१ यूहन्ना 3:5 - ह्योल्मो5 ख्याया़ला क्यी़हराङ येह मिहगी तिहक्पा ता़ह च्य़ूज्येला मास्यीका फेप नाङसीन ओहले मिहरोला तिहक्पा च्यी़ॱआङ म़ेह। အခန်းကိုကြည့်ပါ။ |
१ यूहन्ना 3:5
33 ပူးပေါင်းရင်းမြစ်များ
तेहम्बाराङ किन्ज्योला क्याप्केन्गी तेहन्दा ङोहॱराङ स्ये मी़हखुएँगी नाहङ-ताम काहजे छ्यिम्बु येहबा? मास्यीका मिहगी पी़नाङ नोम्दी फेप नाङसीन, नाम्पार-ताहक्पा थुगी मिहरोला टाहङबु यिहम्बा म़ेदी तेन नाङसीन ओहले मिहरोला स्यिहङगामकी स्याहप्च्यीया़गीॱआङ थोङसीन। ओहले मिहरोकी तेहन्दाला लुहङबा लुहङबागी मिहया़गी थ़ेसीन, जाम्बुलीङला मिहरोला मिहया़गी यिह-छ्य़े पेहसीन ओहले किन्ज्योगी मिहरोला येहपाराङ स्यिहङगामला ज्यिबुराङ चा़ जेती नोम फेप्सीन!
मास्यीकागी किन्ज्योकी ज़िज्यिदकी क्या-साङे तेन नाङगे ओहले मास्यीकाॱराङ किन्ज्योकी तेहम्बा-तेहन्सुम ङ्य़ेहरी यिहम्बा। ओहले मिहरोगी वाङज्या छ्यिम्बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्पालेगी कोहङदा नाङगेन्गी छ्या़ले छार फान्ज्यो मिहरो वाङज्या छ्यिम्बु नोम्गेन किन्ज्योकी योबा ङो़ले ज़्य़ू नाङसीन।
का़हलेॱआङ नाहम-माना डो कोहक्यो यिहन्सीमानानी जाम्बुलीङ छ्या़गे यिहन्ज्यु मास्यीकागी येहपा-येहपाराङ तुहक्पु खुर नाङ कोहच्ये येहकें। यिहॱनाङ दि तिङस्यो ङ्यिहमाया़ला मास्यीका नाहम-मानागी तेहन्दाला लेहमा च्यी़ फेप नाङसीन ओहले तिहक्पा टोहल च्य़ू नाङज्येला राहङगी कुसोला मार्च्ये फुल नाङसीन।
ओ़हठीॱराङ पेहती मिह माहङबुगी तिहक्पाया़ खुर नाङज्येला मास्यीकागी लेहमा च्यी़ राहङगी राहङला मार्च्ये फुल नाङसीन। ओहले मास्यीका येहपाराङॱआङ लेहमा च्यी़ फेप नाङज्ये येह। ओहजे काहङला मिहया़गी तिहक्पाया़ ता़ह च्य़ू नाङज्येला मिहम्बा यिहॱनाङ सेम काहसो पेहती मिहरो फेप नाङगेन्गी फेप-लाहम कू़हदी तेहकेनया़ला थार्पा नाङज्येला फेप नाङज्ये येह।
ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह।
ကြော်ငြာတွေ