१ पत्रुस 1:10 - ह्योल्मो10 ख्यागी ज्योरक्योकी दि थार्पाकी तेहन्दाला ङोह स्य़ेज्येला लुहङतेम्बाया़गीॱआङ ज्यिबुराङ निङरु पेहती छोल्सीन। ओहले ओ़ह लुहङतेम्बाया़गीॱराङ किन्ज्योगी ख्याला नाङज्ये जेक्यो काटीनकी तेहन्दाला तोहङलेराङ ङे़स्यी स्य़ेदी सुङ नाङग्यो येहकें। အခန်းကိုကြည့်ပါ။ |
१ पत्रुस 1:10
24 ပူးပေါင်းရင်းမြစ်များ
ओ़ह तिङले खुङया़गी पावलगी ताम ङ्यिहन्ज्येला छ्येतेन ज़्या़सीन। ओहले छ्येतेन ज़्या़क्योगी ङ्यिहमाला माहङबुराङ यहूदीया़ जोम्दी पावल तेहक्यो खाङबाला ओहङसीन। ओ़ह ङ्यिहमु पावलगी ङाटु यिहन्ज्यु से-रुप थु किन्ज्योगी क्याहल्सीगी तेहन्दाला लोप्च्युङ तेर्सीन। सुङरापला मोशा दाङ लुहङतेम्बाया़गी प्रुहक्योगी ताम म़ेदी पावलगी येशूगी तेहन्दाला प्रा साल्गेनॱराङ खुङया़ला यिह-छ्य़े च्य़ूज्ये छोल्सीन।
च्यि राहङ फे़बेया़गी आख्ये मे़हमेया़गी तुहक्पु माहतेर्पा सुज्यीॱआङ लुहङतेम्बा येहबा ले? किन्ज्योगी नाम्पार-ताहक्पा स्याहप्च्यी फेप्केराङ येह म़ेदी लेहङगु स्येकें लुहङतेम्बाया़ॱलाङ खुङया़गी सेसीन। राहङ फ़ेबेॱयागीदी फेप नाङग्योकी नाम्पार-ताहक्पा स्याहप्च्यीॱलाङ क्येन ता़दी से नाङसीन।
दि थाम्ज्यी मिहया़ यिह छ्य़ेदीॱराङ स्यिसीन। किन्ज्योगी “नाङगे” सुङदी ज़्या़ नाङग्योकी ताहम्ज्या खुङया़गी माहन्ज्योर। यिहॱनाङ किन्ज्योगी ज़्या़ नाङग्योकी ताहम्ज्याला खुङया़गी था़-रिहङबुलेगीॱराङ थोङसीन ओहले फेप स्युहसीन। खुङया़गी राहङला दि जाम्बुलीङला ङ्यिहमा ङ्यी़गी डोम्बु दाङ मिह युहलगी मिह ल़ेहमुज्यी ऩेसीन।
ကြော်ငြာတွေ