१ यूहन्ना 5:6 - ह्योल्मो6 येशू मास्यीका छ्यु दाङ ठा़ लाहमले फेप नाङसीन, मिहरो छ्यु लाहमले च्यी़राङ मिहम्बा, ठा़ लाहमलेॱआङ फेप नाङसीन। दि तेहन्दाम यिहन सुङदी नाम्पार-ताहक्पा थुगी पाङबु नाङगे, च्यिबेमाना नाम्पार-ताहक्पा थु तेहम्बा-तेहन्सुम यिहन। အခန်းကိုကြည့်ပါ။ |
१ यूहन्ना 5:6
39 ပူးပေါင်းရင်းမြစ်များ
ओहले मिहरो, पे यिहॱना़: तेहन्दामकी थु फेप फान्ज्यो मिहरोगीॱराङ ख्याला थाम्ज्यी तेहन्दामगी लाहमला ॱठि नाङज्ये येह। मिहरोगी राहङ लाहमले च्यिॱआङ सुङ नाङज्ये म़ेह। मिहरोगी सेन नाङग्योकी स्याहलया़ॱराङ सुङ नाङज्ये येह, ओहले तिङमा ङ्यिहमाया़ला ओहङज्ये पेहक्योगी केच्याया़ ख्याला स्य़े नाङज्ये येह।
च्यिबेमाना किन्ज्योगी, तिहक्पा कोहङदा तेर्केन्की मार्च्ये फुल्ज्येला मास्यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्दाला स्याहल च्य़ू नाङसीन म़ेदी यिह छ्य़ेगे मिह थाम्ज्यीगी तिहक्पाकी कोहङदा ज्योर्च्ये येह। दि छ्या़ले किन्ज्योगी राहङगी टाहङदेन तेन्ज्येला जे नाङसीन च्यिबेमाना मास्यीका फेप नाङगे म़ेदी तोहङले किन्ज्योगी राहङगी थुयाल ना़दी ज़्य़ू नाङदी येहकें ओहले तोहङले मिहया़गी पेहक्यो तिहक्पाया़ला नाङदा जे माहनाङ।
तेहम्बाराङ किन्ज्योला क्याप्केन्गी तेहन्दा ङोहॱराङ स्ये मी़हखुएँगी नाहङ-ताम काहजे छ्यिम्बु येहबा? मास्यीका मिहगी पी़नाङ नोम्दी फेप नाङसीन, नाम्पार-ताहक्पा थुगी मिहरोला टाहङबु यिहम्बा म़ेदी तेन नाङसीन ओहले मिहरोला स्यिहङगामकी स्याहप्च्यीया़गीॱआङ थोङसीन। ओहले मिहरोकी तेहन्दाला लुहङबा लुहङबागी मिहया़गी थ़ेसीन, जाम्बुलीङला मिहरोला मिहया़गी यिह-छ्य़े पेहसीन ओहले किन्ज्योगी मिहरोला येहपाराङ स्यिहङगामला ज्यिबुराङ चा़ जेती नोम फेप्सीन!
ख्याया़ राहङगीराङ नोम्साङ ताङदोङ: किन्ज्योकी स़ेबुला राहङ काङबा चो़ला ज़्या़गे ओहले तिहक्पालेगी नाम्पार-ताहक्पा ज़ो नाङगे किन्ज्योकी ताहम्ज्या थिउ-निउ पेहकें मास्यीकाकी ठा़ला च्यि ल़ेहमुज्यीॱआङ मे़हनेगे ओहले काटीन नाङगेन्गी नाम्पार-ताहक्पा थुला स्ये़हन्डील पेहकें मिहला जेन काहजे छ्यिम्बु ङ्य़ेहबा फो़रो?
मास्यीकाकी ठा़गीनी जेन माहङबु ख्यागी नोम्साङला तिहक्पाकी ल़ेहया़लेगी चाङमा ज़ोज्ये येह, ओहले ख्यागी सोम्बो ज़्य़ू नाङगेन किन्ज्योला स्याहप्तो स्युह ख़ूज्ये येह। च्यिबेमाना मिहरोगी नाहम्स्यी किन्दु ज़्य़ू नाङगे किन्ज्योगी थु लाहमले च्यिॱआङ क्येन म़ेहबा पेहती राहङगी राहङला किन्ज्योला मार्च्ये फुल नाङसीन।
यिहॱनाङ नाहङ ङो़ले येहकेन्की चा़ छ्येस्यो नाम्पार-ताहक्पा ग्या़लादी लोहला लेहमा च्यी़ गो-छ्येवा पूजाहारी च्यी़राङ डो ङ्युहङगो येहकें ओ़हदीॱआङ ठा़ माहख्येर्पा पेहती डो मिहङ्युहङ येहकें। ओ़ह ठा़दी खो राहङगी पेहक्योगी तिहक्पा दाङ मिहया़गी ङोह मा़हस्येबा पेहती पेहक्यो तिहक्पाकी तेहन्दाला फुल्गो येहकें।
तोहङ यिहन्ज्युराङ राहङगी ज़ो नाङग्योगी च्याहम्दा लाहमले जेती किन्ज्यो याहपकी ख्याया़ला राहङदीराङ नाम्पार-ताहक्पा मिहया़ ज़ो नाङज्येला दाम नाङग्यो यिहम्बा। येशू मास्यीकाकी ठा़गी नाम्पार-ताहक्पा काहल्दी मिहरोकी काया़ ख्याया़गी ची़ ख़ूज्यु म़ेदी किन्ज्योगी ख्याया़ला नाम्पार-ताहक्पा थु लाहमले राहङदी ज़ो नाङसीन। किन्ज्योगी ख्याया़ला काटीन दाङ स्य़िहदे माहङबु म़ेदी माहङबु नाङज्यु।
ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह।
ကြော်ငြာတွေ