Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ यूहन्‍ना 5:19 - ह्योल्‍मो

19 जाम्‍बुलीङ थाम्‍ज्‍यीराङ ती़ह गो-छ्येवागी ओङ चो़ला येहॱनाङ ओहराङया़दी किन्‍ज्‍योगी छार्क्‍यीनया़ यिहम्‍बा माएँ ताम ओहराङला क्‍यी़ह येह।

အခန်းကိုကြည့်ပါ။ ကော်ပီ




१ यूहन्‍ना 5:19
29 ပူးပေါင်းရင်းမြစ်များ  

“ङाहगी राहङला दि थाम्‍ज्‍यीराङ क्‍याहल्‍सीगी क्‍याहल्‍बु ओहले दि थाम्‍ज्‍यी क्‍युह-नोहरगी ताहक्‍पु ज़ो ख़ूएँ च्‍यिबेमाना दि थाम्‍ज्‍यी ङाहगी लाहक्‍पाला येहबा ओहले ङाहगी सेम थेप्‍केया़ला तेर ख़ूएँ।


ता़ह दि जाम्‍बुलीङला ठिम ताङगेन्‍गी ती़हजी लेप सिहन्‍सीन। ता़ह दि जाम्‍बुलीङला ओङ छ्य़ेगे ती़ह गो-छ्येवाला फिला तेन्‍ज्‍ये येह।


ता़ह ङाह ख्‍या ङ्याम्‍बु ताम माहङबु मेहमाएँ, च्‍यिबेमाना दि जाम्‍बुलीङला ओङ छ्य़ेएँगी क्‍याहल्‍बु ओहङगेॱराङ येह। यिहॱनाङ खोगी ङाहला च्‍यिॱआङ पेह मी़हखुएँ।


ओहले ठिमगी तेहन्‍दाला, च्‍यिबेमाना दि जाम्‍बुलीङला ओङ छ्ये़गेन्‍दीला ङ्य़ेहबा फो़ सिहन्‍दी येह।”


राहङगी खुङया़ला दि जाम्‍बुलीङले नोम फेप नाङदोङ म़ेदीनी ङाह सोल्‍वाङ मेहताप, यिहॱनाङ खुङया़ला ती़ह यिहन्‍ज्‍यु जेम्‍दी ज़्‍या़ नाङदोङ।


नाम्‍पार-ताहक्‍पा थु मिह-रो़हराङ ओहराङकी यिह ङ्याम्‍बु डी़दी “ओहराङ किन्‍ज्‍योकी पुह-पोहमो यिहम्‍बा” सुङदी पाङबु नाङगे।


ङ्यिह दि जाम्‍बुलीङला च्‍यी़राङ मिहम्‍बा यिहॱनाङ ख्‍याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्‍ज्‍योगी थु-ङ्य़ेबुगी मिहजी ताङदी येहबा दि तामला ङ्यिह ख्‍याया़ला छ्य़ेन्‍दो तेन्‍दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्‍बुलीङगी रिहक्‍स्‍यी लाहमले मिहम्‍बा, यिहॱनाङ दि किन्‍ज्‍योगी काटीन लाहमले यिहम्‍बा।


खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।


ओहराङला क्‍यी़हराङ येहबा, ताहन्‍दा ओहराङगी दि स्‍या दाङ रेहकोगी ज़ुबु तोङदी डोनाॱआङ स्‍यिहङगामला नाहम्‍स्‍यी किन्‍दुॱराङ लिहकेन्‍गी किन्‍ज्‍योगी ज़ो नाङग्‍योकी खाङबा येहबा, ओ़ह लाहक्‍पागी ज़ोक्‍यो खाङबा मिहन।


दि तिहक्‍पाराङ तिहक्‍पागी काहङग्‍यो जाम्‍बुलीङलेगी ओहराङला थार च्‍य़ूज्‍येला येशू मास्‍यीकाकी ओहराङगी किन्‍ज्‍यो याहपकी थुला ठुङग्‍यो ल़ेहमुराङ जेती ओहराङगी पेहक्‍योगी तिहक्‍पागी तेहन्‍दाला राहङगी कुसोॱराङ च्‍यिहम्‍बा ताङ नाङसीन।


ओ़ह ती़हजीला ख्‍याया़ दि जाम्‍बुलीङकी छ्यालुला त़ेदी राहङगी डोलु-तेहलु पेहको येहकें ओहले नामला ओङ छ्य़ेगे ताहक्‍पुला ची़उ येहकें। किन्‍ज्‍योला मी़हचीगे मिहया़ला खोगीराङ ताहन्‍दा राहङगी ओङ चो़ला ज़्‍या़दी येहबा।


