१ यूहन्‍ना 4:14 - ह्योल्‍मो

¹⁴ किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।

१ यूहन्‍ना 4:14 ပူးပေါင်းရင်းမြစ်များ

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 1:29

नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!

यूहन्‍ना 10:36

याहपगी नाम्‍पार-ताहक्‍पा ज़ो नाङदी जाम्‍बुलीङला ताङ नाङग्‍यो मिहगी ‘ङाह किन्‍ज्‍योगी स़ेबु यिहम्‍बा’ म़ेदी माएँमु काह-ठि पेहती किन्‍ज्‍योला स्‍ये़हन्‍डील पेहक्‍यो काहल्‍बा ले?

यूहन्‍ना 12:47

सुगी ङाहती ताम ङ्यिहन्‍गे, ओहले ओ़ह मी़हचीगे, ङाह खोला ठिम मेहताङ। च्‍यिबेमाना ङाह जाम्‍बुलीङला ठिम ताङज्‍येला ओहङग्‍यो मिहन, यिहॱनाङ जाम्‍बुलीङला थार च्‍य़ूज्‍येला ओहङग्‍यो यिहम्‍बा।

यूहन्‍ना 3:11

तेहम्‍बाराङ ङाह ख्‍येला माएँ, ङ्यिहगी च्‍यि ङोह स्‍य़ेगे ओ़हदीॱराङ माएँ, ओहले ङ्यिहगी च्‍यि थोङग्‍यो येहबा ओ़हगी तेहन्‍दाला पाङबु तेर्के, यिहॱनाङ ख्‍याया़गी ङ्यिहगी तेरक्‍यो पाङबुला ची़नाङ मेहबेएँ दु।

यूहन्‍ना 3:32

मिहरोगी राहङगी ज़ी़क्‍यो दाङ सेन्‍ग्‍योगी स्‍याहलया़ॱराङ सुङ नाङगे। यिहॱनाङ मिहरोगी सुङ नाङग्‍यो स्‍याहलला सुज्‍यीगीॱआङ यिह मे़हछ्येएँ।

यूहन्‍ना 3:34

च्‍यिबेमाना किन्‍ज्‍योगी ताङ नाङग्‍यो मिहगी किन्‍ज्‍यो लाहमलेॱराङ स्‍याहल सुङगे, च्‍यिबेमाना किन्‍ज्‍योगी मिहरोला राहङगी थु छे-मे़हबा माहङबु नाङदी येह।

यूहन्‍ना 4:42

ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

यूहन्‍ना 5:39

ख्‍यागी सुङरापला था़ म़ेहबा मिहली ज़ाङबु ज्‍योर्के म़ेदी सुङराप लोङदीनी ताएँ। ङाहगी तेहन्‍दाला पाङबु तेर्केन्‍दी ओ़ह सुङरापॱराङ यिहन।

ल़ेह-पेन 18:5

ओहले सिलास दाङ तिमोथी माकेडोनिया लुहङबाले ओहङ फान्‍ज्‍यो पावलगी सुङ ख्‍येप्‍टा तेर्केन्‍गी ल़ेह पेहसीन। खोगी यहूदीया़ला, येशूॱराङ थार्पा नाङगेन्‍गी मास्‍यीका क्‍याहल्‍बु यिहन म़ेदी पाङबु तेर्सीन।

१ पत्रुस 5:12

यिह-छ्य़ेबुकी नो़ह सिलासकी रो़हराम लाहमले ङाहगी ख्‍याया़ला दि यिहगी प्रुहएँॱराङ येहबा। ङाहगी दि थाम्‍ज्‍यी किन्‍ज्‍योगी तेहन्‍दामकी काटीनकी पाङबु तेर्च्‍येला ओहले स्‍युक तेर्च्‍येला प्रुहक्‍यो यिहम्‍बा। दि केच्‍याला ख्‍या सेम थिक-चि पेहती तेहतोङ।

१ यूहन्‍ना 4:10

ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।

१ यूहन्‍ना 5:9

मिहगी तेरक्‍यो पाङबुला ङ्यिह यिह छ्य़ेगे। यिहॱनाङ किन्‍ज्‍योगी नाङग्‍यो पाङबु ओ़ह म़ेदीॱआङ स्‍युक छ्यिम्‍बु येह। किन्‍ज्‍योगीॱराङ राहङगी स़ेबुगी तेहन्‍दाला पाङबु नाङग्‍यो येहबा।