१ पत्रुस 1:20 - ह्योल्मो20 किन्ज्योगी जाम्बुलीङला छ्या़ नाङगे म़ेदी तोहङलेराङ मास्यीकाला दाम नाङग्यो येहकें ओहले ख्याया़गी तेहन्दाला दि तिङस्यो ती़हजीला मिहरो फेप नाङसीन। အခန်းကိုကြည့်ပါ။ |
१ पत्रुस 1:20
27 ပူးပေါင်းရင်းမြစ်များ
च्यिबेमाना किन्ज्योगी, तिहक्पा कोहङदा तेर्केन्की मार्च्ये फुल्ज्येला मास्यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्दाला स्याहल च्य़ू नाङसीन म़ेदी यिह छ्य़ेगे मिह थाम्ज्यीगी तिहक्पाकी कोहङदा ज्योर्च्ये येह। दि छ्या़ले किन्ज्योगी राहङगी टाहङदेन तेन्ज्येला जे नाङसीन च्यिबेमाना मास्यीका फेप नाङगे म़ेदी तोहङले किन्ज्योगी राहङगी थुयाल ना़दी ज़्य़ू नाङदी येहकें ओहले तोहङले मिहया़गी पेहक्यो तिहक्पाया़ला नाङदा जे माहनाङ।
तेहम्बाराङ किन्ज्योला क्याप्केन्गी तेहन्दा ङोहॱराङ स्ये मी़हखुएँगी नाहङ-ताम काहजे छ्यिम्बु येहबा? मास्यीका मिहगी पी़नाङ नोम्दी फेप नाङसीन, नाम्पार-ताहक्पा थुगी मिहरोला टाहङबु यिहम्बा म़ेदी तेन नाङसीन ओहले मिहरोला स्यिहङगामकी स्याहप्च्यीया़गीॱआङ थोङसीन। ओहले मिहरोकी तेहन्दाला लुहङबा लुहङबागी मिहया़गी थ़ेसीन, जाम्बुलीङला मिहरोला मिहया़गी यिह-छ्य़े पेहसीन ओहले किन्ज्योगी मिहरोला येहपाराङ स्यिहङगामला ज्यिबुराङ चा़ जेती नोम फेप्सीन!
का़हलेॱआङ नाहम-माना डो कोहक्यो यिहन्सीमानानी जाम्बुलीङ छ्या़गे यिहन्ज्यु मास्यीकागी येहपा-येहपाराङ तुहक्पु खुर नाङ कोहच्ये येहकें। यिहॱनाङ दि तिङस्यो ङ्यिहमाया़ला मास्यीका नाहम-मानागी तेहन्दाला लेहमा च्यी़ फेप नाङसीन ओहले तिहक्पा टोहल च्य़ू नाङज्येला राहङगी कुसोला मार्च्ये फुल नाङसीन।
तोहङ यिहन्ज्युराङ राहङगी ज़ो नाङग्योगी च्याहम्दा लाहमले जेती किन्ज्यो याहपकी ख्याया़ला राहङदीराङ नाम्पार-ताहक्पा मिहया़ ज़ो नाङज्येला दाम नाङग्यो यिहम्बा। येशू मास्यीकाकी ठा़गी नाम्पार-ताहक्पा काहल्दी मिहरोकी काया़ ख्याया़गी ची़ ख़ूज्यु म़ेदी किन्ज्योगी ख्याया़ला नाम्पार-ताहक्पा थु लाहमले राहङदी ज़ो नाङसीन। किन्ज्योगी ख्याया़ला काटीन दाङ स्य़िहदे माहङबु म़ेदी माहङबु नाङज्यु।
ကြော်ငြာတွေ