१ यूहन्‍ना 3:14 - ह्योल्‍मो

¹⁴ ओहराङगी आदा-नो़ह दाङ आज्‍यी-नुहमुया़ला चेवा पेहक्‍यो सोङबेॱराङ ओहराङ स्‍यिवा च्‍येती मिहलीला पो सिहन्‍दी येहबा माएँ ताम ओहराङला क्‍यी़ह येहबा। का़हन्‍दीगी चेवा मेहबेकें, खो स्‍यिवालाॱराङ लिहकें।

१ यूहन्‍ना 3:14 ပူးပေါင်းရင်းမြစ်များ

मत्ती 25:40

ओहजेला ज़्‍य़ू-ठिला ज़्‍य़ू नाङगे क्‍याहल्‍बुगी दि ल़ेहमु सुङदी ल़ेहन क्‍याहप नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि पेहपा, ओ़ह ङाहलाराङ पेहक्‍यो यिहम्‍बा’।”

लूका 15:24

च्‍यिबे मासीमाना दि ङाहगी पुह स्‍यिक्‍यो येहकें, यिहॱनाङ नाहरे थार्ती येह, तोरक्‍यो येहकें, यिहॱनाङ नाहरे च्‍य़ेह सिहन्‍दी येह।’ म़ेदी खुङया़ क़ेहनाङ पेहती डेन साहज्‍ये छ़ूसीन।”

लूका 15:32

ओ़ह सोङबे तिहरीङ ओहराङगी डेन से़हदी खाम्‍साङबु पेहक्‍यो ठाबेराङ यिहम्‍बा च्‍यिबे मासीमाना स्‍यिक्‍यो ओ़ह ख्‍येगी नो़ह सोम्‍बो च्‍य़ेह सिहन्‍सीन, खो तोरक्‍यो येहकें ता़हनी ज्‍योर्सीन’!”

लूका 7:5

च्‍यिबेमाना खोगी ङ्यिहगी क्‍यिहपाला चेवा पेहकें, ओहले खोगी ङ्यिहगी तेहन्‍दाला छो़खाङ च्‍यी़ॱआङ जे तेर्ती येह” म़ेदी स्‍युहसीन।

यूहन्‍ना 13:35

ख्‍यागी च्‍यी़गी च्‍यी़ला चेवा पेहसीमाना ख्‍याया़ ङाहती स्‍याहप्‍च्‍यी यिहम्‍बा दु म़ेदी मिह थाम्‍ज्‍यीगी ङोह स्‍ये़ज्‍ये येह।”

यूहन्‍ना 15:12

ङाहगी का दिराङ यिहन– ङाहगी ख्‍याला चेवा पेहक्‍यो ल़ेहमु ख्‍यागीॱआङ च्‍यी़गी च्‍यी़ला चेवा पेहतोङ।

यूहन्‍ना 15:17

ख्‍या च्‍यी़गी च्‍यी़ला चेवा पेहतोङ म़ेदी ङाह ख्‍याला का तेर्के।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

२ कोरिन्‍थी 5:1

ओहराङला क्‍यी़हराङ येहबा, ताहन्‍दा ओहराङगी दि स्‍या दाङ रेहकोगी ज़ुबु तोङदी डोनाॱआङ स्‍यिहङगामला नाहम्‍स्‍यी किन्‍दुॱराङ लिहकेन्‍गी किन्‍ज्‍योगी ज़ो नाङग्‍योकी खाङबा येहबा, ओ़ह लाहक्‍पागी ज़ोक्‍यो खाङबा मिहन।

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,

एफिसी 1:15

ओ़ह सोङबे चो़वो येशू थो़ला येहकेन ख्‍याया़गी तेहपा दाङ मास्‍यीकाकी नाम्‍पार-ताहक्‍पा मिहया़ थो़ला येहकेन ख्‍याया़की चेवाकी तेहन्‍दाला ङाहगी थ़ेसीन।

एफिसी 2:1

तोहङले ख्‍याया़गी किन्‍ज्‍योकी काया़ माहङ्यीहम्‍बा सोङबे ओहले तिहक्‍पा च्‍यी़राङ तिहक्‍पा पेहक्‍यो सोङबे ख्‍याया़ किन्‍ज्‍योकी ज़ी़दाङला स्‍यि सिहन्‍ग्‍यो येहकें।

