१ यूहन्‍ना 2:8 - ह्योल्‍मो

⁸ यिहॱनाङ ङाह ख्‍याया़ला साम्‍बा का च्‍यी़ प्रुहएँॱराङ येहबा, दि कागी तेहन्‍दाम मास्‍यीकाला थोङदी येह ओहले ख्‍याॱलाङ थोङदेराङ येहबा, च्‍यिबेमाना ता़ह ना़-जुबेदी तोर्ती डोॱराङ येहबा, ओहले तेहन्‍दामगी येहसेर तोहङ यिहन्‍ज्‍युराङ येहपा छ्या़देॱराङ येहबा।

१ यूहन्‍ना 2:8 ပူးပေါင်းရင်းမြစ်များ

मत्ती 4:16

ना़-जुबेला तेहकेन मिहया़गी क्‍या-साङे छ्यिम्‍बुज्‍यी थोङज्‍ये येह। स्‍यिवा दाङ ना़-जुबेला छ्यिक्‍योया़, ख्‍याया़ थो़ला क्‍या-साङे येहसेर छ्यिम्‍बुज्‍यी क्‍याहप्‍च्‍ये येह।”

लूका 1:79

ओहले ना़-जुबेला तेहकेन दाङ स्‍यिवागी टिहप्‍साला तेहकेया़गी क्‍या-साङे ज्‍योर्च्‍ये येह, ओहले ओ़ह क्‍या-साङेगी ओहराङला स्‍य़िहदेगी लाहमला ठिती ख्‍येर्च्‍ये येह।”

यूहन्‍ना 1:9

मिह थाम्‍ज्‍यीला क्‍या-साङे नाङगेन्‍गी तेहन्‍दामकी येहसेर जाम्‍बुलीङला फेप नाङगेराङ येहकें।

यूहन्‍ना 12:35

येशूगी खुङया़ला सुङ नाङसीन, “क्‍या-साङे तोहरोङॱआङ तोबा थु ख्‍याया़गी पाहरक्‍यीलाराङ तेहच्‍ये येह। क्‍या-साङे ख्‍या ङ्याम्‍बु लिहकें थु राहङगी लाहमला स्‍य़ूहदोङ मिहन्‍सीमाना ना़-जुबेगी ख्‍याया़ला उप्‍च्‍ये येह। ना़-जुबेला डोएँया़गी राहङ का़हला डोॱराङ येहबा म़ेदी क्‍यी़ह मेहन्‍ज्‍योर्कें।

यूहन्‍ना 12:46

जाम्‍बुलीङगी येहसेर ङाहराङ यिहन। ङाहला यिह छ्य़ेगेया़ सुज्‍यीॱआङ ना़-जुबेला माहछ्यीज्‍यु म़ेदी ङाह जाम्‍बुलीङला ओहङसीन।

यूहन्‍ना 13:34

ता़ह ङाह ख्‍याया़ला का साम्‍बा च्‍यी़ तेर्कें ख्‍याया़ च्‍यी़गी च्‍यी़ला चेवा पेहतोङ। ङाहगी ख्‍याया़ला काह-ठि पेहती चेवा पेहक्‍यो येहबा ओ़ह ल़ेहमुराङ पेहती ख्‍याया़गीॱआङ च्‍यी़गी च्‍यी़ला चेवा पेहतोङ।

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

ल़ेह-पेन 17:30

काहल्‍ग्‍योगी ती़हजीला मिहया़गी क्‍यी़ह म़ेहबा पेहती पेहक्‍योगी ल़ेहया़ला किन्‍ज्‍योगी च्‍योल्‍दो जे माहनाङ। यिहॱनाङ ता़ह किन्‍ज्‍योगी थाम्‍ज्‍यीराङ मिहया़ला राहङ-राहङगी तिहक्‍पाया़ पाङज्‍यु म़ेदी का नाङदी येह।

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

रोमी 13:12

नुहप टाहल सिहन्‍सीन, ओहले ङ्यिहमा पोहलाराङ लेप सिहन्‍दी येह। ओ़ह सोङबे ना़-जुबेकी ल़ेहया़ क्‍युर्ती ता़ह ओहराङ येहसेरकी छेन्‍ज्‍याया़ थो़ कोहएँ।

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

एफिसी 5:8

च्‍यिबेमाना लेहमा च्‍यी़ ख्‍याया़ ना़-जुबेला येहकें, यिहॱनाङ ता़ह ख्‍याया़ चो़वोकी पुह-पोहमो काहल्‍ग्‍यो सोङबे क्‍या-साङेला येहबा। ओ़ह सोङबे ख्‍याया़ क्‍या-साङेकी पुह पोहमोया़ ल़ेहमुराङ पेहती राहङगी डोलु-तेहलुया़ या़हबु पेहतोङ।

२ तिमोथी 1:10

ओ़ह काटीन ता़ह ओहराङला थार्पा नाङगेन मास्‍यीका येशू फेप्‍तीलेॱआङ तेन नाङ सिहन्‍दी येह। मिहरोगी स्‍यिएँगी ओङला तोङ च्‍य़ू नाङदी मिहली दाङ नाहमॱआङ मे़ह-तोङगेन्‍दीला या़हबु लेहङगु लाहमले तेन नाङसीन।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 4:11

ए ङाहगी च्‍याहम्‍बु रो़हया़, किन्‍ज्‍योगी दि ल़ेहमु जेती ओहराङला चेवा जे नाङग्‍यो यिहम्‍बा मासीमाना ओहराङगीॱआङ च्‍यी़गी च्‍यी़ला चेवा पेह कोहएँ।

१ यूहन्‍ना 4:21

का़हन्‍दीगी किन्‍ज्‍योला चेवा पेहकें, ओ़हदीगी राहङगी आदा-नो़ह दाङ आज्‍यी-नुहमुला चेवा पेहॱराङ कोहएँ। दिराङ मास्‍यीकागी ओहराङला नाङग्‍योकी का यिहम्‍बा।