१ यूहन्‍ना 4:17 - ह्योल्‍मो

¹⁷ दि ल़ेहमु पेहतीराङ ओहराङ ङ्याम्‍बु येहकेन्‍गी चेवा छाङबु काहल्‍ग्‍यो ओहङगे ओहले ठिम ताङ नाङगे ङ्यिहमाला ओहराङ ज्‍यी़ मेहकोहएँ च्‍यिबेमाना दि जाम्‍बुलीङला ओहराङ मास्‍यीका ल़ेहमुराङ येहबा।

१ यूहन्‍ना 4:17 ပူးပေါင်းရင်းမြစ်များ

मत्ती 10:15

तेहम्‍बाराङ ङाहगी ख्‍याया़ला माएँ, ठिम ताङ नाङगेन ङ्यिहमाला ओ़ह क्‍याहसाकी मिहया़गी तुहक्‍पु म़ेदीनी सदोम दाङ गमोरा क्‍याहसाकी मिहया़गी तुहक्‍पु गा ना़ खू़-दाङ ओहङज्‍ये येह।”

मत्ती 10:25

ओ़ह सोङबे स्‍याहप्‍च्‍यी राहङगी लोबेनचेबाॱराङ, ओहले योक्‍पु राहङगी ताहक्‍पुजेबाराङ काहल्‍ग्‍योगी तेहन्‍दाला सेम लो तेहमु पेहच्‍यु। का़हलेॱआङ खुङगी खाङबागी ताहक्‍पुलाॱराङ ती़ह गो-छ्येवा बालजिबुल म़ेदी मासीमानानी खोगी खाङबा मे़हमेया़लानी तोहरोङ च्‍यि मारो?” म़ेदी येशूगी सुङ नाङसीन।

मत्ती 11:22

यिहॱनाङ ङाह ख्‍याया़ला माएँ, ठिम ताङगे ङ्यिहमाला ख्‍याया़गी ङ्य़ेहबा म़ेदीनी टुरोस दाङ सीदोन क्‍याहसाकी मिहया़गी ङ्य़ेहबा गा ना़ खू़-दाङ ओहङज्‍ये येह।”

मत्ती 11:24

ङाह ख्‍याया़ला माएँ, ठिम ताङगे ङ्यिहमाला ख्‍याया़गी ङ्य़ेहबा म़ेदीनी सदोम क्‍याहसाकी मिहया़गी ङ्य़ेहबा गा ना़ खू़-दाङ ओहङज्‍ये येह।”

मत्ती 12:36

ङाह ख्‍येला माएँ, फेन मे़हथोएँगी ताम माएँया़गी ठिम ताङगे ङ्यिहमु ताम रे़ह-रे़हगी चिदुङ तेर कोहच्‍ये येह।

यूहन्‍ना 15:20

ङाहगी ख्‍याला माक्‍यो ताम टेहम्‍बा साल्‍दी ज़्‍यो़, ‘योक्‍पु खाङबा ताहक्‍पु म़ेदी छ्यिम्‍बु ओहङ मी़हखुएँ।’ खुङगी ङाहला तुहक्‍पु तेर्सीमाना ख्‍याॱलाङ तुहक्‍पु तेर्च्‍ये येह। खुङगी ङाहती ताम ङ्यिहन्‍सीन माना ख्‍याती तामॱआङ ङ्यिहन्‍ज्‍ये येह।

यूहन्‍ना 17:22

याहप दाङ ङाह च्‍यी़ येहकें ल़ेहमु खुङॱआङ च्‍यी़राङ डो ख़ूज्‍यु म़ेदी राहङगी ङाहला नाङग्‍योकी ज़िज्‍यिद, ङाहगी खुङया़ॱलाङ तेर्ती येह।

रोमी 8:29

किन्‍ज्‍योगी राहङगी मिहया़ला तोहङलेराङ ङोह ख्‍येन नाङसीन ओहले राहङगी स़ेबु ल़ेहमुराङ डोज्‍येला दाम नाङसीन च्‍यिबेमाना मिहरोगी स़ेबु आदा-नो़ह दाङ आज्‍यी-नुहमुया़ नाहङला थाम्‍ज्‍यी म़ेदी छ्येस्‍यो ओहङ ख़ूज्‍यु।

हिब्रू 9:27

मिह लेहमा च्‍यी़ स्‍यिएँ ओहले स्‍यि फान्‍ज्‍यो किन्‍ज्‍योगी खोला ठिम ज़ी़ नाङगे।

याकूब 2:13

निङज्‍यी मेहबेकें मिहला किन्‍ज्‍योगी थुज्‍यी ज़ी़ माहनाङबा जेती ठिम ताङ नाङज्‍ये म़ेह। चेवागी ठिमला क्‍याहल ख़ूएँ।

याकूब 2:22

खोगी तेहपा ङ्याम्‍बु-ङ्याम्‍बुराङ ल़ेहॱआङ पेहसीन ओहले खोगी पेहक्‍योगी ल़ेह लाहमलेॱराङ तेहपा तेहन्‍दा डुप्‍सीन, ओ़ह च्‍यि ख्‍यागी मेहथोङ दु?

