१ पत्रुस 1:25 - ह्योल्‍मो

²⁵ यिहॱनाङ चो़वोकी सुङनी नाहम्‍स्‍यी किन्‍दुॱराङ लिहकें।” दि चो़वोगी सुङॱराङ ख्‍याया़ला स्‍ये़क्‍योकी या़हबु लेहङगु यिहम्‍बा।

१ पत्रुस 1:25 ပူးပေါင်းရင်းမြစ်များ

मत्ती 5:18

तेहम्‍बाराङ ङाह ख्‍याया़ला माएँ, नाम दाङ जाम्‍बुलीङ तोङदी माहकाहल थु किन्‍ज्‍योगी नाङग्‍यो छ्य़े-ठिम नाहङगी फेमा म़ेदी फेमा स्‍याहलया़ॱआङ तेहन्‍दा डुप्‍च्‍ये येहबा।

लूका 16:17

नाम दाङ जाम्‍बुलीङ तोङदी डोॱनाङ किन्‍ज्‍योगी छ्य़े-ठिमगी ताम फेमाज्‍यीॱआङ तोङदी डोज्‍ये म़ेह।

यूहन्‍ना 1:1

जाम्‍बुलीङ छ्या़गे म़ेदी तोहङले सुङ ज़्‍य़ू नाङदी येहकें, ओ़ह सुङ किन्‍ज्‍यो ङ्याम्‍बु ज़्‍य़ू नाङदी येहकें, ओहले ओ़ह सुङॱराङ किन्‍ज्‍यो यिहन्‍गे।

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

१ कोरिन्‍थी 2:2

च्‍यिबेमाना ङाह ख्‍या ङ्याम्‍बु येहकेंमु ङाहगी येशू मास्‍यीका दाङ मिहरोला क्‍याहङस्‍यीङला च्‍याङग्‍योकी तामया़ मिहम्‍बानी लेहमेन थाम्‍ज्‍यी तामया़ला आहन्‍डाराङ टेहम्‍बा च्‍येहती ताङगे म़ेदी ङाहगी सेम पेहसीन।

एफिसी 2:17

मिहरो फेप नाङदी ख्‍ये था़-रिहङबु येहकेन लेहमेन क्‍यिहपा दाङ पोहला येहकेन यहूदीया़ला थिन च्‍य़ूएँकी या़हबु लेहङगु स्‍य़े नाङसीन,

एफिसी 3:8

मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।

तीतस 1:3

ओहले ठाबे ती़हजीलाराङ मिहरोगी दि राहङगी लेहङगु या़हबुया़ तेन नाङसीन। ओहले दि लेहङगु या़हबुया़ स्‍येच्‍येला ओहराङला थार्पा नाङगेन किन्‍ज्‍योगी का नाङदी ङाहला चि क्‍याहप नाङसीन।

हिब्रू 6:5

किन्‍ज्‍योगी सुङदीॱआङ प्रे़ह स्‍यिहम्‍बु ङ्याहम सिहन्‍ग्‍योया़, ओहले ओहङगेन काल्‍बाला किन्‍ज्‍योगी जे नाङगेन वाङज्‍या छ्यिम्‍बुगी छ्या़लेन थोङ सिहन्‍ग्‍योगी मिहया़

१ पत्रुस 1:12

खुङया़ला दि केच्‍या ङोह स्‍य़े च्‍य़ूक्‍यो येहकें च्‍यिबेमाना खुङया़गी राहङगी तेहन्‍दाला मिहम्‍बा, यिहॱनाङ ख्‍याया़ला स्‍याहप्‍तो स्‍यी़ह-तेहक्‍यो येहकें। दि केच्‍या स्‍यिहङगामले माहर ताङ नाङग्‍योकी नाम्‍पार-ताहक्‍पा थु लाहमले ख्‍याया़ला स्‍येक्‍योगी या़हबु लेहङगुया़ प्रा साल्‍गेनया़गीॱराङ ताहन्‍दा ख्‍याया़ला स्‍येती येहबा। स्‍यिहङगामकी स्‍याहप्‍च्‍यीया़ॱआङ दि से़हया़ ताज्‍येला ज्‍यिबुराङ सेम पेहती येहबा।

१ पत्रुस 1:23

किन्‍ज्‍योकी सोम्‍बो दाङ नाहमॱआङ मेहतोङगेन्‍गी सुङ लाहमले ख्‍याया़ येहपाराङ साम्‍बा पेहती क्‍येदी येह। ख्‍याया़ तोङदी डोएँगी छार्क्‍यीनया़ मिहम्‍बा, यिहॱनाङ ख्‍यानी नाहमॱआङ तोङदी मेहन्‍डोएँगी छार्क्‍यीनया़ गा यिहम्‍बा।

१ पत्रुस 2:2

थेरेरे क्‍येक्‍योगी पेहजा ओहमा थुङज्‍ये म़ेदी ङुहक्‍यो ल़ेहमुराङ ख्‍याया़ॱआङ किन्‍ज्‍योकी तेहन्‍दामगी सुङया़ ङोह स्‍येच्‍येला सेम ताङदोङ दि लाहमलेॱराङ ख्‍यागी ज्‍योरक्‍योकी थार्पाला ख्‍या जेन-जेन याहरक्‍यी पेहती डो ख़ूज्‍ये येह।

२ पत्रुस 1:19

ङ्यिह ङ्याम्‍बु येहकेन्‍गी लुहङतेम्‍बाया़गी सुङ जेन थिउ-निउ काहल्‍दी येह। क्‍या र्‍हाबा-र्‍हिबे माहकाहल थु ओहले ख्‍याया़गी सेमला ङाटुकी कार्मा माहस्‍यार थु ना़-जुबेला ती़हदी तेहक्‍योकी लोला ल़ेहमु ख्‍याया़गी ओ़ह सुङया़ला सेम ताङसीन माना ख्‍यागी या़हबु पेहच्‍ये येह।

१ यूहन्‍ना 1:1

छ़ू नाङगे यिहन्‍ज्‍युराङ येहकेन, ङ्यिहगी थे़क्‍यो ओहले राहङ मी़गीराङ थोङग्‍यो, ओहले ङ्यिहगी या़हबु पेहती तासीन ओहले ङ्यिहगी राहङ लाहक्‍पागीॱराङ दे़सीन। ओ़ह मिहली नाङगे सुङगी तेहन्‍दालाराङ ताहन्‍दा ङ्यिह ख्‍याया़ला दि यिहगी प्रुहएँॱराङ येहबा।

१ यूहन्‍ना 1:3

ओहले ख्‍यागीॱआङ ङ्यिह ङ्याम्‍बुराङ छोक्‍पा पेहच्‍यु म़ेदी ङ्यिहगी च्‍यि थोङबा ओहले च्‍यि थे़बा, ओ़ह ख्‍याला स्‍येको येहबा। ङ्यिहगी छोक्‍पाती किन्‍ज्‍यो याहप दाङ मिह-रो़हगी स़ेबु येशू मास्‍यीका ङ्याम्‍बु येहबा।

ज्‍याल्‍गा 14:6

दि तिङले ङाहगी नामला उहर्ती तेहक्‍यो लेहमेन स्‍यिहङगामकी स्‍याहप्‍च्‍यी च्‍यी़ थोङसीन। थाम्‍ज्‍यी क्‍यिहपा, छाङ, ताम दाङ लुहङबाकी मिहया़ला था़ म़ेहबा या़हबु लेहङगु स्‍येच्‍येला खो ओहङगेॱराङ येहकें।