१ यूहन्‍ना 4:5 - ह्योल्‍मो

⁵ खुङया़ जाम्‍बुलीङदी यिहन्‍गे सोङबे जाम्‍बुलीङदी ताम माएँ ओहले जाम्‍बुलीङगी खुङया़गी माक्‍यो ताम ङ्यिहन्‍गे।

१ यूहन्‍ना 4:5 ပူးပေါင်းရင်းမြစ်များ

लूका 16:8

“दि केच्‍या क्‍यी़ह ज्‍योर फान्‍ज्‍यो ओ़ह ताहक्‍पुगी टाहङदेन म़ेहबागी गोबालाती टिहम्‍दाङला क्‍या़सीन च्‍यिबेमाना दि जाम्‍बुलीङगी मिहया़ राहङगी रो़हया़ ङ्याम्‍बु पेहकेन्‍गी डोलु-तेहलुला क्‍या-साङेगी छार्क्‍यीनया़ म़ेदीॱआङ माहङबु टिहम्‍बु ओहङगे।”

यूहन्‍ना 17:14

ङाहगी खुङया़ला राहङती सुङदेन तेर्सीन, यिहॱनाङ जाम्‍बुलीङगी खुङया़ला ङ्येन्‍ज्‍येन पेहसीन, च्‍यिबेमाना ङाह ल़ेहमुराङ खुङॱआङ दि जाम्‍बुलीङदी मिहन।

यूहन्‍ना 17:16

ङाह दि जाम्‍बुलीङती मिहन ओ़हठीॱराङ पेहती खुङॱआङ दि जाम्‍बुलीङदी मिहन।

यूहन्‍ना 3:31

याहरले फेप नाङगेन्‍दी थाम्‍ज्‍यी म़ेदी चा़ छ्यिम्‍बु येह। जाम्‍बुलीङला क्‍येक्‍योगी मिहया़ जाम्‍बुलीङदीराङ ओहङगे ओहले जाम्‍बुलीङगी तामया़ॱराङ माएँ। यिहॱनाङ स्‍यिहङगामले फेप्‍केन्‍दी थाम्‍ज्‍यी म़ेदी चा़ छ्यिम्‍बु ज़्‍य़ू नाङदी येह।

यूहन्‍ना 8:23

ओहले येशूगी खुङया़ला सुङ नाङसीन, “ख्‍यानी माहरकी मिह यिहम्‍बा, ङाहनी याहरलेगी ओहङग्‍यो यिहम्‍बा। ख्‍यानी दि जाम्‍बुलीङदी यिहम्‍बा, ङाहनी दि जाम्‍बुलीङदी मिहन।

२ तिमोथी 4:3

च्‍यिबेमाना ता़ह मिहया़गी तेहन्‍दामकी लोप्‍च्‍युङ ङ्यिहन्‍ज्‍ये सेम म़ेह ऩेगेन्‍गी ती़हजी च्‍यी़ॱआङ ओहङगेॱराङ येहबा। ओ़ह ती़हजीला खुङ राहङला या़हबु ऩेगेन्‍गी से़हया़ च्‍यी़राङ ङ्यिहन्‍ज्‍ये सेम पेहच्‍ये येह ओहले राहङला या़हबु ऩेगेन्‍गी तामया़ स्‍येकेन्‍गी लोबेनया़लाॱराङ क़े क्‍याहप्‍च्‍ये येह।

ज्‍याल्‍गा 12:9

दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।