१ पत्रुस 1:23 - ह्योल्‍मो

²³ किन्‍ज्‍योकी सोम्‍बो दाङ नाहमॱआङ मेहतोङगेन्‍गी सुङ लाहमले ख्‍याया़ येहपाराङ साम्‍बा पेहती क्‍येदी येह। ख्‍याया़ तोङदी डोएँगी छार्क्‍यीनया़ मिहम्‍बा, यिहॱनाङ ख्‍यानी नाहमॱआङ तोङदी मेहन्‍डोएँगी छार्क्‍यीनया़ गा यिहम्‍बा।

१ पत्रुस 1:23 ပူးပေါင်းရင်းမြစ်များ

मत्ती 24:35

नाम दाङ जाम्‍बुलीङ तोङदी डोज्‍ये येह, यिहॱनाङ ङाहगी माक्‍योगी केच्‍याया़ नाहमॱआङ तोङदी डोज्‍ये म़ेह।”

लूका 8:11

“दि पेगी तेहन्‍दा दि ल़ेहमु यिहम्‍बा, ताप्‍क्‍योगी सेनदी किन्‍ज्‍योगी सुङदेन यिहम्‍बा।

यूहन्‍ना 1:13

खुङ ठा़ दाङ, ज़ुबुकी सेम्‍बाया़ लाहमले ओहले मिहगी सेमगी ने़जेबा लाहमले क्‍येक्‍यो मिहम्‍बा, यिहॱनाङ किन्‍ज्‍यो लाहमले क्‍येक्‍यो ओहङगे।

यूहन्‍ना 1:3

सुङ लाहमलेॱराङ किन्‍ज्‍योगी ना थाम्‍ज्‍यी छ्या़ च्‍य़ू नाङसीन। छ्या़ नाङग्‍योकी ना थाम्‍ज्‍यी मिहरोगी जेते मिहम्‍बा लेहमेन च्‍यि लाहमलेॱआङ माह-छ्या़।

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

यूहन्‍ना 3:5

येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

यूहन्‍ना 6:63

मिहली नाङगेन्‍दीनी थुराङ यिहन, ज़ुबु लाहमलेनी च्‍यिॱआङ खेप्‍साङ मेहयोहङगे। ङाहगी ख्‍याया़ला माक्‍योगी ताम थु दाङ मिहली यिहन।

रोमी 1:23

खुङगी ज़िज्‍यिद छ्यिम्‍बु नोम नाङगे किन्‍ज्‍योला छ्येपा फुल कोहएँलानी स्‍यिदी डोएँगी मिह, च्‍याह-च्‍यिहवा, बासो दाङ प्रहङस्‍यु क्‍याहप्‍ती डोएँकी सेम्‍ज्‍येनया़की कुया़ जे़दे का ओ़हया़ला छ्येपा फुल्‍सीन।

हिब्रू 4:12

च्‍यिबेमाना किन्‍ज्‍योगी सुङ सोम्‍बो येह ओहले दिगी छ्या़ले जे नाङगेराङ येहबा। ओहले दि, खा ङ्यी़ येहकेन्‍गी पादाङ म़ेदीॱआङ नोम्‍बु येहबा। ओहले दिगी सो दाङ नाम्‍स्‍यीला ओ़हगी छी़ दाङ रेहको नाहङगी काङ थु तोल्‍गे ओहले सेम नाहङगी तामया़ दाङ सेम्‍बाया़ला दिगी ङ्याहम च्‍येती ताएँ।

याकूब 1:18

किन्‍ज्‍योगी थुला ठुङग्‍यो सोङबे तेहन्‍दामकी सुङ लाहमले मिहरोगी ओहराङला ज़ो नाङसीन च्‍यिबेमाना मिहरोगी छ्या़ च्‍य़ू नाङग्‍योकी से़हया़ नाहङला ओहराङ तोहङस्‍यो सेदो ल़ेहमुराङ डो ख़ूज्‍यु म़ेदी यिहम्‍बा।

१ पत्रुस 1:25

यिहॱनाङ चो़वोकी सुङनी नाहम्‍स्‍यी किन्‍दुॱराङ लिहकें।” दि चो़वोगी सुङॱराङ ख्‍याया़ला स्‍ये़क्‍योकी या़हबु लेहङगु यिहम्‍बा।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।

१ यूहन्‍ना 3:9

किन्‍ज्‍यो लाहमले क्‍येक्‍यो पेहजाया़गी तिहक्‍पा पेहतीराङ मेहतेहकें, च्‍यिबेमाना खो ङ्याम्‍बु किन्‍ज्‍योगी सेन ओहङगे, ओ़ह सोङबे तिहक्‍पा पेहतीराङ तेह मी़हखुएँ, च्‍यिबेमाना खो किन्‍ज्‍यो लाहमले क्‍येक्‍यो यिहम्‍बा।

१ यूहन्‍ना 5:18

किन्‍ज्‍योगी पुह पोहमोया़गी तिहक्‍पा पेहतीराङ मेहतेहकें च्‍यिबेमाना किन्‍ज्‍योगी स़ेबुगी खुङया़ला थार च्‍य़ू नाङगे ओहले ती़ह गो-छ्येवागी खुङला ऩे क्‍याहल मी़हखुएँ। दि ओहराङला क्‍यी़हराङ येह।