१ यूहन्‍ना 5:1 - ह्योल्‍मो

¹ येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 5:1 ပူးပေါင်းရင်းမြစ်များ

मत्ती 16:16

सिमोन-पत्रुसगी ल़ेहन क्‍याहप्‍सीन, “राहङ सोम्‍बो किन्‍ज्‍योगी स़ेबु थार्पा नाङगेन्‍गी मास्‍यीका क्‍याहल्‍बु यिहम्‍बा।”

लूका 7:5

च्‍यिबेमाना खोगी ङ्यिहगी क्‍यिहपाला चेवा पेहकें, ओहले खोगी ङ्यिहगी तेहन्‍दाला छो़खाङ च्‍यी़ॱआङ जे तेर्ती येह” म़ेदी स्‍युहसीन।

यूहन्‍ना 1:3

सुङ लाहमलेॱराङ किन्‍ज्‍योगी ना थाम्‍ज्‍यी छ्या़ च्‍य़ू नाङसीन। छ्या़ नाङग्‍योकी ना थाम्‍ज्‍यी मिहरोगी जेते मिहम्‍बा लेहमेन च्‍यि लाहमलेॱआङ माह-छ्या़।

यूहन्‍ना 15:23

सुगी ङाहला ङ्येन्‍ज्‍येन पेहकें, खोगी ङाहती याहपॱलाङ ङ्येन्‍ज्‍येन पेहकें।

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

यूहन्‍ना 6:69

ओहले ङ्यिहगी यिह छ्य़ेदी येह ओहले ङोह स्‍य़ेदी येह, राहङ किन्‍ज्‍योगी नाम्‍पार-ताहक्‍पा मिह यिहन।”

यूहन्‍ना 8:42

येशूगी खुङया़ला सुङ नाङसीन, “तेहम्‍बाराङ, ख्‍यागी याहप किन्‍ज्‍यो यिहन्‍गे यिहनानी ख्‍याया़गी ङाहला चेवा पेहच्‍ये येहकें, च्‍यिबेमाना ङाह किन्‍ज्‍यो लाहमले थेन्‍दी ओहङसीन ओहले ङाह ताहन्‍दा देला येहबा। ङाहला ओहङज्‍ये सेम क़ेदी ङाह ओहङग्‍यो मिहन, यिहॱनाङ याहपगी ङाहला ताङ नाङसीन।

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

ल़ेह-पेन 8:37

[ ओहले फिलिपगी मासीन, “सेम तिहङ यिहन्‍ज्‍युराङ यिह-छ्य़े जे नाङसीन माना राहङगी बप्‍तिस्‍मा ल़ेहन ख़ूएँ।” ओहजेला खोगी, “यिहम्‍बा, येशू मास्‍यीकाॱराङ किन्‍ज्‍योगी स़ेबु यिहन म़ेदी ङाह यिह-छ्य़े पेहके” म़ेदी ओ़ह मिहगी ल़ेहन क्‍याहप्‍सीन।]

याकूब 1:18

किन्‍ज्‍योगी थुला ठुङग्‍यो सोङबे तेहन्‍दामकी सुङ लाहमले मिहरोगी ओहराङला ज़ो नाङसीन च्‍यिबेमाना मिहरोगी छ्या़ च्‍य़ू नाङग्‍योकी से़हया़ नाहङला ओहराङ तोहङस्‍यो सेदो ल़ेहमुराङ डो ख़ूज्‍यु म़ेदी यिहम्‍बा।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।

१ यूहन्‍ना 2:10

का़हन्‍दीगी राहङगी आदा-नो़ह दाङ आज्‍यी-नुहमुया़ला चेवा पेहकें, खो क्‍या-साङेला ओहङगे, ओहले लेहमेन मिहया़गी ल़ेहया़ला का़गेन्‍गी तामया़ खो ङ्याम्‍बु च्‍यिॱआङ मेहयोहङगे।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।

१ यूहन्‍ना 3:14

ओहराङगी आदा-नो़ह दाङ आज्‍यी-नुहमुया़ला चेवा पेहक्‍यो सोङबेॱराङ ओहराङ स्‍यिवा च्‍येती मिहलीला पो सिहन्‍दी येहबा माएँ ताम ओहराङला क्‍यी़ह येहबा। का़हन्‍दीगी चेवा मेहबेकें, खो स्‍यिवालाॱराङ लिहकें।

१ यूहन्‍ना 3:17

जाम्‍बुलीङगी क्‍युह-नोहर येहकेया़गी राहङगी आदा-नो़ह दाङ आज्‍यी-नुहमुया़ तुहक्‍पुला छ्यिक्‍यो थोङगेमुॱआङ राहङगी सेम सान्‍दी पेहसीनमाना ओ़ह ल़ेहमु मिहया़गी किन्‍ज्‍योला काह-ठि पेहती चेवा पेह ख़ूज्‍ये ले?

१ यूहन्‍ना 3:9

किन्‍ज्‍यो लाहमले क्‍येक्‍यो पेहजाया़गी तिहक्‍पा पेहतीराङ मेहतेहकें, च्‍यिबेमाना खो ङ्याम्‍बु किन्‍ज्‍योगी सेन ओहङगे, ओ़ह सोङबे तिहक्‍पा पेहतीराङ तेह मी़हखुएँ, च्‍यिबेमाना खो किन्‍ज्‍यो लाहमले क्‍येक्‍यो यिहम्‍बा।

१ यूहन्‍ना 4:2

येशू मास्‍यीका मिहगी कुसोला फेप नाङसीन म़ेदी माएँ थुराङ किन्‍ज्‍योगी थु यिहम्‍बा। दि लाहमलेॱराङ ख्‍याया़गी किन्‍ज्‍योगी थुला ङोह स्‍य़े ख़ूज्‍ये येह।

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?

१ यूहन्‍ना 4:7

ए ङाहगी च्‍याहम्‍बु रो़हया़, ओहराङगी च्‍यी़गी च्‍यी़ला चेवा पेह कोहएँ च्‍यिबेमाना चेवा किन्‍ज्‍यो लाहमले ओहङग्‍यो यिहम्‍बा। का़हन्‍दीगी चेवा पेहकें खो किन्‍ज्‍यो लाहमले क्‍येक्‍यो ओहङगे, खोगी किन्‍ज्‍योला ङोह स्‍य़ेएँ।

१ यूहन्‍ना 5:18

किन्‍ज्‍योगी पुह पोहमोया़गी तिहक्‍पा पेहतीराङ मेहतेहकें च्‍यिबेमाना किन्‍ज्‍योगी स़ेबुगी खुङया़ला थार च्‍य़ू नाङगे ओहले ती़ह गो-छ्येवागी खुङला ऩे क्‍याहल मी़हखुएँ। दि ओहराङला क्‍यी़हराङ येह।

१ यूहन्‍ना 5:4

च्‍यिबेमाना किन्‍ज्‍यो लाहमले क्‍येक्‍यो मिह थाम्‍ज्‍यीगी जाम्‍बुलीङला क्‍याहल्‍ज्‍ये येह। ओहराङगी यिह-छ्य़ेगीॱराङ ओहराङगी जाम्‍बुलीङला क्‍याहल ख़ूएँ।

१ यूहन्‍ना 5:5

सुगी जाम्‍बुलीङला काहल ख़ूएँ? येशूला किन्‍ज्‍योगी स़ेबु यिहन म़ेदी यिह छ्य़ेएँ मिहगीराङ जाम्‍बुलीङला क्‍याहल ख़ूएँ।