Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ यूहन्‍ना 3:2 - ह्योल्‍मो

2 ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।

အခန်းကိုကြည့်ပါ။ ကော်ပီ




१ यूहन्‍ना 3:2
37 ပူးပေါင်းရင်းမြစ်များ  

च्‍याहङज्‍यु सेम्‍बा येहकेनया़ काहजे सोनाम-साक्‍पु, च्‍यिबेमाना खुङया़गी किन्‍ज्‍योला थोङज्‍ये येह।


ङाह मिहगी स़ेबुॱआङ थेन ओहङगे ती़हजीला ओ़ह ल़ेहमुराङ ओहङज्‍ये येह।”


ओहजेला मिहया़ स्‍यिहङगामकी स्‍याहप्‍च्‍यीया़ ल़ेहमुराङ ओहङज्‍ये येह, ओहले खुङ येहपाराङ नाहमॱआङ स्‍यिज्‍ये म़ेह। स्‍यिदी सोम्‍बो लो़हक्‍योया़ किन्‍ज्‍योगी छार्क्‍यीन ओहङज्‍ये येह।


यिहॱनाङ काहजे मिहया़गी मिहरोला ची़नाङ पेहपा ओहले मिहरोगी छेन थो़ला यिह छ्य़ेबा, मिहरोगी खुङया़ला किन्‍ज्‍योकी छार्क्‍यीन डोएँगी ओङ नाङसीन।


यहूदीया़की तेहन्‍दाला च्‍यी़राङ मिहम्‍बा, यिहॱनाङ फेतोर कोहतोर काहल्‍ग्‍योगी किन्‍ज्‍योगी मिहया़ला ग्‍या़ च्‍यी़ला रुहप पेहच्‍येला दि ताम माक्‍यो येहकें।


ओ़ याहप, राहङगी ङाहला नाङग्‍योकी मिहया़ ङाह ङ्याम्‍बुराङ तेहती ङाहती ज़िज्‍यिद थोङ ख़ूज्‍यु म़ेदी ङाह म़ेहबा पेहकें। ओ़ह ज़िज्‍यिद जाम्‍बुलीङ छ्या़गे म़ेदी तोहङ यिहन्‍ज्‍युराङ राहङगी ङाहला चेवा जे नाङग्‍यो सोङबे राहङगी ङाहला नाङग्‍यो येहकें।


नाम्‍पार-ताहक्‍पा थु मिह-रो़हराङ ओहराङकी यिह ङ्याम्‍बु डी़दी “ओहराङ किन्‍ज्‍योकी पुह-पोहमो यिहम्‍बा” सुङदी पाङबु नाङगे।


च्‍यिबेमाना ङाहती सेमला दि ल़ेहमु ने़उ दु, ओहराङ थो़ला तेन नाङगे ज़िज्‍यिद ङ्याम्‍बु ताहन्‍दाकी तुहक्‍पुया़ तुहर मी़हखुएँ।


किन्‍ज्‍योगी राहङगी पुह-पोहमो तेन नाङगेन्‍गी ङ्यिहमा ताज्‍येला मिहरोगी छ्या़ च्‍य़ू नाङग्‍योगी रेबेॱराङ से़हया़गी ज्‍यिबुराङ छ्यिम्‍बु रेहवा पेहती कू़हदी तेहती येहबा।


किन्‍ज्‍योगी राहङगी मिहया़ला तोहङलेराङ ङोह ख्‍येन नाङसीन ओहले राहङगी स़ेबु ल़ेहमुराङ डोज्‍येला दाम नाङसीन च्‍यिबेमाना मिहरोगी स़ेबु आदा-नो़ह दाङ आज्‍यी-नुहमुया़ नाहङला थाम्‍ज्‍यी म़ेदी छ्येस्‍यो ओहङ ख़ूज्‍यु।


ताहन्‍दा ओहराङ मेहलोङला ल़ेहमुराङ टाक्‍पु पेहती मेहथोङगे, यिहॱनाङ ओ़ह ती़हजीला छ्यिसाल-नाहङसाल पेहती थोङज्‍ये येह। ताहन्‍दा ङाह ङ्युहङसे़ च्‍यी़राङ ह्‍अ कोहएँ, ओ़ह ती़हजीलादी किन्‍ज्‍योगी ङाहगी तेहन्‍दाला थाम्‍ज्‍यीराङ केच्‍याया़ ङोह ख्‍येन्‍गे ल़ेहमुराङ ङाहगीॱआङ ङोह स्‍ये़ज्‍ये येह।


