओहर-छ्य़े स्युह येहबा, ज़ुबुगी लाङ माएँगी यिहन्जे मिहन्जे से़हया़ छाङबु पेहच्ये माहछोल। दि ल़ेहमु यिहन्जे मिहन्जे ज़ुबुकी सेम्बाया़गी नाहम-माना नाम्स्यीला टाह पेहती मा़ क्याहप्के। အခန်းကိုကြည့်ပါ။ |
१ पत्रुस 2:11
35 ပူးပေါင်းရင်းမြစ်များ
ङाहगी निङज्यी पेहक्योगी आदा-नो़ह दाङ आज्यी-नुहमुया़, किन्ज्योकी थुज्यी माहङबुराङ ख्या थो़ला येहबा। ओ़ह सोङबे राहङगी ज़ुबुला नाम्पार-ताहक्पा दाङ किन्ज्योगी थु-सेम जे नाङगेन्गी सोम्बो मार्च्ये जे़दी किन्ज्योला स्याहप्तो स्य़ूहज्येला मिहरोगी दिनला फुल्दोङ म़ेदी ङाह ख्याया़ला ओहर-छ्य़े स्युहउ येह। ख्यागी यिहगी फुल कोहएँगी तेहन्दामगी मार्च्येॱआङ दिराङ यिहम्बा।
दि थाम्ज्यी मिहया़ यिह छ्य़ेदीॱराङ स्यिसीन। किन्ज्योगी “नाङगे” सुङदी ज़्या़ नाङग्योकी ताहम्ज्या खुङया़गी माहन्ज्योर। यिहॱनाङ किन्ज्योगी ज़्या़ नाङग्योकी ताहम्ज्याला खुङया़गी था़-रिहङबुलेगीॱराङ थोङसीन ओहले फेप स्युहसीन। खुङया़गी राहङला दि जाम्बुलीङला ङ्यिहमा ङ्यी़गी डोम्बु दाङ मिह युहलगी मिह ल़ेहमुज्यी ऩेसीन।
ကြော်ငြာတွေ