१ यूहन्‍ना 5:18 - ह्योल्‍मो

¹⁸ किन्‍ज्‍योगी पुह पोहमोया़गी तिहक्‍पा पेहतीराङ मेहतेहकें च्‍यिबेमाना किन्‍ज्‍योगी स़ेबुगी खुङया़ला थार च्‍य़ू नाङगे ओहले ती़ह गो-छ्येवागी खुङला ऩे क्‍याहल मी़हखुएँ। दि ओहराङला क्‍यी़हराङ येह।

१ यूहन्‍ना 5:18 ပူးပေါင်းရင်းမြစ်များ

मत्ती 5:37

च्‍यि ताम मा कोहच्‍ये येहबा, यिहम्‍बा माना यिहम्‍बा, मिहम्‍बा माना मिहम्‍बा म़ेदोङ। ओ़ह म़ेदी ल्‍हाक्‍पु तामनी ती़ह ङो़ले ओहङगे” म़ेदी येशूगी सुङ नाङसीन।

मत्ती 6:13

ङ्यिहला ङ्याहम-छेला छ्यि च्‍य़ू माहनाङ, यिहॱनाङ ङ्येहम्‍बालेगी थार च्‍य़ू नाङदोङ। (च्‍यिबेमाना क्‍याहल-खाप, ओङ दाङ ज़िज्‍यिद नाहम्‍स्‍यी किन्‍दु राहङदीराङ यिहन, आमेन )”

यूहन्‍ना 1:13

खुङ ठा़ दाङ, ज़ुबुकी सेम्‍बाया़ लाहमले ओहले मिहगी सेमगी ने़जेबा लाहमले क्‍येक्‍यो मिहम्‍बा, यिहॱनाङ किन्‍ज्‍यो लाहमले क्‍येक्‍यो ओहङगे।

यूहन्‍ना 14:30

ता़ह ङाह ख्‍या ङ्याम्‍बु ताम माहङबु मेहमाएँ, च्‍यिबेमाना दि जाम्‍बुलीङला ओङ छ्य़ेएँगी क्‍याहल्‍बु ओहङगेॱराङ येह। यिहॱनाङ खोगी ङाहला च्‍यिॱआङ पेह मी़हखुएँ।

यूहन्‍ना 15:4

ङाह ङ्याम्‍बु तेह, ओहले ङाह ख्‍या ङ्याम्‍बु तेहच्‍ये येह। पे यिहॱना़: कुहन्‍डुम तोहङबो ङ्याम्‍बु याहल्‍गा ज्‍यार्ती तेहना मिहम्‍बा खो राहङगीराङ कुहन्‍डुम या़ह मी़हखुएँ, ओ़हठीॱराङ ख्‍या ङाह ङ्याम्‍बु मेहतेहसीमाना ख्‍याया़गीॱआङ सेदो या़ह मी़हखुएँ।

यूहन्‍ना 15:7

का़हलेॱआङ ख्‍या ङाह ङ्याम्‍बु तेहसीन माना ओहले ङाहती सुङ ख्‍या ङ्याम्‍बु येहसीमाना, ख्‍यागी च्‍यि लाहङज्‍ये सेम क्‍येएँ ओ़ह लाङदोङ, ओहले ओ़हदी ख्‍यागी ज्‍योर्च्‍ये येह।

यूहन्‍ना 15:9

याहपगी ङाहला चेवा जे नाङग्‍यो ल़ेहमुराङ ङाहगीॱआङ ख्‍याला चेवा पेहती येह। ता़ह ख्‍या ङाहती चेवाला तेहतोङ।

ल़ेह-पेन 11:23

एन्‍टिओखियाला लेप्‍केमु किन्‍ज्‍योगी ओ़ह मिहया़ला थुज्‍यी ज़ी़दी मेलाम नाङग्‍यो थोङदी बारनाबास ज्‍यिबुराङ क़ेहनाङ पेहसीन। ओहले खोगी खुङया़ला चो़वोला राहङ सेम तिहङ यिहन्‍ज्‍युराङ यिह छ्य़ेदोङ म़ेदी आ़र क्‍ये च्‍य़ूसीन।

याकूब 1:18

किन्‍ज्‍योगी थुला ठुङग्‍यो सोङबे तेहन्‍दामकी सुङ लाहमले मिहरोगी ओहराङला ज़ो नाङसीन च्‍यिबेमाना मिहरोगी छ्या़ च्‍य़ू नाङग्‍योकी से़हया़ नाहङला ओहराङ तोहङस्‍यो सेदो ल़ेहमुराङ डो ख़ूज्‍यु म़ेदी यिहम्‍बा।

याकूब 1:27

तुहक्‍पुला छ्यिक्‍यो ह्‍युग्‍मो दाङ टो़टेया़ला रो़हराम पेहकेन ओहले जाम्‍बुलीङकी चोक्‍पा से़हया़ यिहन्‍ज्‍यु राहङ था़-रिहङबु तेहकेंॱराङ किन्‍ज्‍यो याहपला थु ङ्य़ेबु ओहङगेन्‍गी चाङमा दाङ नाम्‍पार-ताहक्‍पा छ्य़े यिहम्‍बा।

