१ पत्रुस 1:19 - ह्योल्मो19 यिहॱनाङ च्यिॱआङ क्येन म़ेहबा दाङ ओङबु छाङबु येहकेन्की ल़ूह स्ये़बुदी ल़ेहमुराङ मास्यीकाकी नाङ छ्यिम्बु ठा़ लाहमले रिहन च्याल्दी खा फे़ नाङदी येह। အခန်းကိုကြည့်ပါ။ |
१ पत्रुस 1:19
31 ပူးပေါင်းရင်းမြစ်များ
च्यिबेमाना किन्ज्योगी, तिहक्पा कोहङदा तेर्केन्की मार्च्ये फुल्ज्येला मास्यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्दाला स्याहल च्य़ू नाङसीन म़ेदी यिह छ्य़ेगे मिह थाम्ज्यीगी तिहक्पाकी कोहङदा ज्योर्च्ये येह। दि छ्या़ले किन्ज्योगी राहङगी टाहङदेन तेन्ज्येला जे नाङसीन च्यिबेमाना मास्यीका फेप नाङगे म़ेदी तोहङले किन्ज्योगी राहङगी थुयाल ना़दी ज़्य़ू नाङदी येहकें ओहले तोहङले मिहया़गी पेहक्यो तिहक्पाया़ला नाङदा जे माहनाङ।
तोहङ यिहन्ज्युराङ राहङगी ज़ो नाङग्योगी च्याहम्दा लाहमले जेती किन्ज्यो याहपकी ख्याया़ला राहङदीराङ नाम्पार-ताहक्पा मिहया़ ज़ो नाङज्येला दाम नाङग्यो यिहम्बा। येशू मास्यीकाकी ठा़गी नाम्पार-ताहक्पा काहल्दी मिहरोकी काया़ ख्याया़गी ची़ ख़ूज्यु म़ेदी किन्ज्योगी ख्याया़ला नाम्पार-ताहक्पा थु लाहमले राहङदी ज़ो नाङसीन। किन्ज्योगी ख्याया़ला काटीन दाङ स्य़िहदे माहङबु म़ेदी माहङबु नाङज्यु।
ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह।
ओ़ह तिङले सोम्बो सेम्ज्येन ज़्यि दाङ टाहङबु छ्य़े-ठिमकी लोबेनया़गी ति-खिरे कोर्ते ज़्य़ूक्यो ओ़ह ज़्य़ू-ठिकी पाहरक्यीला ल़ूह स्ये़बु च्यी़ ज़्याङदी ज़्य़ूक्यो थोङसीन। दि ल़ूह स्ये़बुदी सेत्ती ज़्या़क्यो ल़ेहमु थोङगो येहकें। मिहरोगी रोहवा तिहन दाङ मी़ॱआङ तिहन येहकें ओ़हदी जाम्बुलीङ थाम्ज्यीला ताङग्योगी किन्ज्योगी थु तिहन यिहन्गे।
ကြော်ငြာတွေ