१ यूहन्‍ना 4:11 - ह्योल्‍मो

¹¹ ए ङाहगी च्‍याहम्‍बु रो़हया़, किन्‍ज्‍योगी दि ल़ेहमु जेती ओहराङला चेवा जे नाङग्‍यो यिहम्‍बा मासीमाना ओहराङगीॱआङ च्‍यी़गी च्‍यी़ला चेवा पेह कोहएँ।

१ यूहन्‍ना 4:11 ပူးပေါင်းရင်းမြစ်များ

लूका 10:37

ओहले छ्य़े-ठिमकी लोबेनगी येशूला स्‍युहसीन, “ओ़ह नेहपाला निङज्‍यी पेहकें मिहदी खोगी ख्‍यिम्‍जी यिहम्‍बा।” ओहले येशूगी सुङ नाङसीन, “ता़ह ख्‍येॱआङ सोङ, ओहले ख्‍येगीॱआङ ओ़ह ल़ेहमुराङ पेहतोङ” म़ेदी येशूगी सुङ नाङसीन।

यूहन्‍ना 13:34

ता़ह ङाह ख्‍याया़ला का साम्‍बा च्‍यी़ तेर्कें ख्‍याया़ च्‍यी़गी च्‍यी़ला चेवा पेहतोङ। ङाहगी ख्‍याया़ला काह-ठि पेहती चेवा पेहक्‍यो येहबा ओ़ह ल़ेहमुराङ पेहती ख्‍याया़गीॱआङ च्‍यी़गी च्‍यी़ला चेवा पेहतोङ।

एफिसी 4:31

रेबेॱराङ खोक्‍पा नाहक्‍पुया़, स्‍यिहताङ दाङ ङाहर्क्‍यालया़ पाङदोङ, मिहला खा चोक्‍पा ताङगेन्‍की पेहताङया़ पाङदोङ, मिह ताम च्‍येहकेन्‍की पेहताङया़ पाङदोङ, थाम्‍ज्‍यी नामे-नाजो ठादो पेहकेन्‍गी पेहताङया़ॱआङ ख्‍याया़गी पाङदोङ।

कलस्‍सी 3:13

च्‍यी़गी च्‍यी़ला ना़दोङ, च्‍यी़गी च्‍यी़ला टाह पेहती च्‍यिरा ल़ेह जोल्‍ग्‍यो येहसीनमाना च्‍यी़गी च्‍यी़ला स्‍या़बा तेर्तोङ। चो़वोगी ख्‍याला स्‍या़बा नाङग्‍यो ल़ेहमुराङ ख्‍यागीॱआङ मिहया़ला स्‍या़बा तेर्तोङ।

१ यूहन्‍ना 2:7

ए ङाहगी च्‍याहम्‍बु आदा-नो़ह दाङ आज्‍यी-नुहमुया़, ख्‍याया़ला प्रुहक्‍योकी दि काया़ साम्‍बा मिहन। यिहॱनाङ दि छ़ूगे यिहन्‍ज्‍युराङ ची़दे ओहङग्‍योगी निङबा काया़ यिहम्‍बा। दि निङबा काया़ ख्‍याया़गी थ़े सिहन्‍ग्‍योगी लोप्‍च्‍युया़ॱराङ यिहन।

१ यूहन्‍ना 3:11

ख्‍याया़गी छ़ूगे यिहन्‍ज्‍युराङ थे़क्‍योकी लेहङगु दिराङ यिहम्‍बा, “ओहराङगी च्‍यी़गी च्‍यी़ला चेवा पेह कोहएँ।”

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 4:7

ए ङाहगी च्‍याहम्‍बु रो़हया़, ओहराङगी च्‍यी़गी च्‍यी़ला चेवा पेह कोहएँ च्‍यिबेमाना चेवा किन्‍ज्‍यो लाहमले ओहङग्‍यो यिहम्‍बा। का़हन्‍दीगी चेवा पेहकें खो किन्‍ज्‍यो लाहमले क्‍येक्‍यो ओहङगे, खोगी किन्‍ज्‍योला ङोह स्‍य़ेएँ।

२ यूहन्‍ना 1:5

ए ङाहगी च्‍याहम्‍बु आज्‍यी, ङाहगी ख्‍येला च्‍यिॱआङ साम्‍बा का प्री़हदी म़ेह। ओहराङ ङ्याम्‍बु छ़ूगे यिहन्‍ज्‍युराङ येहकेन्‍की कागी तेहन्‍दालाराङ ङाहगी प्रुहक्‍यो यिहम्‍बा। ता़ह ओहराङगी च्‍यी़गी च्‍यी़ला चेवा पेह कोहएँ म़ेदी ङाह ख्‍येला ओहर-छ्य़े! स्‍युहउ येह।