१ यूहन्‍ना 3:23 - ह्योल्‍मो

²³ किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 3:23 ပူးပေါင်းရင်းမြစ်များ

मत्ती 22:39

ओहले ओ़ह म़ेदी चो़ला का छ्यिम्‍बु च्‍यी़ येहबा, ‘ख्‍येगी राहङ खिम्‍जीला राहङला ल़ेहमुराङ चेवा पेहतोङ।’

मर्कूस 9:7

ओहजेला मुक्‍पा ओहङदी टिहप्‍सा छ्या़सीन ओहले खुङ फे़बेया़ला का़सीन। ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहम्‍बा, खोगी माक्‍यो ख्‍यागी ङ्यिहन्‍दोङ!”

यूहन्‍ना 1:12

यिहॱनाङ काहजे मिहया़गी मिहरोला ची़नाङ पेहपा ओहले मिहरोगी छेन थो़ला यिह छ्य़ेबा, मिहरोगी खुङया़ला किन्‍ज्‍योकी छार्क्‍यीन डोएँगी ओङ नाङसीन।

यूहन्‍ना 13:34

ता़ह ङाह ख्‍याया़ला का साम्‍बा च्‍यी़ तेर्कें ख्‍याया़ च्‍यी़गी च्‍यी़ला चेवा पेहतोङ। ङाहगी ख्‍याया़ला काह-ठि पेहती चेवा पेहक्‍यो येहबा ओ़ह ल़ेहमुराङ पेहती ख्‍याया़गीॱआङ च्‍यी़गी च्‍यी़ला चेवा पेहतोङ।

यूहन्‍ना 14:1

ओहले येशूगी स्‍याहप्‍च्‍यीला सुङ नाङसीन, “ख्‍याया़गी सेम छाबा-छुबे माहबे, ख्‍यागी किन्‍ज्‍योला यिह छ्य़ेक्‍यो ल़ेहमु ङाहॱलाङ यिह छ्य़ेदोङ।

यूहन्‍ना 15:12

ङाहगी का दिराङ यिहन– ङाहगी ख्‍याला चेवा पेहक्‍यो ल़ेहमु ख्‍यागीॱआङ च्‍यी़गी च्‍यी़ला चेवा पेहतोङ।

यूहन्‍ना 17:3

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

यूहन्‍ना 2:23

थार्पा छ्येपागी ती़हजीला यरूशलेमला ज़्‍य़ू नाङगेमु येशूगी माहङबुराङ याहम्‍जेन छ्येवागी छ्या़लेया़ जे नाङसीन। दि थोङदी मिह माहङबुगीराङ येशूला यिह छ्य़ेसीन।

यूहन्‍ना 3:18

का़हन्‍दीगी किन्‍ज्‍योकी स़ेबुला यिह छ्य़ेगे खोला ङ्य़ेहबा फो़ज्‍ये म़ेह, यिहॱनाङ यिह मेहछ्य़ेया़ला तोहङलेराङ ङ्य़ेहबा फो़ सिहन्‍दे येहबा, च्‍यिबेमाना खोगी किन्‍ज्‍योगी च्‍यिमे च्‍यी़राङ स़ेबुकी छेनला यिह छ्य़ेक्‍यो म़ेह।

यूहन्‍ना 6:29

ओहले येशूगी खुङया़ला सुङ नाङसीन, “किन्‍ज्‍योगी थु-सेम जे नाङगेन्‍दी दिराङ यिहम्‍बा: किन्‍ज्‍योगी ताङ नाङग्‍योकी स़ेबुला ख्‍याया़गी यिह छ्य़ेदोङ।”

ल़ेह-पेन 16:31

“चो़वो येशूला यिह-छ्य़े पेहतोङ, ओहले ख्‍ये दाङ ख्‍येगी म़ेहमे थाम्‍ज्‍यीगीराङ थार्पा ज्‍योर्च्‍ये येह” म़ेदी पावल दाङ सिलासगी मासीन।

एफिसी 5:2

ख्‍याया़गी मिहली चेवाकी काहङग्‍यो ओहङ कोहएँ। काह-ठि पेहती मास्‍यीकागीॱआङ ओहराङ ङ्याम्‍बु चेवा जे नाङबा, ओहले किन्‍ज्‍योकी तेहन्‍दाला टिहमा स्‍यिहम्‍बु खाएँगी डेल्‍बा दाङ मार्च्‍ये जेती राहङगी राहङला ओहराङगी तेहन्‍दाला फुल नाङसीन।

१ थेसलोनिकी 4:9

यिहॱनाङ आदा-नो़ह दाङ आज्‍यी-नुहमुया़ला चेवाकी तेहन्‍दाला सुज्‍यीगीॱआङ यिहगी प्रुह कोहबा म़ेह, च्‍यिबेमाना च्‍यी़गी च्‍यी़ला चेवा पेहतोङ माएँ ताम ख्‍या फ़ेबे-म़ेहमेॱया राहङगीराङ किन्‍ज्‍यो लाहमले लुहङ ज्‍योर्ती येह।

१ तिमोथी 1:15

येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

१ पत्रुस 4:8

थाम्‍ज्‍यी म़ेदी छ्यिम्‍बु ताम, च्‍यी़गी च्‍यी़ला सेम तिहङ यिहन्‍ज्‍युराङ चेवा पेहतोङ च्‍यिबेमाना चेवागीॱराङ रेबेॱराङ तिहक्‍पाया़ला उप्‍के यिहम्‍बा।

१ यूहन्‍ना 2:7

ए ङाहगी च्‍याहम्‍बु आदा-नो़ह दाङ आज्‍यी-नुहमुया़, ख्‍याया़ला प्रुहक्‍योकी दि काया़ साम्‍बा मिहन। यिहॱनाङ दि छ़ूगे यिहन्‍ज्‍युराङ ची़दे ओहङग्‍योगी निङबा काया़ यिहम्‍बा। दि निङबा काया़ ख्‍याया़गी थ़े सिहन्‍ग्‍योगी लोप्‍च्‍युया़ॱराङ यिहन।

१ यूहन्‍ना 3:11

ख्‍याया़गी छ़ूगे यिहन्‍ज्‍युराङ थे़क्‍योकी लेहङगु दिराङ यिहम्‍बा, “ओहराङगी च्‍यी़गी च्‍यी़ला चेवा पेह कोहएँ।”

१ यूहन्‍ना 4:15

येशूॱराङ किन्‍ज्‍योगी स़ेबु यिहम्‍बा माएँ मिह ङ्याम्‍बु किन्‍ज्‍यो ज़्‍य़ू नाङगे ओहले खो किन्‍ज्‍यो ङ्याम्‍बु ओहङगे।

१ यूहन्‍ना 4:21

का़हन्‍दीगी किन्‍ज्‍योला चेवा पेहकें, ओ़हदीगी राहङगी आदा-नो़ह दाङ आज्‍यी-नुहमुला चेवा पेहॱराङ कोहएँ। दिराङ मास्‍यीकागी ओहराङला नाङग्‍योकी का यिहम्‍बा।

१ यूहन्‍ना 5:13

ख्‍याया़गी था़ म़ेहबा मिहली ज्‍योर्ती येह माएँ ताम ङोह स्‍य़े ख़ूज्‍यु म़ेदीराङ किन्‍ज्‍योगी स़ेबुला यिह-छ्य़े पेहकेनया़ला दि ताम प्रुहएँॱराङ येहबा।