१ यूहन्‍ना 3:7 - ह्योल्‍मो

⁷ ए ङाहगी च्‍याहम्‍बु पेहजाया़, सुज्‍यीगीॱआङ ख्‍याला चिहन क्‍याहप माहङ्युहङज्‍यु। मास्‍यीका टाहङबु येहकें ल़ेहमुराङ काहदी मिहगी राहङगी डोलु-तेहलुया़ टाहङबु पेहकें, खो मिह टाहङबु यिहम्‍बा

१ यूहन्‍ना 3:7 ပူးပေါင်းရင်းမြစ်များ

मत्ती 5:20

ओ़ह सोङबे ङाह ख्‍याया़ला माएँ, छ्य़े-ठिमगी काया़ला छ्य़े-ठिमकी लोबेनया़ दाङ फरिसीया़गी म़ेदी या़हबु पेहती मी़हचीसीमानानी ख्‍याया़ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह।”

लूका 1:75

ओहले ओहराङ राहङगी मिहजी काहङॱराङ नाम्‍पार-ताहक्‍पा दाङ टाहङदेनला मिहरोगी कुम्‍देनला मिहरोला स्‍याहप्‍तो स्‍युह ङ्युहङज्‍यु।

ल़ेह-पेन 10:35

का़हन्‍दी क्‍यिहपागी मिह यिहॱनाङ, किन्‍ज्‍योगी ज्‍यिक्‍पा पेहकें दाङ या़हबु ल़ेह पेहकेनया़ला किन्‍ज्‍योगी थुज्‍यी ज़ी़ नाङगेन।

रोमी 2:13

च्‍यिबेमाना छ्य़े-ठिम ङ्यिहन्‍गेया़ किन्‍ज्‍योकी दिनला टाहङबु मी़हसीहएँ, यिहॱनाङ छ्य़े-ठिम ची़गेया़ टाहङबु सी़हज्‍ये येह।

१ कोरिन्‍थी 6:9

टाहङबु म़ेहबाकी मिहया़ स्‍यिहङगामकी क्‍याहल्‍सीला स्‍युह ङ्युहङज्‍ये म़ेह माएँ ताम च्‍यि ख्‍याया़ला क्‍यी़ह म़ेहबा? राहङगी राहङला चिहन माहक्‍याहप। देक्षागी बान्‍डन ल़ेह पेहकेनया़, कुला छ्येपा फुल्‍गेया़, छ्येउ-छ्येंमु पेहकेनया़, मिहगी ख्‍योवा दाङ पी़हमी थो़ला देक्षागी सेम च्‍याङगेनया़, ख्‍योवा पेहजा नाहङदोङ पा़हमा पेहकेनया़,

एफिसी 5:6

सुज्‍यीगी ख्‍याया़ला चिहन क्‍याहप्‍ती गो़ कोर मा़हखुज्‍यु। दि ल़ेहमु केच्‍याया़गी पेहतीराङ मिहङ्यीहन्‍गे मिहया़गी थो़ला किन्‍ज्‍योकी थुयाल बाप्‍के।

एफिसी 5:9

च्‍यिबेमाना क्‍या-साङेकी लाहमला डोएँ मिहया़गी नामे-नाजो ल़ेह या़हबुया़ पेहकें, खो टाहङदेन दाङ तेहन्‍दाम ओहङगे।

फिलिप्‍पी 1:11

किन्‍ज्‍योकी ज़िज्‍यिद दाङ त़ेरा तेच्‍याकी तेहन्‍दाला येशू मास्‍यीका लाहमले ओहङगेन टाहङदेनकी सेदोगी ख्‍याया़ काहङदी तेहतोङ।

