१ यूहन्‍ना 3:13 - ह्योल्‍मो

¹³ आदा-नो़हया़ दाङ आज्‍यी-नुहमुया़, जाम्‍बुलीङगी मिहया़गी ख्‍याला ङेन्‍ज्‍येन पेहकेमु ह्‍अ मा़हलेह।

१ यूहन्‍ना 3:13 ပူးပေါင်းရင်းမြစ်များ

मत्ती 10:22

ङाहगी मिहनगी पेहती ख्‍याया़ला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु ङाहला यिह-छ्य़े पेहती तेहकेन्‍दी थार्च्‍ये येह।

मत्ती 24:9

“ओहजेला मिहया़गी ख्‍याया़ला ज़ुङज्‍ये येह ओहले ङ्य़ेहबा काल्‍ज्‍येला ख्‍येर्च्‍ये येह, ख्‍याया़ला सेच्‍ये येह। ङाहगी पेहती थाम्‍ज्‍यी क्‍यिहपागी मिहया़गी ख्‍याया़ला ङेन्‍ज्‍येन पेहच्‍ये येह।”

मर्कूस 13:13

ङाहगी पेहती ख्‍याला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु तेहपा मा़हलोहबा पेहती तेहकेनया़दी थार्च्‍ये येह” म़ेदी येशूगी सुङ नाङसीन।

लूका 21:17

ङाहगी मिहनगी पेहती थाम्‍ज्‍यीगीराङ ख्‍याला ङेन्‍ज्‍येन पेहच्‍ये येह।

लूका 6:22

“ख्‍या काहजे सोनाम-साक्‍पु, मिहगी स़ेबुगी तेहन्‍दाला मिहया़गी ख्‍याया़ला नाम्‍दो पेहच्‍ये येह, ओहले छ्यु च्‍येच्‍ये येह, ओहले स्‍ये़हन्‍डील पेहच्‍ये येह, ओहले ङ्येहन्‍दा ने़दी ख्‍याया़दी मिहनला स्‍याहम्‍डेन तेन्‍ज्‍ये येह।

यूहन्‍ना 16:2

खुङगी ख्‍याला यहूदी छो़खाङले तेन्‍ज्‍ये येह। तोहरोङ दि ल़ेहमु ती़हजीॱआङ ओहङज्‍ये येह, ख्‍याया़ला सेकेन्‍दीगी, ‘ङाहगी किन्‍ज्‍योला स्‍याहप्‍तो स्‍युहएँराङ येह’ म़ेदी ने़ज्‍ये येह।

यूहन्‍ना 16:33

“ङाह ङ्याम्‍बु तेहती ख्‍यागी स्‍य़िहदे ज्‍योर ख़ूज्‍यु म़ेदी ङाहगी ख्‍याया़ला दि केच्‍याया़ माक्‍यो यिहम्‍बा। जाम्‍बुलीङला ख्‍याला ज्‍यिबुराङ तुहक्‍पु ओहङज्‍ये येह, यिहॱनाङ मा-फाम्‍बु माहबे, ङाहगी जाम्‍बुलीङला क्‍याहल सिहन्‍दी येह।”

यूहन्‍ना 17:14

ङाहगी खुङया़ला राहङती सुङदेन तेर्सीन, यिहॱनाङ जाम्‍बुलीङगी खुङया़ला ङ्येन्‍ज्‍येन पेहसीन, च्‍यिबेमाना ङाह ल़ेहमुराङ खुङॱआङ दि जाम्‍बुलीङदी मिहन।

यूहन्‍ना 3:7

ङाहगी ख्‍येला साम्‍बा पेहती क्‍ये कोहएँ म़ेदी माएँमु ख्‍ये ह्‍अ मा़हलेह।

यूहन्‍ना 7:7

जाम्‍बुलीङगी मिहया़गी ख्‍याला ङेन्‍ज्‍येन पेह मी़हखुएँ, यिहॱनाङ ङाहलादी ङेन्‍ज्‍येन पेहकें, च्‍यिबेमाना ङाहगी जाम्‍बुलीङगी मिहया़ती डोलु-तेहलुया़ चोक्‍पा येह म़ेदी पाङबु तेर्के।

ल़ेह-पेन 3:12

दि थोङदी पत्रुसगी मिहया़ला मासीन, “ए इस्राएली आदा-नो़हया़, दि तामला राहङ फ़ेबेॱया ह्‍अ ल़ेहदी च्‍यिबे ङ्यिहला टोङे पेहती ज़ी़ नाङगे? च्‍यि ख्‍या फे़बेया़गी ङ्यिहगी दि मिहला राहङगी ओङ दाङ छ्य़ेसेमगी पेहती डो ख़ूएँ ज़ोक्‍यो यिहन म़ेदी ने़उ दुबा?

रोमी 8:7

च्‍यिबेमाना ज़ुबु लाहमले पेहकेन तिहक्‍पाकी पेहताङया़ थो़ला सेम ताङगे मिह किन्‍ज्‍योगी टाह यिहम्‍बा। खो किन्‍ज्‍योकी छ्य़े-ठिमगी ओङ चो़ला तेह मी़हखुएँ ओहले खोगी छ्य़े-ठिमॱआङ ची़ मी़हखुएँ।

२ तिमोथी 3:12

मास्‍यीका येशूला सेम तिहङ यिहन्‍ज्‍यु क्‍याप्‍ती राहङगी मिहजी या़हबु ताङज्‍ये छोल्‍गेनया़ तुहक्‍पुला छ्यिॱराङ छ्यिच्‍ये येह।

याकूब 4:4

ए छ्येउ-छ्येंमु पेहकेन मिहया़! जाम्‍बुलीङला निङज्‍यी पेहकें मिह किन्‍ज्‍योकी टाह ओहङगे माएँ ताम च्‍यि ख्‍याला क्‍यी़ह म़ेहबा? ओ़ह सोङबे जाम्‍बुलीङला रोह ज़ोज्‍ये छोल्‍गेन्‍दीगी किन्‍ज्‍योला राहङगी टाह ज़ोएँ।

ज्‍याल्‍गा 17:7

ओहजेला ओ़ह स्‍यिहङगामकी स्‍याहप्‍च्‍यीगी ङाहला सुङ नाङसीन, “ख्‍ये च्‍यिबे ह्‍अ ल़ेहक्‍यो?” ओ़ह पी़हमी दाङ मोहला खुर्केन गो़ तिहन दाङ रोहवा च्‍यु थो़क्‍यो सेम्‍ज्‍येनगी तेहन्‍दाला साङदे ज़्‍या़क्‍यो तामगी तेहन्‍दा ङाह ख्‍येला स्‍येकें।