१ यूहन्‍ना 5:12 - ह्योल्‍मो

¹² किन्‍ज्‍योगी स़ेबु येहकें ङ्याम्‍बु मिहली ओहङगे, किन्‍ज्‍योगी स़ेबु म़ेहबा ङ्याम्‍बु मिहली मेहयोहङगे।

१ यूहन्‍ना 5:12 ပူးပေါင်းရင်းမြစ်များ

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

यूहन्‍ना 1:12

यिहॱनाङ काहजे मिहया़गी मिहरोला ची़नाङ पेहपा ओहले मिहरोगी छेन थो़ला यिह छ्य़ेबा, मिहरोगी खुङया़ला किन्‍ज्‍योकी छार्क्‍यीन डोएँगी ओङ नाङसीन।

यूहन्‍ना 3:15

ओहले का़हन्‍दीगी मिहरोला यिह छ्य़ेगे, खोगी था़ म़ेहबागी मिहली ज़ाङबु ज्‍योर्च्‍ये येह।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

१ कोरिन्‍थी 1:30

किन्‍ज्‍योगीॱराङ ख्‍याया़ला मास्‍यीकाला नोम फेप्‍सीन, मास्‍यीकालाॱराङ मिहरोगी ओहराङगी रिहक्‍स्‍यी, टाहङबु दाङ नाम्‍पार-ताहक्‍पा ओहले थार्पा नाङगेन्‍दी ज़ो नाङसीन।

गलाती 2:20

ङाहगी निङबा मिहली मास्‍यीका ङ्याम्‍बुराङ क्‍याहङस्‍यीङला च्‍याङदी स्‍यिक्‍यो येह, ता़ह यिहन्‍ज्‍यु ङाह मिहम्‍बा ङाह नाहङला मास्‍यीका ज़्‍य़ू नाङदी येहबा। ताहन्‍दा ङाह ज़ुबुला थार्ती तेहक्‍योदी ङाहला माहङबुराङ चेवा जेती ङाहगी तेहन्‍दाला मिहजी नाङगे किन्‍ज्‍योगी स़ेबु थो़ला तेहपा पेहती थार्केराङ येहबा।

हिब्रू 3:14

तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।

२ यूहन्‍ना 1:9

मास्‍यीकाकी लुहङ म़ेदी फिगी लेहमेन ताम ङ्यिहन्‍दी डोएँ मिहया़ ङ्याम्‍बु किन्‍ज्‍यो ज़्‍य़ू मेहनाङगे। यिहॱनाङ मास्‍यीकाकी लुहङ ङ्यिहन्‍गे मिह ङ्याम्‍बुदी याहप दाङ स़ेबु ङ्यिकाराङ ज़्‍य़ू नाङगे।