१ यूहन्‍ना 2:25 - ह्योल्‍मो

²⁵ ओहले मास्‍यीकागी ओहराङ ङ्याम्‍बु ज़्‍या़ नाङग्‍योकी ताहम्‍ज्‍यादी था़ म़ेहबा मिहली यिहम्‍बा।

१ यूहन्‍ना 2:25 ပူးပေါင်းရင်းမြစ်များ

लूका 18:30

दि ती़हजीलाराङ ओ़ह म़ेदीॱआङ माहङबु ज्‍योर्च्‍ये येह ओहले ओहङगे छे-छ्यिमाला था़ म़ेहबा मिहली ज़ाङबु ज्‍योर्च्‍ये येह।”

यूहन्‍ना 10:28

ङाह खुङया़ला था़ म़ेहबागी मिहली ज़ाङबु तेर्कें। ओहले खुङया़ नाहमॱआङ तोङदी डोज्‍ये म़ेह, ओहले सुज्‍यीगीॱआङ खुङया़ला ङाह लाहक्‍पाले फ्रो़दी ख्‍येर ख़ूज्‍ये म़ेह।

यूहन्‍ना 12:50

किन्‍ज्‍योगी कागी था़ म़ेहबा मिहली ज़ाङबु नाङगेन म़ेदी ङाहला क्‍यी़ह येह। ओ़ह सोङबे ङाहगी च्‍यि ताम माॱनाङ ओ़ह याहपगी सुङ नाङग्‍योकी स्‍याहल च्‍यी़राङ माएँ।”

यूहन्‍ना 3:15

ओहले का़हन्‍दीगी मिहरोला यिह छ्य़ेगे, खोगी था़ म़ेहबागी मिहली ज़ाङबु ज्‍योर्च्‍ये येह।

यूहन्‍ना 5:39

ख्‍यागी सुङरापला था़ म़ेहबा मिहली ज़ाङबु ज्‍योर्के म़ेदी सुङराप लोङदीनी ताएँ। ङाहगी तेहन्‍दाला पाङबु तेर्केन्‍दी ओ़ह सुङरापॱराङ यिहन।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

यूहन्‍ना 6:47

तेहम्‍बाराङ ङाह ख्‍याया़ला माएँ, का़हन्‍दीगी ङाहला यिह छ्य़ेगे खो ङ्याम्‍बु था़ म़ेहबा मिहली ज़ाङबु येह।

यूहन्‍ना 6:54

ङाहगी ज़ुबु साहएँ दाङ ठा़ थुङगेन ङ्याम्‍बु था़ म़ेहबा मिहली ओहङगे, ओहले तिङस्‍यो ती़हजीला ङाहगी खोला सोम्‍बो ज़ोज्‍ये येह।

यूहन्‍ना 6:68

ओहजेला सिमोन-पत्रुसकी मासीन, “ओ़ चो़वो ला़ह, ङ्यिह सु साला डोज्‍ये? था़ म़ेहबागी मिहली ज़ाङबु नाङगेन्‍गी सुङनी राहङ ङ्याम्‍बुराङ येहबा।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

रोमी 5:21

ओ़ह ती़हजीला तिहक्‍पागी स्‍यिवा लाहमले मिहया़ थो़ला ओङ छ्य़ेक्‍यो ल़ेहमु ताहन्‍दा किन्‍ज्‍योकी काटीनगी ओङ छ्ये़गेॱराङ येहबा। दि काटीनगी पेहतीराङ ओहराङला किन्‍ज्‍योगी दिनला टाहङबु सी़ह च्‍य़ू नाङसीन ओहले ओहराङ चो़वो येशू मास्‍यीका लाहमले ओहराङला था़ म़ेहबा मिहली ज्‍योर्ती येहबा।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

गलाती 6:8

का़हन्‍दीगी तिहक्‍पाकी सेम्‍बा लाहमले सेनया़ ताप्‍के खोगी ओ़ह लाहमलेॱराङ स्‍यिएँगी कामेया़ रुज्‍ये येह यिहॱनाङ का़हन्‍दीगी यिहक्‍तेन सेनया़ ताप्‍के खोगीती ओ़ह लाहमलेॱराङ नाहमॱआङ मिहस्‍यीएँगी मिहलीकी कामेया़ रुज्‍ये येह।

१ तिमोथी 1:16

दि तेहन्‍दागीॱराङ मिहरोगी ङाहला थुज्‍यी ज़ी़ नाङसीन। ओहले ङाह तिहक्‍च्‍येम्‍बाया़ नाहङला थाम्‍ज्‍यी म़ेदी छ्येस्‍यो यिहन्‍दीॱआङ ङाह लाहमले येशू मास्‍यीकाकी राहङगी था़ म़ेहबाकी ना़स्‍यीङ छ्यिम्‍बु तेन नाङज्‍येला ङाहला पे ज़्‍या़ नाङसीन। दि पे, तिङले येशूला यिह छ्य़ेदी था़ म़ेहबा मिहली ज़ाङबु ज्‍योर्केया़गी तेहन्‍दाला यिहम्‍बा।

१ तिमोथी 6:12

यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।

१ तिमोथी 6:19

दि ल़ेहमु पेहती राहङगी तिङमा ओहङगेन्‍गी मिहलीकी तेहन्‍दाला या़हबु ब्राम तिङदी क्‍युह-नोहर सी़दे ज़्‍या़ ख़ूज्‍यु। ओहले खुङया़गी तेहन्‍दामकी मिहली ज़ुङदी ज़्‍या़ ख़ूज्‍ये येह।

तीतस 1:2

दि तेहन्‍दामदी था़ म़ेहबा मिहलीकी रेहवाला छ्या़दे येहबा। नाहमॱआङ स्‍योप क्‍याप मेहनाङगेन किन्‍ज्‍योगी जाम्‍बुलीङ छ्या़ च्‍य़ू नाङगेन म़ेदी तोहङलेराङ, “मिहया़ला था़ म़ेहबागी मिहली ज़ाङबु नाङगेन” सुङदी ताहम्‍ज्‍या ज़्‍या़ नाङदी येहकें,

तीतस 3:7

दि ल़ेहमु जेती किन्‍ज्‍योकी काटीनगी ओहराङ किन्‍ज्‍योकी कुम्‍देनला ठाबे सी़ह ख़ूसीन। ओहले ओहराङगी रेहवा पेहक्‍योगी था़ म़ेहबा मिहली ज्‍योर्केन्‍गी हकदार डो ख़ूसीन।

१ यूहन्‍ना 1:2

ओ़ह मिहली ताहन्‍दा फेप नाङसीन, ओहले ङ्यिहगी थोङसीन, ङ्यिह दिगी पाङबु येहॱराङ येह। ताहन्‍दा ङ्यिह ख्‍याया़ला ओ़ह था़ म़ेहबा मिहलीगी तेहन्‍दाला स्‍येको येहबा। याहप ङ्याम्‍बु च्‍यी़राङ था़ म़ेहबा मिहली येहकें, ओहले ओ़ह मिहली ओहराङ साला फेप नाङसीन।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

यहूदा 1:21

राहङला किन्‍ज्‍योगी चेवाला ज़्‍या़दोङ ओहले नाहमॱआङ मिहस्‍यीएँगी मिहली ज़ाङबु नाङगेन चो़वो येशू मास्‍यीकाकी थुज्‍यीला कू़हदे तेहतोङ।