ओ़ह सोङबे ङाह दि से़हया़ला तुहक्‍पु खुर्केॱराङ येहबा। यिहॱनाङ ङाहला दिगी तेहन्‍दाला च्‍यिॱआङ ङोहजा मेहयोहङगे च्‍यिबेमाना ङाहगी सु थो़ला म़ेहबा पेहक्‍यो येहबा ओ़ह ङाहला या़हबु पेहती क्‍यी़ह येहबा। किन्‍ज्‍योगी ङाहला चि क्‍याहप नाङग्‍योकी से़हया़ मिहरोगीॱराङ ओ़ह ङ्यिहमा थु सी़दे ज़्‍या़ नाङज्‍ये येह। दि तामला ङाह म़ेहबा पेहकें।


च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।


ए छ्येउ-छ्येंमु पेहकेन मिहया़! जाम्‍बुलीङला निङज्‍यी पेहकें मिह किन्‍ज्‍योकी टाह ओहङगे माएँ ताम च्‍यि ख्‍याला क्‍यी़ह म़ेहबा? ओ़ह सोङबे जाम्‍बुलीङला रोह ज़ोज्‍ये छोल्‍गेन्‍दीगी किन्‍ज्‍योला राहङगी टाह ज़ोएँ।


ओहराङगी आदा-नो़ह दाङ आज्‍यी-नुहमुया़ला चेवा पेहक्‍यो सोङबेॱराङ ओहराङ स्‍यिवा च्‍येती मिहलीला पो सिहन्‍दी येहबा माएँ ताम ओहराङला क्‍यी़ह येहबा। का़हन्‍दीगी चेवा मेहबेकें, खो स्‍यिवालाॱराङ लिहकें।


किन्‍ज्‍योगी का ङ्यिहन्‍गे मिह थाम्‍ज्‍यी किन्‍ज्‍यो ङ्याम्‍बुराङ ओहङज्‍ये येह ओहले किन्‍ज्‍यो खुङ ङ्याम्‍बु ज़्‍य़ू नाङज्‍ये येह। किन्‍ज्‍योगी ओहराङला नाङग्‍यो नाम्‍पार-ताहक्‍पा थु लाहमले किन्‍ज्‍यो ओहराङ ङ्याम्‍बु ज़्‍य़ू नाङगे माएँ ताम ङोह स्‍य़े ख़ूएँ।


ओ़ह सोङबे किन्‍ज्‍योगी स़ेबु थो़ला यिह छ्य़ेगे मिहगी राहङगी सेम नाहङला दि पाङबुॱराङ ओहङगे। यिहॱनाङ किन्‍ज्‍योला यिह मे़हछ्येगे मिहगी किन्‍ज्‍योगी पाङबु तेर्केया़ला स्‍योप क्‍याहप्‍क्‍यो यिहन म़ेदी नोम्‍साङ ताङगे च्‍यिबेमाना स़ेबुगी तेहन्‍दाला किन्‍ज्‍योगी नाङग्‍यो पाङबुला खोगी यिहॱराङ मे़हछ्येएँ।


ख्‍याया़गी था़ म़ेहबा मिहली ज्‍योर्ती येह माएँ ताम ङोह स्‍य़े ख़ूज्‍यु म़ेदीराङ किन्‍ज्‍योगी स़ेबुला यिह-छ्य़े पेहकेनया़ला दि ताम प्रुहएँॱराङ येहबा।


ओहराङगी किन्‍ज्‍यो ङ्याम्‍बु सोल्‍वाङ ताप्‍केमु च्‍यि स़ेह लाङॱनाङ मिहरोगी ओहराङला नाङज्‍ये येह माएँ ताम ओहराङला क्‍यी़ह येह। ओहले लेहमेन ताम च्‍यी़ॱआङ क्‍यी़ह येहबा– ओहराङगी किन्‍ज्‍योगी ङ्याम्‍बु लाङग्‍यो से़हया़ ओहराङगी ज्‍योर सिहन्‍दी येहबा।


किन्‍ज्‍योगी पुह पोहमोया़गी तिहक्‍पा पेहतीराङ मेहतेहकें च्‍यिबेमाना किन्‍ज्‍योगी स़ेबुगी खुङया़ला थार च्‍य़ू नाङगे ओहले ती़ह गो-छ्येवागी खुङला ऩे क्‍याहल मी़हखुएँ। दि ओहराङला क्‍यी़हराङ येह।


किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।


दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।


मिहरोगी ओ़ह डुकला लोह तोङरा च्‍यी़ माहसीहन थु क्‍यिहपा-क्‍यिहपागी मिहया़ला गो़ कोर माहङ्युहङज्‍यु म़ेदी खोला साप्‍स्‍यी तिहङला क्‍युर चाहङ नाङदी ओ़ह साप्‍स्‍यी तिहङला कोह क्‍याहप्‍ती थे़जी क्‍याहप नाङसीन। ओ़ह तिङले ङ्यिहमा तोबाज्‍यीगी तेहन्‍दाला खोला ताङ तेर कोहएँ।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