ताहन्‍दा ओहराङगी सासागी ज़ोक्‍योगी ज़ुबु लेहन्‍दी येहबा। ओ़हठीॱराङ पेहती तिङले ओहराङगी स्‍यिहङगामकी मिहती ल़ेहमुराङ ज़ुबु लेहन्‍ज्‍ये येह।


यिहॱनाङ छ्य़ेला दि ल़ेहमु प्री़हदी येहबा, “मी़गी माहथोङबा, नाम्‍ज्‍योगी मा़हथेबा ओहले मिहगी सेमला मा़हनेबाकी तामया़ॱराङ किन्‍ज्‍योगी मिहरोला चेवा जे नाङगेया़गी तेहन्‍दाला ठाबे जे-नाङदी येहबा।”


ओहराङ थाम्‍ज्‍यी योल्‍सेन खा फे़क्‍यो तोहङबागी चो़वोकी ज़िज्‍यिद मेहलोङगी ठि पेहती तेन्‍गे, चो़वो थु यिहम्‍बा ओहले मिहरो लाहमले ओहङगेन्‍गी ओ़ह ज़िज्‍यिदगीॱराङ ओहराङला मिहरो ल़ेहमुराङ जे़दी छ्यिम्‍बु ज़िज्‍यिद-च्‍येन ङो़ले नोम फेप नाङगे।


ङ्यिहगी ताहन्‍दा खुरक्‍यो तुहक्‍पु तिङले ज्‍योर्केन्‍की च्‍यि स़ेह ङ्याम्‍बुॱआङ दुर मी़हखुएँ ज़िज्‍यिद टेहम्‍बा साल्‍गेमुनी तेहम्‍बाराङ दि तुहक्‍पुनी च्‍यिॱआङ मिहन।


च्‍यिबेमाना तेहपा लाहमले ख्‍या थाम्‍ज्‍यी मास्‍यीका येशूला किन्‍ज्‍योकी छार्क्‍यीन यिहम्‍बा।


ओहराङ किन्‍ज्‍योदीॱराङ छार्क्‍यीन यिहम्‍बा म़ेदी तेन्‍ज्‍येला किन्‍ज्‍योगी राहङ स़ेबुकी थु ओहराङगी लोला ताङ नाङसीन। ओहले ओ़ह थुगीॱराङ ओहराङ लो लाहमले “ओ़ अब्‍बा, ओ़ याहप,” म़ेदी क़े क्‍याहप नाङगे यिहम्‍बा।


मास्‍यीकागी ओङ लाहमले थाम्‍ज्‍यीराङ से़हया़ला राहङती ओङ चो़ला नोम फेप नाङज्‍ये येह ओहले ओ़ह ओङ लाहमलेॱराङ ओहराङदी दि स्‍यिदी डोएँ ज़ुबुला मिहरोदी ल़ेहमुराङ ज़िज्‍यिद-च्‍येन ज़ो नाङज्‍ये येह।


ख्‍यागी तेहन्‍दामगी मिहलीनी मास्‍यीकाॱराङ यिहम्‍बा ओहले मास्‍यीका जाम्‍बुलीङला लो़हदी फेप नाङगेमु मिह थाम्‍ज्‍यीगी मिहरोला थोङज्‍ये येह, ओ़ह ती़हजीला ख्‍याया़लाॱआङ मिहरोकी ज़िज्‍यिद ङ्याम्‍बुराङ ओहङग्‍यो थोङज्‍ये येह।


ओ़हठीॱराङ पेहती मिह माहङबुगी तिहक्‍पाया़ खुर नाङज्‍येला मास्‍यीकागी लेहमा च्‍यी़ राहङगी राहङला मार्च्‍ये फुल नाङसीन। ओहले मास्‍यीका येहपाराङॱआङ लेहमा च्‍यी़ फेप नाङज्‍ये येह। ओहजे काहङला मिहया़गी तिहक्‍पाया़ ता़ह च्‍य़ू नाङज्‍येला मिहम्‍बा यिहॱनाङ सेम काहसो पेहती मिहरो फेप नाङगेन्‍गी फेप-लाहम कू़हदी तेहकेनया़ला थार्पा नाङज्‍येला फेप नाङज्‍ये येह।


