१ पत्रुस 1:5 - ह्योल्मो5 तिङमा ती़हजीला ओहङज्ये पेहक्योगी थार्पागी तेहन्दाला ख्या तेहपा लाहमले किन्ज्योगी ओङ लाहमले जेम्बु जेती ज़्या़ नाङदी येह। အခန်းကိုကြည့်ပါ။ |
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
ओ़हठीॱराङ पेहती मिह माहङबुगी तिहक्पाया़ खुर नाङज्येला मास्यीकागी लेहमा च्यी़ राहङगी राहङला मार्च्ये फुल नाङसीन। ओहले मास्यीका येहपाराङॱआङ लेहमा च्यी़ फेप नाङज्ये येह। ओहजे काहङला मिहया़गी तिहक्पाया़ ता़ह च्य़ू नाङज्येला मिहम्बा यिहॱनाङ सेम काहसो पेहती मिहरो फेप नाङगेन्गी फेप-लाहम कू़हदी तेहकेनया़ला थार्पा नाङज्येला फेप नाङज्ये येह।
ए ङाहगी च्याहम्बु रो़हया़, ताहन्दानी ओहराङ किन्ज्योगी छार्क्यीनया़राङ यिहम्बा यिहॱनाङ तिङलेनी ओहराङ च्यि ओहङगे यिहम्बा, ओ़हगी तेहन्दाला किन्ज्योगी ओहराङला ह्अ कोह च्य़ू नाङदी म़ेह। यिहॱनाङ मास्यीका फेप नाङ फान्ज्यो ओहराङॱआङ मिहरो ल़ेहमुराङ डोज्ये येह च्यिबेमाना मिहरो काहन्डुमु येहबा, ओहराङगी मिहरोला ओ़ह ल़ेहमुराङ थोङज्ये येह।