१ यूहन्‍ना 2:5 - ह्योल्‍मो

⁵ यिहॱनाङ काहदी मिहगी चो़वोगी लुहङया़ ची़गे, खोगी तेहम्‍बा-तेहन्‍सुमॱराङ किन्‍ज्‍योला सेम तिहङ यिहन्‍ज्‍युराङ चेवा पेहक्‍यो ओहङगे। दि लाहमलेॱराङ ओहराङ किन्‍ज्‍यो ङ्याम्‍बु येहबा माएँ ताम क्‍यी़ह ज्‍योर ख़ूएँ।

१ यूहन्‍ना 2:5 ပူးပေါင်းရင်းမြစ်များ

लूका 11:28

दि ताम सेन्‍दी येशूगी, “किन्‍ज्‍योगी सुङदेन ङ्यिहन्‍दी ची़गेनया़ गा सोनाम-साक्‍पु यिहम्‍बा!” म़ेदी सुङ नाङसीन।

यूहन्‍ना 14:21

ङाहला चेवा पेहकें मिहगी ङाहती का ङ्यिहन्‍दी ची़गे। ओहले ङाहला चेवा पेहकें मिहला ङाहती याहपगी चेवा जे नाङगे। ङाह खोला चेवा पेहच्‍ये येह, ओहले ङाह खोसाला डोज्‍ये येह।”

यूहन्‍ना 14:23

ओहले येशूगी खोला सुङ नाङसीन, “सुगी ङाहला चेवा पेहकें, खोगी ङाहती तामया़ ङ्यिहन्‍ज्‍ये येह, ओहले ङाहती याहपगी खोला चेवा जे नाङज्‍ये येह, ओहले ङ्यिह खोसाला ओहङज्‍ये येह, ओहले खो ङ्याम्‍बु तेहच्‍ये येह।

यूहन्‍ना 15:5

कुहन्‍डुमगी तोहङबो ङाह यिहम्‍बा, ओहले ख्‍यादी याहल्‍गाया़ यिहम्‍बा। सु ङाह ङ्याम्‍बु तेहकें ओहले ङाहॱआङ खो ङ्याम्‍बु तेहच्‍ये येह ओहले खोगी माहङबुराङ सेदोया़ या़हज्‍ये येह, च्‍यिबेमाना ङाह ङ्याम्‍बु खा फ़ेदी ख्‍याया़गी च्‍यिॱआङ पेह मी़हखुएँ।

यूहन्‍ना 6:56

ङाहगी ज़ुबु साहएँ, दाङ ङाहती ठा़ थुङगेन मिहती ङाह ङ्याम्‍बु ओहङगे, ओहले ङाह खो ङ्याम्‍बु ओहङगे।

रोमी 8:1

ओ़ह सोङबे मास्‍यीका येशूला येहकेन मिह थाम्‍ज्‍यीला किन्‍ज्‍योगी ङ्य़ेहबा काल नाङज्‍ये म़ेह।

१ कोरिन्‍थी 1:30

किन्‍ज्‍योगीॱराङ ख्‍याया़ला मास्‍यीकाला नोम फेप्‍सीन, मास्‍यीकालाॱराङ मिहरोगी ओहराङगी रिहक्‍स्‍यी, टाहङबु दाङ नाम्‍पार-ताहक्‍पा ओहले थार्पा नाङगेन्‍दी ज़ो नाङसीन।

२ कोरिन्‍थी 5:17

ओ़ह सोङबे का़हन्‍दीगी मास्‍यीकाला यिह-छ्य़े पेहकेन खो ता़ह मिह साम्‍बा काहल्‍सीन। ता़ह निङबा से़हया़ टाहल्‍दे काहल्‍सीन, त़ेदोङ ता़ह थाम्‍ज्‍यीराङ से़हया़ साम्‍बा काहल्‍दी येहबा।

२ कोरिन्‍थी 5:21

मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।

याकूब 2:22

खोगी तेहपा ङ्याम्‍बु-ङ्याम्‍बुराङ ल़ेहॱआङ पेहसीन ओहले खोगी पेहक्‍योगी ल़ेह लाहमलेॱराङ तेहपा तेहन्‍दा डुप्‍सीन, ओ़ह च्‍यि ख्‍यागी मेहथोङ दु?

१ यूहन्‍ना 3:24

किन्‍ज्‍योगी का ङ्यिहन्‍गे मिह थाम्‍ज्‍यी किन्‍ज्‍यो ङ्याम्‍बुराङ ओहङज्‍ये येह ओहले किन्‍ज्‍यो खुङ ङ्याम्‍बु ज़्‍य़ू नाङज्‍ये येह। किन्‍ज्‍योगी ओहराङला नाङग्‍यो नाम्‍पार-ताहक्‍पा थु लाहमले किन्‍ज्‍यो ओहराङ ङ्याम्‍बु ज़्‍य़ू नाङगे माएँ ताम ङोह स्‍य़े ख़ूएँ।

१ यूहन्‍ना 4:17

दि ल़ेहमु पेहतीराङ ओहराङ ङ्याम्‍बु येहकेन्‍गी चेवा छाङबु काहल्‍ग्‍यो ओहङगे ओहले ठिम ताङ नाङगे ङ्यिहमाला ओहराङ ज्‍यी़ मेहकोहएँ च्‍यिबेमाना दि जाम्‍बुलीङला ओहराङ मास्‍यीका ल़ेहमुराङ येहबा।

१ यूहन्‍ना 4:18

चेवाला ज्‍यी़सु मेहयोहङगे, तेहन्‍दामगी चेवागी ज्‍यी़सुला ङेके। च्‍यिबे मासीमाना ज्‍यी़सुगीॱराङ ङ्य़ेहबा फो़गेन म़ेदी तेन्‍गे ओहले ज्‍यी़गे मिह ङ्याम्‍बु तेहन्‍दामगी चेवा मेहयोहङगे।

१ यूहन्‍ना 5:2

किन्‍ज्‍योला चेवा पेहती ओहले मिह-रो़हगी काया़ ची़देॱराङ मिह-रो़हगी छार्क्‍यीनया़ला ओहराङगी चेवा पेहकें माएँ ताम क्‍यी़ह ज्‍योर ख़ूएँ।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

२ यूहन्‍ना 1:6

किन्‍ज्‍योगी नाङग्‍यो काया़ ची़दी डोएँदीॱराङ चेवा यिहम्‍बा। ख्‍येगी छ़ूगे यिहन्‍ज्‍युराङ थे़क्‍यो का दिराङ यिहम्‍बा, ओ़ह सोङबे ख्‍याया़गी चेवागी पे ता कोहएँ।

ज्‍याल्‍गा 12:17

ओहजेला ओ़ह डुक पी़हमी ङ्याम्‍बु जेन माहङबु स्‍यिहङताङ लाहङसीन ओहले मोहगी छार्क्‍यीनया़, किन्‍ज्‍योकी का ची़गेया़ दाङ येशूकी लुहङ थो़ला यिह-छ्य़ेबु येहकेनया़ ङ्याम्‍बु मा़ क्‍याहप्‍च्‍येला काहल्‍सीन।

ज्‍याल्‍गा 14:12

ओ़ह सोङबे किन्‍ज्‍योकी का ची़गे दाङ येशूला तेहपा पेहकें किन्‍ज्‍योकी नाम्‍पार-ताहक्‍पा मिहया़ ना़स्‍यीङ छ्यिम्‍बु पेहती तेह कोहएँ।