१ यूहन्‍ना 5:13 - ह्योल्‍मो

¹³ ख्‍याया़गी था़ म़ेहबा मिहली ज्‍योर्ती येह माएँ ताम ङोह स्‍य़े ख़ूज्‍यु म़ेदीराङ किन्‍ज्‍योगी स़ेबुला यिह-छ्य़े पेहकेनया़ला दि ताम प्रुहएँॱराङ येहबा।

१ यूहन्‍ना 5:13 ပူးပေါင်းရင်းမြစ်များ

यूहन्‍ना 1:12

यिहॱनाङ काहजे मिहया़गी मिहरोला ची़नाङ पेहपा ओहले मिहरोगी छेन थो़ला यिह छ्य़ेबा, मिहरोगी खुङया़ला किन्‍ज्‍योकी छार्क्‍यीन डोएँगी ओङ नाङसीन।

यूहन्‍ना 2:23

थार्पा छ्येपागी ती़हजीला यरूशलेमला ज़्‍य़ू नाङगेमु येशूगी माहङबुराङ याहम्‍जेन छ्येवागी छ्या़लेया़ जे नाङसीन। दि थोङदी मिह माहङबुगीराङ येशूला यिह छ्य़ेसीन।

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 21:24

ओ़ह स्‍याहप्‍च्‍यीगीराङ दि थाम्‍ज्‍यी थोङदी पाङबु तेर्केॱराङ येह, ओहले खोगीराङ दि तामया़ प्रुहसीन। खोगी पाङबु तेहम्‍बा यिहन म़ेदी ङ्यिहला क्‍यी़ह येह।

यूहन्‍ना 3:18

का़हन्‍दीगी किन्‍ज्‍योकी स़ेबुला यिह छ्य़ेगे खोला ङ्य़ेहबा फो़ज्‍ये म़ेह, यिहॱनाङ यिह मेहछ्य़ेया़ला तोहङलेराङ ङ्य़ेहबा फो़ सिहन्‍दे येहबा, च्‍यिबेमाना खोगी किन्‍ज्‍योगी च्‍यिमे च्‍यी़राङ स़ेबुकी छेनला यिह छ्य़ेक्‍यो म़ेह।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

ल़ेह-पेन 3:16

येशूला तेहपा पेहक्‍यो सोङबे काङबा कुच्‍या मिहगी स्‍युक ज्‍योर्सीन। येशूगी छेन थे़दी खोगी सेमला तेहपा ओहङसीन ओहले खोगी तेहपागी पेहती ता़ह ख्‍या फे़बेया़गी खोला छाङबुराङ टा़हक्‍यो ज़ी़ नाङदेराङ येह।”

ल़ेह-पेन 4:12

चो़वो येशू च्‍यी़गी मिहम्‍बा लेहमेन सुगीॱआङ थार्पा थोप च्‍य़ू मी़हखुएँ। किन्‍ज्‍योगी येशूगी छेन मिहम्‍बानी जाम्‍बुलीङला लेहमेन च्‍यिॱआङ मिहन नाङदी म़ेह।”

२ कोरिन्‍थी 5:1

ओहराङला क्‍यी़हराङ येहबा, ताहन्‍दा ओहराङगी दि स्‍या दाङ रेहकोगी ज़ुबु तोङदी डोनाॱआङ स्‍यिहङगामला नाहम्‍स्‍यी किन्‍दुॱराङ लिहकेन्‍गी किन्‍ज्‍योगी ज़ो नाङग्‍योकी खाङबा येहबा, ओ़ह लाहक्‍पागी ज़ोक्‍यो खाङबा मिहन।

गलाती 4:6

ओहराङ किन्‍ज्‍योदीॱराङ छार्क्‍यीन यिहम्‍बा म़ेदी तेन्‍ज्‍येला किन्‍ज्‍योगी राहङ स़ेबुकी थु ओहराङगी लोला ताङ नाङसीन। ओहले ओ़ह थुगीॱराङ ओहराङ लो लाहमले “ओ़ अब्‍बा, ओ़ याहप,” म़ेदी क़े क्‍याहप नाङगे यिहम्‍बा।