दि लाहमलेॱराङ मिहरोगी छे-मे़हबा रिहन माहङबु डोएँ दाङ चा़ छ्यिम्‍बु ताहम्‍ज्‍याया़ ओहराङ ङ्याम्‍बु ज़्‍या़ नाङदी येह च्‍यिबेमाना दि जाम्‍बुलीङला येहकेन्‍गी ओहराङला तोङ च्‍य़ूगेन्‍गी चोक्‍पा सेम्‍बाया़ लाहमले क्‍यो़दी ख्‍यागी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी यिहम्‍बा।


ए ङाहगी पेहजाया़, ख्‍या मास्‍यीकाला क्‍याप्‍ती तेहतोङ, ओहले मास्‍यीका फेप नाङगेमु ओहराङला स्‍युक क्‍येज्‍ये येह, ओहले मास्‍यीका फेप नाङगेमु मिहरोगी दिनला ओहराङ ङोह-छारी डोज्‍ये म़ेह।


ए ङाहगी च्‍याहम्‍बु आदा-नो़ह दाङ आज्‍यी-नुहमुया़, ख्‍याया़ला प्रुहक्‍योकी दि काया़ साम्‍बा मिहन। यिहॱनाङ दि छ़ूगे यिहन्‍ज्‍युराङ ची़दे ओहङग्‍योगी निङबा काया़ यिहम्‍बा। दि निङबा काया़ ख्‍याया़गी थ़े सिहन्‍ग्‍योगी लोप्‍च्‍युया़ॱराङ यिहन।


त़ेदोङ, याहप्‍च्‍येन आबागी ओहराङला काहजे माहङबु निङज्‍यी जे नाङगु दु! मिहरोगी निङज्‍यीगी पेहती ओहराङ किन्‍ज्‍योगी छार्क्‍यीनया़ काहल्‍दी येहबा, यिहन्‍ज्‍येॱआङ ओहराङ तेहम्‍बाराङ किन्‍ज्‍योगी छार्क्‍यीनया़राङ यिहम्‍बा। ओ़ह सोङबे जाम्‍बुलीङकी मिहया़गी ओहराङला ङोह मे़हस्‍येएँ च्‍यिबेमाना खुङया़गी किन्‍ज्‍योला ङोह स्‍य़ेक्‍यो म़ेह।


किन्‍ज्‍योकी छार्क्‍यीन सु यिहम्‍बा, ओहले ती़ह गो-छ्येवाकी छार्क्‍यीन सु यिहम्‍बा माएँदी ओहराङगी दि ल़ेहमु पेहती ह्‍अ कोह ख़ूएँ– किन्‍ज्‍योकी ज़ी़लुला काहदी मिहगी राहङगी डोलु-तेहलु टाहङबु मेहबेकें ओहले किन्‍ज्‍योला यिह-छ्य़े पेहक्‍यो आदा-नो़ह दाङ आज्‍यी-नुहमुया़ला चेवा मेहबेकें खो किन्‍ज्‍योकी छार्क्‍यीन मिहम्‍बा।


ए ङाहगी च्‍याहम्‍बु रो़हया़, ओहराङगी सेमगी राहङला क्‍येन मेहकेन्‍सीमाना किन्‍ज्‍योगी दिनला डोज्‍येला ओहराङला च्‍यिॱआङ ज्‍यी़सु मेहयोहङगे।


येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।


ङाहगी याहप लाहमले ज़्‍योरक्‍यो दि ओङ खुङया़ला तेर्च्‍ये येह। ङाहगी खुङया़ला थो़दोङ कार्च्‍येनॱआङ तेर्च्‍ये येह।


खुङया़गी किन्‍ज्‍योकी स्‍याहल्‍दोङ थोङज्‍ये येह ओहले मिहरोकी छेन खुङया़गी प्रालाला ओहङज्‍ये येह।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