हिब्रू 1:8

यिहॱनाङ ता़ह स़ेबुकी तेहन्‍दाला मिहरोगी दि ल़ेहमु सुङ नाङसीन, “ओ़ किन्‍ज्‍यो, राहङगी ज़्‍य़ू-ठि नाहम्‍स्‍यी किन्‍दुॱराङ लिहच्‍ये येह, ओहले राहङगी तेहन्‍दाम लाहमले ठिम ताङ नाङज्‍ये येह।

हिब्रू 7:2

अब्राहामगी थाम्‍ज्‍यीराङ क्‍युहया़दी बो च्‍युला बो च्‍यी़ मल्‍कीसेदेकला फी़ फुल्‍सीन। मल्‍कीसेदेक छेनकी तेहन्‍दादी “टाहङदेनकी क्‍याहल्‍बु” यिहम्‍बा ओहले खो शालेम क्‍याहसाकी क्‍याहल्‍बु यिहन्‍गे सोङबे खोला “स्‍य़िहदेकी क्‍याहल्‍बु” म़ेदीॱआङ ङोह स्‍य़ेएँ।

याकूब 1:22

किन्‍ज्‍योगी सुङला ख्‍यागी ची़दोङ, ङ्यिहन्‍दी च्‍यी़राङ पेहसीनमाना ख्‍यागी राहङगी राहङला गो़ कोर च्‍य़ूगे।

याकूब 2:19

किन्‍ज्‍योनी च्‍यी़मे च्‍यी़राङ येह म़ेदी ख्‍यागी यिह छ्य़ेगे। ओ़ह या़हबु यिहम्‍बा। ओ़हदीनी ल्‍हेन्‍डीया़गीॱआङ यिह छ्य़ेगे, ओहले ज्‍यी़दी दार्कें!

१ पत्रुस 2:24

तिहक्‍पाकी ल़ेहया़ क्‍युर्ती ओहराङगी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी मास्‍यीकागी ओहराङगी तिहक्‍पाया़ राहङगी कुसोला खुर्ती क्‍याहङस्‍यीङला टोहङ नाङसीन।

१ यूहन्‍ना 2:1

ए ङाहगी च्‍याहम्‍बु पेहजाया़, ख्‍यागी तिहक्‍पा माहबे म़ेदी ङाह ख्‍याया़ला दि यिहगी प्रुहएँॱराङ येहबा। यिहॱनाङ सुज्‍यीगी तिहक्‍पा पेहसीमाना याहप ङ्याम्‍बु ओहराङ छ्यो़ले स्‍याहल सुङ तेर्के मेहन्‍दा च्‍यी़ येहबा, ओ़ह टाहङबु येशू मास्‍यीका यिहम्‍बा।

१ यूहन्‍ना 2:26

ख्‍याया़ला चिहन क्‍याहप्‍केनया़गी तेहन्‍दाला दि ताम ङाह ख्‍याया़ला प्रुहएँॱराङ येहबा।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।

१ यूहन्‍ना 3:18

ए ङाहगी पेहजाया़! ओहराङ खा दाङ तामगी ज्‍यीॱराङ चेवा पेहच्‍ये मेहयोहङगे, ओहराङगी चेवादी तेहन्‍दामदी ओहङ कोहएँ। दि ल़ेहमु चेवाती ल़ेह लाहमले च्‍यी़राङ थोङगे यिहम्‍बा।

१ यूहन्‍ना 3:3

ओहले मास्‍यीकाला दि ल़ेहमु रेहवा पेहकेनया़गी राहङला मास्‍यीकाला ल़ेहमुराङ चाङमा पेहती ज़्‍या़गे।

१ यूहन्‍ना 4:17

दि ल़ेहमु पेहतीराङ ओहराङ ङ्याम्‍बु येहकेन्‍गी चेवा छाङबु काहल्‍ग्‍यो ओहङगे ओहले ठिम ताङ नाङगे ङ्यिहमाला ओहराङ ज्‍यी़ मेहकोहएँ च्‍यिबेमाना दि जाम्‍बुलीङला ओहराङ मास्‍यीका ल़ेहमुराङ येहबा।