१ यूहन्‍ना 3:11 - ह्योल्‍मो

¹¹ ख्‍याया़गी छ़ूगे यिहन्‍ज्‍युराङ थे़क्‍योकी लेहङगु दिराङ यिहम्‍बा, “ओहराङगी च्‍यी़गी च्‍यी़ला चेवा पेह कोहएँ।”

१ यूहन्‍ना 3:11 ပူးပေါင်းရင်းမြစ်များ

यूहन्‍ना 13:4

ओहले येशू सोल छ्येके ग्‍या़ले ज़्‍याङदी राहङगी फि ङो़गी नाहम्‍सा पिते रुमाल च्‍यी़गी राहङगी क्‍येपाला टिल नाङसीन।

यूहन्‍ना 15:12

ङाहगी का दिराङ यिहन– ङाहगी ख्‍याला चेवा पेहक्‍यो ल़ेहमु ख्‍यागीॱआङ च्‍यी़गी च्‍यी़ला चेवा पेहतोङ।

गलाती 6:2

तुहक्‍पु-तुहङालकी खुरुया़ खुर्च्‍येला च्‍यी़गी च्‍यी़ला रो़हराम पेहतोङ। दि ल़ेहमुराङ पेहती ख्‍यागी मास्‍यीकाकी छ्य़े-ठिम छाङबु पेहच्‍ये येह।

एफिसी 5:2

ख्‍याया़गी मिहली चेवाकी काहङग्‍यो ओहङ कोहएँ। काह-ठि पेहती मास्‍यीकागीॱआङ ओहराङ ङ्याम्‍बु चेवा जे नाङबा, ओहले किन्‍ज्‍योकी तेहन्‍दाला टिहमा स्‍यिहम्‍बु खाएँगी डेल्‍बा दाङ मार्च्‍ये जेती राहङगी राहङला ओहराङगी तेहन्‍दाला फुल नाङसीन।

१ थेसलोनिकी 4:9

यिहॱनाङ आदा-नो़ह दाङ आज्‍यी-नुहमुया़ला चेवाकी तेहन्‍दाला सुज्‍यीगीॱआङ यिहगी प्रुह कोहबा म़ेह, च्‍यिबेमाना च्‍यी़गी च्‍यी़ला चेवा पेहतोङ माएँ ताम ख्‍या फ़ेबे-म़ेहमेॱया राहङगीराङ किन्‍ज्‍यो लाहमले लुहङ ज्‍योर्ती येह।

१ तिमोथी 1:5

ङ्यिहगी तेरक्‍यो लुहङगी तेहन्‍दादी चेवा यिहम्‍बा, का़हन्‍दी च्‍याहङज्‍यु सेम्‍बा, नावा या़हबु दाङ तेहन्‍दामकी तेहपा ङो़ले ओहङगे यिहम्‍बा।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

१ पत्रुस 3:8

ज्‍युक्‍स्‍योलला ख्‍या थाम्‍ज्‍यी सेम च्‍यी़ टी़हदी, च्‍यी़गी च्‍यी़ला सेम ज़ुङ च्‍य़ूगेन्‍गी छ्याप्‍स्‍यीया़ पेहतोङ, राहङ आदा-नो़ह दाङ आज्‍यी-नुहमुया़ॱराङ यिहम्‍बा ने़दी च्‍यी़गी च्‍यी़ला चेवा पेहतोङ, निङज्‍यी पेहतोङ ओहले ङ्येम्‍ज्‍युङ पेहतोङ।

१ पत्रुस 4:8

थाम्‍ज्‍यी म़ेदी छ्यिम्‍बु ताम, च्‍यी़गी च्‍यी़ला सेम तिहङ यिहन्‍ज्‍युराङ चेवा पेहतोङ च्‍यिबेमाना चेवागीॱराङ रेबेॱराङ तिहक्‍पाया़ला उप्‍के यिहम्‍बा।

१ यूहन्‍ना 1:5

ता़ह ङ्यिहगी किन्‍ज्‍योकी स़ेबु येशू लाहमले थे़क्‍योकी लेहङगु ख्‍याया़ला प्रा साल्‍गो येह, ओ़ह दिराङ यिहम्‍बा– किन्‍ज्‍योॱराङ येहसेर यिहम्‍बा, किन्‍ज्‍यो ङ्याम्‍बु ना़-जुबे माएँदी सिपाज्‍यीॱआङ म़ेह।

१ यूहन्‍ना 4:11

ए ङाहगी च्‍याहम्‍बु रो़हया़, किन्‍ज्‍योगी दि ल़ेहमु जेती ओहराङला चेवा जे नाङग्‍यो यिहम्‍बा मासीमाना ओहराङगीॱआङ च्‍यी़गी च्‍यी़ला चेवा पेह कोहएँ।

१ यूहन्‍ना 4:21

का़हन्‍दीगी किन्‍ज्‍योला चेवा पेहकें, ओ़हदीगी राहङगी आदा-नो़ह दाङ आज्‍यी-नुहमुला चेवा पेहॱराङ कोहएँ। दिराङ मास्‍यीकागी ओहराङला नाङग्‍योकी का यिहम्‍बा।

१ यूहन्‍ना 4:7

ए ङाहगी च्‍याहम्‍बु रो़हया़, ओहराङगी च्‍यी़गी च्‍यी़ला चेवा पेह कोहएँ च्‍यिबेमाना चेवा किन्‍ज्‍यो लाहमले ओहङग्‍यो यिहम्‍बा। का़हन्‍दीगी चेवा पेहकें खो किन्‍ज्‍यो लाहमले क्‍येक्‍यो ओहङगे, खोगी किन्‍ज्‍योला ङोह स्‍य़ेएँ।

२ यूहन्‍ना 1:5

ए ङाहगी च्‍याहम्‍बु आज्‍यी, ङाहगी ख्‍येला च्‍यिॱआङ साम्‍बा का प्री़हदी म़ेह। ओहराङ ङ्याम्‍बु छ़ूगे यिहन्‍ज्‍युराङ येहकेन्‍की कागी तेहन्‍दालाराङ ङाहगी प्रुहक्‍यो यिहम्‍बा। ता़ह ओहराङगी च्‍यी़गी च्‍यी़ला चेवा पेह कोहएँ म़ेदी ङाह ख्‍येला ओहर-छ्य़े! स्‍युहउ येह।