१ पत्रुस 1:23

किन्‍ज्‍योकी सोम्‍बो दाङ नाहमॱआङ मेहतोङगेन्‍गी सुङ लाहमले ख्‍याया़ येहपाराङ साम्‍बा पेहती क्‍येदी येह। ख्‍याया़ तोङदी डोएँगी छार्क्‍यीनया़ मिहम्‍बा, यिहॱनाङ ख्‍यानी नाहमॱआङ तोङदी मेहन्‍डोएँगी छार्क्‍यीनया़ गा यिहम्‍बा।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।

१ यूहन्‍ना 3:12

ओहराङ कयिन ल़ेहमु ओहङज्‍ये मेहयोहङगे। खो ती़ह गो-छ्येवादी यिहन्‍गे। खोगी राहङगी नो़हला सेसीन। खोगी राहङगी नो़हला च्‍यिबे सेपा? च्‍यिबेमाना खोती ल़ेह टाहङबु म़ेहबा येहकें। यिहॱनाङ खोगी नो़हगी ल़ेहती टाहङबु येहकें।

१ यूहन्‍ना 3:3

ओहले मास्‍यीकाला दि ल़ेहमु रेहवा पेहकेनया़गी राहङला मास्‍यीकाला ल़ेहमुराङ चाङमा पेहती ज़्‍या़गे।

१ यूहन्‍ना 3:9

किन्‍ज्‍यो लाहमले क्‍येक्‍यो पेहजाया़गी तिहक्‍पा पेहतीराङ मेहतेहकें, च्‍यिबेमाना खो ङ्याम्‍बु किन्‍ज्‍योगी सेन ओहङगे, ओ़ह सोङबे तिहक्‍पा पेहतीराङ तेह मी़हखुएँ, च्‍यिबेमाना खो किन्‍ज्‍यो लाहमले क्‍येक्‍यो यिहम्‍बा।

१ यूहन्‍ना 4:6

यिहॱनाङ ओहराङनी किन्‍ज्‍योदी यिहम्‍बा ओहले का़हन्‍दीगी किन्‍ज्‍योला ङोह स्‍य़ेक्‍यो येहबा, खोगी ओहराङगी ताम ङ्यिहन्‍गे। का़हन्‍दी किन्‍ज्‍योदी मिहम्‍बा, खोगी ओहराङगी ताम मिहङ्यीहन्‍गे। दि ल़ेहमु पेहतीराङ ओहराङगी तेहन्‍दामकी थु दाङ चिहन क्‍याहप्‍केन्‍गी नाम्‍स्‍यी खा फे़ ख़ूएँ।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 5:15

ओहराङगी किन्‍ज्‍यो ङ्याम्‍बु सोल्‍वाङ ताप्‍केमु च्‍यि स़ेह लाङॱनाङ मिहरोगी ओहराङला नाङज्‍ये येह माएँ ताम ओहराङला क्‍यी़ह येह। ओहले लेहमेन ताम च्‍यी़ॱआङ क्‍यी़ह येहबा– ओहराङगी किन्‍ज्‍योगी ङ्याम्‍बु लाङग्‍यो से़हया़ ओहराङगी ज्‍योर सिहन्‍दी येहबा।

१ यूहन्‍ना 5:19

जाम्‍बुलीङ थाम्‍ज्‍यीराङ ती़ह गो-छ्येवागी ओङ चो़ला येहॱनाङ ओहराङया़दी किन्‍ज्‍योगी छार्क्‍यीनया़ यिहम्‍बा माएँ ताम ओहराङला क्‍यी़ह येह।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

१ यूहन्‍ना 5:21

ए ङाहगी पेहजाया़, ख्‍याया़ कुया़ ङो़ले था़-रिहङबुराङ तेह।

१ यूहन्‍ना 5:4

च्‍यिबेमाना किन्‍ज्‍यो लाहमले क्‍येक्‍यो मिह थाम्‍ज्‍यीगी जाम्‍बुलीङला क्‍याहल्‍ज्‍ये येह। ओहराङगी यिह-छ्य़ेगीॱराङ ओहराङगी जाम्‍बुलीङला क्‍याहल ख़ूएँ।

यहूदा 1:21

राहङला किन्‍ज्‍योगी चेवाला ज़्‍या़दोङ ओहले नाहमॱआङ मिहस्‍यीएँगी मिहली ज़ाङबु नाङगेन चो़वो येशू मास्‍यीकाकी थुज्‍यीला कू़हदे तेहतोङ।

यहूदा 1:24

ता़ह, का़हन्‍दीगी मिहया़ला रिहल्‍गे यिहन्‍ज्‍यु थार च्‍य़ू थुप्‍कें, ओहले का़हन्‍दीगी ख्‍याया़ला काहसो डो च्‍य़ू नाङदी किन्‍ज्‍योकी ज़िज्‍यिदगी दिनला च्‍यिॱआङ ङ्य़ेहबा-छ्यू़बा म़ेहबा जेती लाहङ च्‍य़ू थुप्‍कें,

ज्‍याल्‍गा 2:13

ख्‍याया़ ती़हगी ॱठि येहकें ग्‍या़ला बा़सा तेहकें म़ेदी ङाहला क्‍यी़ह येह। यिहॱनाङ ख्‍या ङाहती मिहनला थिक-चि पेहती तेहकें। ङाहती यिह-छ्य़ेबु पाङबु एन्‍टिपासकी ती़हजीलाॱआङ ङाह थो़ला ज़्‍या़क्‍योकी तेहपा ख्‍याया़गी माहक्‍युर। ती़ह गो-छ्येवा तेहकें ग्‍या़ला ख्‍याया़गी पाहरक्‍यीलाराङ खोला सेसीन।