एफिसी 2:5

ओ़ह सोङबे ओहराङ तिहक्‍पाला स्‍यि सिहन्‍ग्‍यो यिहॱनाङ मिहरोगी ओहराङला मास्‍यीका ङ्याम्‍बुराङ सोम्‍बो ज़ो नाङसीन– काटीन लाहमलेॱराङ ख्‍याया़गी थार्पा ज़्‍योरक्‍यो यिहम्‍बा।

कलस्‍सी 1:4

च्‍यिबेमाना मास्‍यीका येशूला येहकेन्‍गी ख्‍याया़गी तेहपा दाङ किन्‍ज्‍योकी नाम्‍पार-ताहक्‍पा मिहया़ थाम्‍ज्‍यीलाराङ ख्‍याया़गी पेहक्‍यो चेवागी तेहन्‍दाला ङ्यिहगी थे़दी येह।

१ थेसलोनिकी 4:9

यिहॱनाङ आदा-नो़ह दाङ आज्‍यी-नुहमुया़ला चेवाकी तेहन्‍दाला सुज्‍यीगीॱआङ यिहगी प्रुह कोहबा म़ेह, च्‍यिबेमाना च्‍यी़गी च्‍यी़ला चेवा पेहतोङ माएँ ताम ख्‍या फ़ेबे-म़ेहमेॱया राहङगीराङ किन्‍ज्‍यो लाहमले लुहङ ज्‍योर्ती येह।

हिब्रू 13:1

च्‍यी़गी च्‍यी़ला आदा-नो़हला ल़ेहमु पेहती चेवा पेहतीराङ तेहतोङ।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

१ पत्रुस 3:8

ज्‍युक्‍स्‍योलला ख्‍या थाम्‍ज्‍यी सेम च्‍यी़ टी़हदी, च्‍यी़गी च्‍यी़ला सेम ज़ुङ च्‍य़ूगेन्‍गी छ्याप्‍स्‍यीया़ पेहतोङ, राहङ आदा-नो़ह दाङ आज्‍यी-नुहमुया़ॱराङ यिहम्‍बा ने़दी च्‍यी़गी च्‍यी़ला चेवा पेहतोङ, निङज्‍यी पेहतोङ ओहले ङ्येम्‍ज्‍युङ पेहतोङ।

२ पत्रुस 1:7

छ्य़ेसेमला आदा-नो़ह दाङ आज्‍यी-नुहमुया़की निङज्‍यी पा़हदोङ, ओहले आदा-नो़ह दाङ आज्‍यी-नुहमुया़की निङज्‍यीला च्‍यिॱआङ क्‍येन म़ेहबाकी चेवा पा़हदोङ।

१ यूहन्‍ना 2:3

ओहराङगी मिहरोगी काया़ ङ्यिहन्‍सीन माना तेहम्‍बाराङ ओहराङगी मिहरोला ङोह स्‍य़ेक्‍यो दु म़ेदी ह्‍अ कोह ख़ूएँ।

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 4:12

किन्‍ज्‍योला सुगीॱआङ नाहमॱआङ थोङदी म़ेह। यिहॱनाङ ओहराङगी च्‍यी़गी च्‍यी़ला चेवा पेहसीमाना किन्‍ज्‍यो ओहराङ नाहङलाराङ ज़्‍य़ू नाङगे, ओहले ओहराङ लाहमले किन्‍ज्‍योगी चेवा छाङबु डोएँ।

१ यूहन्‍ना 5:13

ख्‍याया़गी था़ म़ेहबा मिहली ज्‍योर्ती येह माएँ ताम ङोह स्‍य़े ख़ूज्‍यु म़ेदीराङ किन्‍ज्‍योगी स़ेबुला यिह-छ्य़े पेहकेनया़ला दि ताम प्रुहएँॱराङ येहबा।

१ यूहन्‍ना 5:2

किन्‍ज्‍योला चेवा पेहती ओहले मिह-रो़हगी काया़ ची़देॱराङ मिह-रो़हगी छार्क्‍यीनया़ला ओहराङगी चेवा पेहकें माएँ ताम क्‍यी़ह ज्‍योर ख़ूएँ।