१ यूहन्‍ना 3:9 - ह्योल्‍मो

⁹ किन्‍ज्‍यो लाहमले क्‍येक्‍यो पेहजाया़गी तिहक्‍पा पेहतीराङ मेहतेहकें, च्‍यिबेमाना खो ङ्याम्‍बु किन्‍ज्‍योगी सेन ओहङगे, ओ़ह सोङबे तिहक्‍पा पेहतीराङ तेह मी़हखुएँ, च्‍यिबेमाना खो किन्‍ज्‍यो लाहमले क्‍येक्‍यो यिहम्‍बा।

१ यूहन्‍ना 3:9 ပူးပေါင်းရင်းမြစ်များ

मत्ती 7:18

तोहङबो या़हबुला चोक्‍पा सेदो या़ह मी़हखुएँ, ओ़ह ल़ेहमुराङ चोक्‍पा तोहङबोला या़हबु सेदो या़ह मी़हखुएँ।

यूहन्‍ना 1:13

खुङ ठा़ दाङ, ज़ुबुकी सेम्‍बाया़ लाहमले ओहले मिहगी सेमगी ने़जेबा लाहमले क्‍येक्‍यो मिहम्‍बा, यिहॱनाङ किन्‍ज्‍यो लाहमले क्‍येक्‍यो ओहङगे।

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

ल़ेह-पेन 4:20

च्‍यिबेमाना ङ्यिहगी थोङग्‍यो दाङ थे़क्‍योगी तामया़ मा़हमेबा पेहतीनी तेहॱराङ मी़हखुएँ।”

रोमी 6:2

मिहम्‍बा, ओ़ह ल़ेहमु पेहच्‍ये मेहयोहङगे। तिहक्‍पाकी तेहन्‍दालानी ओहराङ स्‍यि सिहन्‍सीन, ओ़ह सोङबे ता़ह ओहराङगी येहपाराङ तिहक्‍पाराङ पेहती तेहच्‍ये मेहयोहङगे।

गलाती 5:17

च्‍यिबेमाना ज़ुबुकी चोक्‍पा सेम्‍बागी नाम्‍पार-ताहक्‍पा थुला टाह पेहकें ओहले नाम्‍पार-ताहक्‍पा थुगी ज़ुबुकी चोक्‍पा सेम्‍बाला टाह जे नाङगे। दि ङ्यी़ राहङ नाहङदुङ टाह यिहम्‍बा ओहले ख्‍याया़गी पेहच्‍ये छोल्‍ग्‍योकी ताम ओहङ मी़हखुएँ।

तीतस 1:2

दि तेहन्‍दामदी था़ म़ेहबा मिहलीकी रेहवाला छ्या़दे येहबा। नाहमॱआङ स्‍योप क्‍याप मेहनाङगेन किन्‍ज्‍योगी जाम्‍बुलीङ छ्या़ च्‍य़ू नाङगेन म़ेदी तोहङलेराङ, “मिहया़ला था़ म़ेहबागी मिहली ज़ाङबु नाङगेन” सुङदी ताहम्‍ज्‍या ज़्‍या़ नाङदी येहकें,

१ पत्रुस 1:23

किन्‍ज्‍योकी सोम्‍बो दाङ नाहमॱआङ मेहतोङगेन्‍गी सुङ लाहमले ख्‍याया़ येहपाराङ साम्‍बा पेहती क्‍येदी येह। ख्‍याया़ तोङदी डोएँगी छार्क्‍यीनया़ मिहम्‍बा, यिहॱनाङ ख्‍यानी नाहमॱआङ तोङदी मेहन्‍डोएँगी छार्क्‍यीनया़ गा यिहम्‍बा।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।

१ यूहन्‍ना 3:6

ओ़ह सोङबे मास्‍यीकाला क्‍याप्‍ती तेहकें मिहगी तिहक्‍पा पेहतीराङ मेहतेहकें। तिहक्‍पा पेहतीराङ तेहकें मिहगी नाह मास्‍यीका थोङग्‍यो ओहङगे नाह ङोह स्‍य़ेक्‍योॱराङ ओहङगे।

१ यूहन्‍ना 4:7

ए ङाहगी च्‍याहम्‍बु रो़हया़, ओहराङगी च्‍यी़गी च्‍यी़ला चेवा पेह कोहएँ च्‍यिबेमाना चेवा किन्‍ज्‍यो लाहमले ओहङग्‍यो यिहम्‍बा। का़हन्‍दीगी चेवा पेहकें खो किन्‍ज्‍यो लाहमले क्‍येक्‍यो ओहङगे, खोगी किन्‍ज्‍योला ङोह स्‍य़ेएँ।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 5:18

किन्‍ज्‍योगी पुह पोहमोया़गी तिहक्‍पा पेहतीराङ मेहतेहकें च्‍यिबेमाना किन्‍ज्‍योगी स़ेबुगी खुङया़ला थार च्‍य़ू नाङगे ओहले ती़ह गो-छ्येवागी खुङला ऩे क्‍याहल मी़हखुएँ। दि ओहराङला क्‍यी़हराङ येह।

१ यूहन्‍ना 5:4

च्‍यिबेमाना किन्‍ज्‍यो लाहमले क्‍येक्‍यो मिह थाम्‍ज्‍यीगी जाम्‍बुलीङला क्‍याहल्‍ज्‍ये येह। ओहराङगी यिह-छ्य़ेगीॱराङ ओहराङगी जाम्‍बुलीङला क्‍याहल ख़ूएँ।

३ यूहन्‍ना 1:11

ए ङाहगी च्‍याहम्‍बु नो़ह, चोक्‍पा तामया़ला पे ताॱराङ माहता, यिहॱनाङ या़हबु तामया़ला पे त़ेदोङ। का़हन्‍दीगी या़हबु पेहकें, ओ़ह किन्‍ज्‍योदी यिहम्‍बा, ओहले का़हन्‍दीगी चोक्‍पा पेहकें, खोगी किन्‍ज्‍योला ङोह स्‍य़ेक्‍यो मेहयोहङगे।