१ यूहन्‍ना 4:7 - ह्योल्‍मो

⁷ ए ङाहगी च्‍याहम्‍बु रो़हया़, ओहराङगी च्‍यी़गी च्‍यी़ला चेवा पेह कोहएँ च्‍यिबेमाना चेवा किन्‍ज्‍यो लाहमले ओहङग्‍यो यिहम्‍बा। का़हन्‍दीगी चेवा पेहकें खो किन्‍ज्‍यो लाहमले क्‍येक्‍यो ओहङगे, खोगी किन्‍ज्‍योला ङोह स्‍य़ेएँ।

१ यूहन्‍ना 4:7 ပူးပေါင်းရင်းမြစ်များ

यूहन्‍ना 13:34

ता़ह ङाह ख्‍याया़ला का साम्‍बा च्‍यी़ तेर्कें ख्‍याया़ च्‍यी़गी च्‍यी़ला चेवा पेहतोङ। ङाहगी ख्‍याया़ला काह-ठि पेहती चेवा पेहक्‍यो येहबा ओ़ह ल़ेहमुराङ पेहती ख्‍याया़गीॱआङ च्‍यी़गी च्‍यी़ला चेवा पेहतोङ।

यूहन्‍ना 17:3

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

१ कोरिन्‍थी 8:3

यिहॱनाङ का़हन्‍दीगी किन्‍ज्‍योला चेवा पेहकें खोला किन्‍ज्‍योगी ङोह ख्‍येन्‍गे।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

गलाती 4:9

यिहॱनाङ ता़हनी ख्‍यागी किन्‍ज्‍योला ङोह स्‍य़ेदी येहबा पे यिहॱना़: किन्‍ज्‍योगीॱराङ ख्‍याला ङोह ख्‍येन्‍दी येहबा ओ़ह सोङबे ख्‍या च्‍यिबे येहपाराङ ओङ म़ेहबा दाङ तेहन्‍दा म़ेहबा स्‍यिती काम्‍बु तामया़गी तिङदा तिङ डोएँ? ख्‍या येहपाराङ च्‍यिबे ओ़ह से़हया़गी योक्‍पु डोज्‍ये सेम्‍बा पेहकें?

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,

२ तिमोथी 1:7

च्‍यिबेमाना किन्‍ज्‍योगी ओहराङला ज्‍यी़सुगी सेम मिहम्‍बा यिहॱनाङ ओङ, चेवा दाङ राहङला थिला ज़्‍या़गेन्‍गी सेम नाङदी येहबा।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

१ यूहन्‍ना 2:10

का़हन्‍दीगी राहङगी आदा-नो़ह दाङ आज्‍यी-नुहमुया़ला चेवा पेहकें, खो क्‍या-साङेला ओहङगे, ओहले लेहमेन मिहया़गी ल़ेहया़ला का़गेन्‍गी तामया़ खो ङ्याम्‍बु च्‍यिॱआङ मेहयोहङगे।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।

१ यूहन्‍ना 2:3

ओहराङगी मिहरोगी काया़ ङ्यिहन्‍सीन माना तेहम्‍बाराङ ओहराङगी मिहरोला ङोह स्‍य़ेक्‍यो दु म़ेदी ह्‍अ कोह ख़ूएँ।

१ यूहन्‍ना 2:4

सुज्‍यीगी ङाह चो़वोला ङोह स्‍य़ेएँ म़ेदी माएँ यिहॱनाङ चो़वोगी नाङग्‍यो काया़ मी़हचीसी माना खोगी स्‍योप क्‍याहप्‍क्‍यो ओहङगे ओहले खो ङ्याम्‍बु तेहन्‍दाम मेहयोहङगे।

१ यूहन्‍ना 2:7

ए ङाहगी च्‍याहम्‍बु आदा-नो़ह दाङ आज्‍यी-नुहमुया़, ख्‍याया़ला प्रुहक्‍योकी दि काया़ साम्‍बा मिहन। यिहॱनाङ दि छ़ूगे यिहन्‍ज्‍युराङ ची़दे ओहङग्‍योगी निङबा काया़ यिहम्‍बा। दि निङबा काया़ ख्‍याया़गी थ़े सिहन्‍ग्‍योगी लोप्‍च्‍युया़ॱराङ यिहन।

१ यूहन्‍ना 3:9

किन्‍ज्‍यो लाहमले क्‍येक्‍यो पेहजाया़गी तिहक्‍पा पेहतीराङ मेहतेहकें, च्‍यिबेमाना खो ङ्याम्‍बु किन्‍ज्‍योगी सेन ओहङगे, ओ़ह सोङबे तिहक्‍पा पेहतीराङ तेह मी़हखुएँ, च्‍यिबेमाना खो किन्‍ज्‍यो लाहमले क्‍येक्‍यो यिहम्‍बा।

१ यूहन्‍ना 4:11

ए ङाहगी च्‍याहम्‍बु रो़हया़, किन्‍ज्‍योगी दि ल़ेहमु जेती ओहराङला चेवा जे नाङग्‍यो यिहम्‍बा मासीमाना ओहराङगीॱआङ च्‍यी़गी च्‍यी़ला चेवा पेह कोहएँ।

१ यूहन्‍ना 4:12

किन्‍ज्‍योला सुगीॱआङ नाहमॱआङ थोङदी म़ेह। यिहॱनाङ ओहराङगी च्‍यी़गी च्‍यी़ला चेवा पेहसीमाना किन्‍ज्‍यो ओहराङ नाहङलाराङ ज़्‍य़ू नाङगे, ओहले ओहराङ लाहमले किन्‍ज्‍योगी चेवा छाङबु डोएँ।

१ यूहन्‍ना 4:16

ओहराङ राहङगीॱआङ किन्‍ज्‍योगी ओहराङला चेवा जे नाङग्‍यो माएँ ताम ङोह स्‍य़ेगे ओ़ह सोङबे ओहराङगी किन्‍ज्‍योगी चेवाला यिह छ्य़ेगे। किन्‍ज्‍योॱराङ चेवा यिहम्‍बा। चेवा पेहतीराङ तेहकें मिह किन्‍ज्‍यो ङ्याम्‍बु ओहङगे ओहले किन्‍ज्‍योॱआङ खो ङ्याम्‍बु ज़्‍य़ू नाङगे।

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?

१ यूहन्‍ना 4:8

चेवा मेहबेकेन्‍दीगी किन्‍ज्‍योला ङोह मे़हस्‍येएँ च्‍यिबेमाना किन्‍ज्‍योॱराङ चेवा यिहम्‍बा।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

२ यूहन्‍ना 1:5

ए ङाहगी च्‍याहम्‍बु आज्‍यी, ङाहगी ख्‍येला च्‍यिॱआङ साम्‍बा का प्री़हदी म़ेह। ओहराङ ङ्याम्‍बु छ़ूगे यिहन्‍ज्‍युराङ येहकेन्‍की कागी तेहन्‍दालाराङ ङाहगी प्रुहक्‍यो यिहम्‍बा। ता़ह ओहराङगी च्‍यी़गी च्‍यी़ला चेवा पेह कोहएँ म़ेदी ङाह ख्‍येला ओहर-छ्य़े! स्‍युहउ येह।