१ यूहन्‍ना 2:3 - ह्योल्‍मो

³ ओहराङगी मिहरोगी काया़ ङ्यिहन्‍सीन माना तेहम्‍बाराङ ओहराङगी मिहरोला ङोह स्‍य़ेक्‍यो दु म़ेदी ह्‍अ कोह ख़ूएँ।

१ यूहन्‍ना 2:3 ပူးပေါင်းရင်းမြစ်များ

लूका 6:46

“ङाहगी माक्‍यो ल़ेहमुराङ मेहबेसीमाना ख्‍यागी ङाहला च्‍यिबे ‘चो़वो छ्येवा, चो़वो छ्येवा’ म़े तेहकें?

यूहन्‍ना 14:15

ख्‍यागी ङाहला तेहम्‍बाराङ चेवा पेहकें यिहनानी ङाहगी काया़ॱआङ ची़ज्‍ये येह।

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

यूहन्‍ना 15:14

ङाहगी माक्‍यो काया़ ख्‍यागी ङ्यिहन्‍सीन माना, ख्‍या ङाहती रो़ह यिहम्‍बा।

यूहन्‍ना 17:3

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

हिब्रू 5:9

किन्‍ज्‍योगी मास्‍यीकाला छाङबु ज़ो छार फान्‍ज्‍यो मिहरोला ची़गे मिह थाम्‍ज्‍यीगी तेहन्‍दाला मिहरो था़ म़ेहबा मिहलीकी छ्येस्‍यो काहल्‍सीन।

१ यूहन्‍ना 2:13

ए आबाया़, ङाह राहङ फे़बेया़ला दि ताम प्रुहएँॱराङ येहबा, च्‍यिबेमाना छ़ूगे यिहन्‍ज्‍युराङ ज़्‍य़ू नाङगेन मास्‍यीकाला ख्‍या फे़बेया़गी ङोह स्‍य़ेदीॱराङ येह। ए स्‍यारा स्‍यार्माया़, ङाह ख्‍याया़ला दि ताम प्रुहएँॱराङ येहबा, च्‍यिबेमाना ख्‍याया़गी ओ़ह ती़हला क्‍याहल्‍दी येह।

१ यूहन्‍ना 3:14

ओहराङगी आदा-नो़ह दाङ आज्‍यी-नुहमुया़ला चेवा पेहक्‍यो सोङबेॱराङ ओहराङ स्‍यिवा च्‍येती मिहलीला पो सिहन्‍दी येहबा माएँ ताम ओहराङला क्‍यी़ह येहबा। का़हन्‍दीगी चेवा मेहबेकें, खो स्‍यिवालाॱराङ लिहकें।

१ यूहन्‍ना 3:19

दि लाहमलेॱराङ ओहराङ तेहन्‍दामकी मिहया़ यिहम्‍बा म़ेदी क्‍यी़ह ज्‍योर ख़ूएँ। ओहले ओहराङ किन्‍ज्‍योगी दिनला स्‍युक क्‍ये ख़ूएँ।

१ यूहन्‍ना 3:6

ओ़ह सोङबे मास्‍यीकाला क्‍याप्‍ती तेहकें मिहगी तिहक्‍पा पेहतीराङ मेहतेहकें। तिहक्‍पा पेहतीराङ तेहकें मिहगी नाह मास्‍यीका थोङग्‍यो ओहङगे नाह ङोह स्‍य़ेक्‍योॱराङ ओहङगे।

१ यूहन्‍ना 4:13

दि ल़ेहमु पेहती ओहराङ किन्‍ज्‍यो ङ्याम्‍बु ओहङगे ओहले मिहरोॱआङ ओहराङ ङ्याम्‍बुराङ ज़्‍य़ू नाङगे माएँ ताम ह्‍अ कोह ख़ूएँ च्‍यिबेमाना किन्‍ज्‍योगी ओहराङला राहङगी नाम्‍पार-ताहक्‍पा थु नाङदी येहबा।

१ यूहन्‍ना 4:7

ए ङाहगी च्‍याहम्‍बु रो़हया़, ओहराङगी च्‍यी़गी च्‍यी़ला चेवा पेह कोहएँ च्‍यिबेमाना चेवा किन्‍ज्‍यो लाहमले ओहङग्‍यो यिहम्‍बा। का़हन्‍दीगी चेवा पेहकें खो किन्‍ज्‍यो लाहमले क्‍येक्‍यो ओहङगे, खोगी किन्‍ज्‍योला ङोह स्‍य़ेएँ।

१ यूहन्‍ना 5:19

जाम्‍बुलीङ थाम्‍ज्‍यीराङ ती़ह गो-छ्येवागी ओङ चो़ला येहॱनाङ ओहराङया़दी किन्‍ज्‍योगी छार्क्‍यीनया़ यिहम्‍बा माएँ ताम ओहराङला क्‍यी़ह येह।

१ यूहन्‍ना 5:2

किन्‍ज्‍योला चेवा पेहती ओहले मिह-रो़हगी काया़ ची़देॱराङ मिह-रो़हगी छार्क्‍यीनया़ला ओहराङगी चेवा पेहकें माएँ ताम क्‍यी़ह ज्‍योर ख़ूएँ।

१ यूहन्‍ना 5:3

च्‍यिबेमाना किन्‍ज्‍योगी काया़ ङ्यिहन्‍गेन्‍दीॱराङ ओहराङगी किन्‍ज्‍योला चेवा पेहक्‍यो यिहम्‍बा। किन्‍ज्‍योगी काया़ ची़ज्‍येला ओहजेबा खेन्‍दा-का़हबु म़ेह।

ज्‍याल्‍गा 12:17

ओहजेला ओ़ह डुक पी़हमी ङ्याम्‍बु जेन माहङबु स्‍यिहङताङ लाहङसीन ओहले मोहगी छार्क्‍यीनया़, किन्‍ज्‍योकी का ची़गेया़ दाङ येशूकी लुहङ थो़ला यिह-छ्य़ेबु येहकेनया़ ङ्याम्‍बु मा़ क्‍याहप्‍च्‍येला काहल्‍सीन।

ज्‍याल्‍गा 14:12

ओ़ह सोङबे किन्‍ज्‍योकी का ची़गे दाङ येशूला तेहपा पेहकें किन्‍ज्‍योकी नाम्‍पार-ताहक्‍पा मिहया़ ना़स्‍यीङ छ्यिम्‍बु पेहती तेह कोहएँ।

ज्‍याल्‍गा 22:14

“मिहलीगी तोहङबोकी ओङ ज्‍योर्च्‍येला ओहले क्‍याहसाकी कोहलेगी नाहङला स्‍य़ूह ङ्युहङज्‍यु म़ेदी राहङगी काप्‍च्‍या ठी़दी चाङमा ज़्‍या़गेया़ काहजे सोनाम-साक्‍पु।