२ पत्रुस 2:9

दि ल़ेहमु जेती टाहङबु मिहला ङ्याहम्‍छेलेगी थार च्‍य़ूज्‍ये दाङ तिहक्‍च्‍येम्‍बा मिहया़ला ठिम ताङ नाङगे ङ्यिहमा थु सी़दे ज़्‍या़ नाङज्‍येला चो़वोगी ङोह ख्‍येन्‍गे।

२ पत्रुस 3:7

यिहॱनाङ ओ़ह सुङगीॱराङ किन्‍ज्‍योला मे़हक्‍याप्‍के मिहया़ला ठिम ताङ नाङज्‍येला तोङ च्‍य़ू नाङगेन्‍गी ङ्यिहमा थु ताहन्‍दाकी नाम दाङ जाम्‍बुलीङगी मेहकी तेहन्‍दाला सी़दे ज़्‍या़ नाङदी येह।

१ यूहन्‍ना 2:28

ए ङाहगी पेहजाया़, ख्‍या मास्‍यीकाला क्‍याप्‍ती तेहतोङ, ओहले मास्‍यीका फेप नाङगेमु ओहराङला स्‍युक क्‍येज्‍ये येह, ओहले मास्‍यीका फेप नाङगेमु मिहरोगी दिनला ओहराङ ङोह-छारी डोज्‍ये म़ेह।

१ यूहन्‍ना 2:5

यिहॱनाङ काहदी मिहगी चो़वोगी लुहङया़ ची़गे, खोगी तेहम्‍बा-तेहन्‍सुमॱराङ किन्‍ज्‍योला सेम तिहङ यिहन्‍ज्‍युराङ चेवा पेहक्‍यो ओहङगे। दि लाहमलेॱराङ ओहराङ किन्‍ज्‍यो ङ्याम्‍बु येहबा माएँ ताम क्‍यी़ह ज्‍योर ख़ूएँ।

१ यूहन्‍ना 2:6

किन्‍ज्‍यो ङ्याम्‍बुराङ येह म़ेदी माएँ मिहगी मास्‍यीकाती ल़ेहमुराङ राहङगी डोलु-तेहलुया़ पेह कोहएँ।

१ यूहन्‍ना 3:1

त़ेदोङ, याहप्‍च्‍येन आबागी ओहराङला काहजे माहङबु निङज्‍यी जे नाङगु दु! मिहरोगी निङज्‍यीगी पेहती ओहराङ किन्‍ज्‍योगी छार्क्‍यीनया़ काहल्‍दी येहबा, यिहन्‍ज्‍येॱआङ ओहराङ तेहम्‍बाराङ किन्‍ज्‍योगी छार्क्‍यीनया़राङ यिहम्‍बा। ओ़ह सोङबे जाम्‍बुलीङकी मिहया़गी ओहराङला ङोह मे़हस्‍येएँ च्‍यिबेमाना खुङया़गी किन्‍ज्‍योला ङोह स्‍य़ेक्‍यो म़ेह।

१ यूहन्‍ना 3:3

ओहले मास्‍यीकाला दि ल़ेहमु रेहवा पेहकेनया़गी राहङला मास्‍यीकाला ल़ेहमुराङ चाङमा पेहती ज़्‍या़गे।

१ यूहन्‍ना 3:7

ए ङाहगी च्‍याहम्‍बु पेहजाया़, सुज्‍यीगीॱआङ ख्‍याला चिहन क्‍याहप माहङ्युहङज्‍यु। मास्‍यीका टाहङबु येहकें ल़ेहमुराङ काहदी मिहगी राहङगी डोलु-तेहलुया़ टाहङबु पेहकें, खो मिह टाहङबु यिहम्‍बा

१ यूहन्‍ना 4:12

किन्‍ज्‍योला सुगीॱआङ नाहमॱआङ थोङदी म़ेह। यिहॱनाङ ओहराङगी च्‍यी़गी च्‍यी़ला चेवा पेहसीमाना किन्‍ज्‍यो ओहराङ नाहङलाराङ ज़्‍य़ू नाङगे, ओहले ओहराङ लाहमले किन्‍ज्‍योगी चेवा छाङबु डोएँ।