१ यूहन्‍ना 4:21 - ह्योल्‍मो

²¹ का़हन्‍दीगी किन्‍ज्‍योला चेवा पेहकें, ओ़हदीगी राहङगी आदा-नो़ह दाङ आज्‍यी-नुहमुला चेवा पेहॱराङ कोहएँ। दिराङ मास्‍यीकागी ओहराङला नाङग्‍योकी का यिहम्‍बा।

१ यूहन्‍ना 4:21 ပူးပေါင်းရင်းမြစ်များ

मत्ती 5:43

“‘खिम्‍जीला चेवा पेहतोङ, टाहलाती ङेन्‍ज्‍येन पेहतोङ’ म़ेदी माक्‍यो ख्‍याया़ला क्‍यी़हराङ येह।

लूका 10:37

ओहले छ्य़े-ठिमकी लोबेनगी येशूला स्‍युहसीन, “ओ़ह नेहपाला निङज्‍यी पेहकें मिहदी खोगी ख्‍यिम्‍जी यिहम्‍बा।” ओहले येशूगी सुङ नाङसीन, “ता़ह ख्‍येॱआङ सोङ, ओहले ख्‍येगीॱआङ ओ़ह ल़ेहमुराङ पेहतोङ” म़ेदी येशूगी सुङ नाङसीन।

यूहन्‍ना 15:12

ङाहगी का दिराङ यिहन– ङाहगी ख्‍याला चेवा पेहक्‍यो ल़ेहमु ख्‍यागीॱआङ च्‍यी़गी च्‍यी़ला चेवा पेहतोङ।

गलाती 5:14

च्‍यिबेमाना थाम्‍ज्‍यी छ्य़े-ठिम, च्‍यिमी च्‍यी़राङ सुङला छाङबु काहल्‍दी येह, “ख्‍येगी राहङ ख्‍यिम्‍जीला राहङला ल़ेहमुराङ चेवा पेहतोङ।”

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

१ थेसलोनिकी 4:9

यिहॱनाङ आदा-नो़ह दाङ आज्‍यी-नुहमुया़ला चेवाकी तेहन्‍दाला सुज्‍यीगीॱआङ यिहगी प्रुह कोहबा म़ेह, च्‍यिबेमाना च्‍यी़गी च्‍यी़ला चेवा पेहतोङ माएँ ताम ख्‍या फ़ेबे-म़ेहमेॱया राहङगीराङ किन्‍ज्‍यो लाहमले लुहङ ज्‍योर्ती येह।

१ पत्रुस 3:8

ज्‍युक्‍स्‍योलला ख्‍या थाम्‍ज्‍यी सेम च्‍यी़ टी़हदी, च्‍यी़गी च्‍यी़ला सेम ज़ुङ च्‍य़ूगेन्‍गी छ्याप्‍स्‍यीया़ पेहतोङ, राहङ आदा-नो़ह दाङ आज्‍यी-नुहमुया़ॱराङ यिहम्‍बा ने़दी च्‍यी़गी च्‍यी़ला चेवा पेहतोङ, निङज्‍यी पेहतोङ ओहले ङ्येम्‍ज्‍युङ पेहतोङ।

१ पत्रुस 4:8

थाम्‍ज्‍यी म़ेदी छ्यिम्‍बु ताम, च्‍यी़गी च्‍यी़ला सेम तिहङ यिहन्‍ज्‍युराङ चेवा पेहतोङ च्‍यिबेमाना चेवागीॱराङ रेबेॱराङ तिहक्‍पाया़ला उप्‍के यिहम्‍बा।

१ यूहन्‍ना 2:7

ए ङाहगी च्‍याहम्‍बु आदा-नो़ह दाङ आज्‍यी-नुहमुया़, ख्‍याया़ला प्रुहक्‍योकी दि काया़ साम्‍बा मिहन। यिहॱनाङ दि छ़ूगे यिहन्‍ज्‍युराङ ची़दे ओहङग्‍योगी निङबा काया़ यिहम्‍बा। दि निङबा काया़ ख्‍याया़गी थ़े सिहन्‍ग्‍योगी लोप्‍च्‍युया़ॱराङ यिहन।

१ यूहन्‍ना 3:11

ख्‍याया़गी छ़ूगे यिहन्‍ज्‍युराङ थे़क्‍योकी लेहङगु दिराङ यिहम्‍बा, “ओहराङगी च्‍यी़गी च्‍यी़ला चेवा पेह कोहएँ।”

१ यूहन्‍ना 3:14

ओहराङगी आदा-नो़ह दाङ आज्‍यी-नुहमुया़ला चेवा पेहक्‍यो सोङबेॱराङ ओहराङ स्‍यिवा च्‍येती मिहलीला पो सिहन्‍दी येहबा माएँ ताम ओहराङला क्‍यी़ह येहबा। का़हन्‍दीगी चेवा मेहबेकें, खो स्‍यिवालाॱराङ लिहकें।

१ यूहन्‍ना 3:18

ए ङाहगी पेहजाया़! ओहराङ खा दाङ तामगी ज्‍यीॱराङ चेवा पेहच्‍ये मेहयोहङगे, ओहराङगी चेवादी तेहन्‍दामदी ओहङ कोहएँ। दि ल़ेहमु चेवाती ल़ेह लाहमले च्‍यी़राङ थोङगे यिहम्‍बा।

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 4:11

ए ङाहगी च्‍याहम्‍बु रो़हया़, किन्‍ज्‍योगी दि ल़ेहमु जेती ओहराङला चेवा जे नाङग्‍यो यिहम्‍बा मासीमाना ओहराङगीॱआङ च्‍यी़गी च्‍यी़ला चेवा पेह कोहएँ।