१ यूहन्‍ना 4:15 - ह्योल्‍मो

¹⁵ येशूॱराङ किन्‍ज्‍योगी स़ेबु यिहम्‍बा माएँ मिह ङ्याम्‍बु किन्‍ज्‍यो ज़्‍य़ू नाङगे ओहले खो किन्‍ज्‍यो ङ्याम्‍बु ओहङगे।

१ यूहन्‍ना 4:15 ပူးပေါင်းရင်းမြစ်များ

मत्ती 10:32

“ओ़ह सोङबे सु सुगी ङाहला मिहया़गी दिनला ङाहगी चो़वो छ्येवा म़ेदी लोक पेहकें, खोला ङाहगीॱआङ स्‍यिहङगामला ज़्‍य़ू नाङगेन ङाहगी किन्‍ज्‍यो याहपकी दिनला खो ङाहदी यिहन म़ेदी लोक पेहच्‍ये येह।

लूका 12:8

“ङाहगी ख्‍याला माएँ सुगी ङाहला मिहया़गी दिनला ङाहती चो़वो छ्येवा म़ेदी माएँ ओ़हदीला ङाह मिहगी स़ेबुगीॱआङ स्‍यिहङगामकी स्‍याहप्‍च्‍यीगी दिनला खो ङाहती यिहन म़ेदी माज्‍ये येह।

यूहन्‍ना 6:56

ङाहगी ज़ुबु साहएँ, दाङ ङाहती ठा़ थुङगेन मिहती ङाह ङ्याम्‍बु ओहङगे, ओहले ङाह खो ङ्याम्‍बु ओहङगे।

ल़ेह-पेन 8:37

[ ओहले फिलिपगी मासीन, “सेम तिहङ यिहन्‍ज्‍युराङ यिह-छ्य़े जे नाङसीन माना राहङगी बप्‍तिस्‍मा ल़ेहन ख़ूएँ।” ओहजेला खोगी, “यिहम्‍बा, येशू मास्‍यीकाॱराङ किन्‍ज्‍योगी स़ेबु यिहन म़ेदी ङाह यिह-छ्य़े पेहके” म़ेदी ओ़ह मिहगी ल़ेहन क्‍याहप्‍सीन।]

रोमी 10:9

च्‍यिबेमाना का़हलेॱआङ ख्‍येगी येशूला चो़वो यिहन म़ेदी राहङगी खागी लोक पेहसीन, ओहले किन्‍ज्‍योगी मिहरोला टोहङग्‍योया़लेगी सोम्‍बो ज़्‍याङ च्‍य़ू नाङसीन म़ेदी राहङगी सेमला यिह छ्य़ेसीन माना ख्‍ये थार्च्‍ये येह।

फिलिप्‍पी 2:11

किन्‍ज्‍योकी ज़िज्‍यिदगी तेहन्‍दाला थाम्‍ज्‍यीगी येशू मास्‍यीकाॱराङ चो़वो यिहन म़ेदी खागी माज्‍ये येह।

१ यूहन्‍ना 2:23

स़ेबुला मा-लोक पेहकें मिहगी याहपलाॱआङ मा-लोक पेहकें ओहले स़ेबुला मा-लोक मेहबेकें मिहगी याहपलाॱआङ मा-लोक मेहबेकें।

१ यूहन्‍ना 2:24

ओ़ह सोङबे ख्‍याया़गी छ़ूगे यिहन्‍ज्‍युराङ थे़दे ओहङग्‍योकी लुहङया़ राहङगी सेमला ज़्‍या़दोङ। ख्‍यागी थे़क्‍योकी लुहङया़ राहङगी सेमला ज़्‍या़क्‍यो येहसीमाना ख्‍या किन्‍ज्‍यो याहप दाङ स़ेबु ङ्याम्‍बुराङ ओहङज्‍ये येह।

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 3:24

किन्‍ज्‍योगी का ङ्यिहन्‍गे मिह थाम्‍ज्‍यी किन्‍ज्‍यो ङ्याम्‍बुराङ ओहङज्‍ये येह ओहले किन्‍ज्‍यो खुङ ङ्याम्‍बु ज़्‍य़ू नाङज्‍ये येह। किन्‍ज्‍योगी ओहराङला नाङग्‍यो नाम्‍पार-ताहक्‍पा थु लाहमले किन्‍ज्‍यो ओहराङ ङ्याम्‍बु ज़्‍य़ू नाङगे माएँ ताम ङोह स्‍य़े ख़ूएँ।

१ यूहन्‍ना 4:12

किन्‍ज्‍योला सुगीॱआङ नाहमॱआङ थोङदी म़ेह। यिहॱनाङ ओहराङगी च्‍यी़गी च्‍यी़ला चेवा पेहसीमाना किन्‍ज्‍यो ओहराङ नाहङलाराङ ज़्‍य़ू नाङगे, ओहले ओहराङ लाहमले किन्‍ज्‍योगी चेवा छाङबु डोएँ।

१ यूहन्‍ना 4:2

येशू मास्‍यीका मिहगी कुसोला फेप नाङसीन म़ेदी माएँ थुराङ किन्‍ज्‍योगी थु यिहम्‍बा। दि लाहमलेॱराङ ख्‍याया़गी किन्‍ज्‍योगी थुला ङोह स्‍य़े ख़ूज्‍ये येह।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 5:5

सुगी जाम्‍बुलीङला काहल ख़ूएँ? येशूला किन्‍ज्‍योगी स़ेबु यिहन म़ेदी यिह छ्य़ेएँ मिहगीराङ जाम्‍बुलीङला क्‍याहल ख़ूएँ।

२ यूहन्‍ना 1:7

“येशू मास्‍यीका मिहगी कुसो नोम्‍दे फेप माहनाङ” म़ेदी गो़ कोर्के मिहया़ माहङबुराङ जाम्‍बुलीङला ओहङ सिहन्‍दी येह। दि ल़ेहमु मिहया़राङ चिहन क्‍याहप्‍के दाङ मास्‍यीकाला टाह पेहकेनया़ यिहम्‍बा।