१ पत्रुस 5:12

यिह-छ्य़ेबुकी नो़ह सिलासकी रो़हराम लाहमले ङाहगी ख्‍याया़ला दि यिहगी प्रुहएँॱराङ येहबा। ङाहगी दि थाम्‍ज्‍यी किन्‍ज्‍योगी तेहन्‍दामकी काटीनकी पाङबु तेर्च्‍येला ओहले स्‍युक तेर्च्‍येला प्रुहक्‍यो यिहम्‍बा। दि केच्‍याला ख्‍या सेम थिक-चि पेहती तेहतोङ।

१ यूहन्‍ना 1:4

ओहले ङ्यिहगी सेम लो तेहमु तेहन्‍दा डुप ख़ूज्‍यु म़ेदीराङ दि ताम प्रुहएँॱराङ येहबा।

१ यूहन्‍ना 2:1

ए ङाहगी च्‍याहम्‍बु पेहजाया़, ख्‍यागी तिहक्‍पा माहबे म़ेदी ङाह ख्‍याया़ला दि यिहगी प्रुहएँॱराङ येहबा। यिहॱनाङ सुज्‍यीगी तिहक्‍पा पेहसीमाना याहप ङ्याम्‍बु ओहराङ छ्यो़ले स्‍याहल सुङ तेर्के मेहन्‍दा च्‍यी़ येहबा, ओ़ह टाहङबु येशू मास्‍यीका यिहम्‍बा।

१ यूहन्‍ना 2:21

ख्‍यागी तेहन्‍दामगी स्‍याहलला ङोह मा़हस्‍येबा सोङबे ङाहगी दि ताम प्रुहक्‍यो मिहम्‍बा, यिहॱनाङ ख्‍यागी तेहन्‍दामकी स्‍याहलला ङोह स्‍ये़उ दु म़ेदीराङ प्रुहक्‍यो यिहम्‍बा। तेहन्‍दामकी स्‍याहललेगी चिहन क्‍याहप्‍केन्‍गी तामया़ च्‍यिॱआङ मेहथेन्‍गे माएँ ताम ख्‍याया़ला क्‍यी़हराङ येह।

१ यूहन्‍ना 2:25

ओहले मास्‍यीकागी ओहराङ ङ्याम्‍बु ज़्‍या़ नाङग्‍योकी ताहम्‍ज्‍यादी था़ म़ेहबा मिहली यिहम्‍बा।

१ यूहन्‍ना 2:26

ख्‍याया़ला चिहन क्‍याहप्‍केनया़गी तेहन्‍दाला दि ताम ङाह ख्‍याया़ला प्रुहएँॱराङ येहबा।

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 4:9

किन्‍ज्‍योगी ओहराङला दि ल़ेहमु जेती चेवा जे नाङसीन– मिहरोगी राहङगी स़ेबु लाहमले ओहराङगी था़ म़ेहबाकी मिहली ज्‍योर ख़ूज्‍यु सुङदी मिहरोगी राहङगी च्‍यी़मे च्‍यी़राङ स़ेबुला दि जाम्‍बुलीङला ताङ नाङसीन।

१ यूहन्‍ना 5:10

ओ़ह सोङबे किन्‍ज्‍योगी स़ेबु थो़ला यिह छ्य़ेगे मिहगी राहङगी सेम नाहङला दि पाङबुॱराङ ओहङगे। यिहॱनाङ किन्‍ज्‍योला यिह मे़हछ्येगे मिहगी किन्‍ज्‍योगी पाङबु तेर्केया़ला स्‍योप क्‍याहप्‍क्‍यो यिहन म़ेदी नोम्‍साङ ताङगे च्‍यिबेमाना स़ेबुगी तेहन्‍दाला किन्‍ज्‍योगी नाङग्‍यो पाङबुला खोगी यिहॱराङ मे़हछ्येएँ।

१ यूहन्‍ना 5:11

पाङबु दिराङ यिहम्‍बा: किन्‍ज्‍योगी ओहराङला था़ म़ेहबा मिहली नाङदी येह ओहले दि मिहली किन्‍ज्‍योगी स़ेबु येशू ङ्याम्‍बु येहबा।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।