१ यूहन्‍ना 2:23 - ह्योल्‍मो

²³ स़ेबुला मा-लोक पेहकें मिहगी याहपलाॱआङ मा-लोक पेहकें ओहले स़ेबुला मा-लोक मेहबेकें मिहगी याहपलाॱआङ मा-लोक मेहबेकें।

१ यूहन्‍ना 2:23 ပူးပေါင်းရင်းမြစ်များ

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

यूहन्‍ना 10:30

याहप दाङ ङाह च्‍यी़राङ यिहन।”

यूहन्‍ना 16:3

मिहया़गी याहप दाङ ङाहला ङोह मा़हस्‍येबा सोङबे ख्‍याया़ला दि रोहवा पेहच्‍ये येह।

यूहन्‍ना 17:3

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

यूहन्‍ना 8:19

खुङया़गी येशूला स्‍युहसीन, “ख्‍येती याहप का़हला येहबा ले?” येशूगी सुङ नाङसीन, “ख्‍याया़गी नाह ङाहला ङोह स्‍य़ेगे नाह ङाहती याहपला। ख्‍याया़गी ङाहला ङोह स्‍य़ेक्‍यो येहसीमानानी ङाहती याहपॱलाङ ङोह स्‍ये़ज्‍ये येहकें।”

१ यूहन्‍ना 2:22

चिहन क्‍याहप्‍कें मिह सु यिहम्‍बा? का़हन्‍दी मिहगी येशूला मास्‍यीका मिहम्‍बा म़ेदी माएँ खोराङ चिहन क्‍याहप्‍केन्‍गी मिह यिहम्‍बा। ओहले का़हन्‍दी मिहगी याहप दाङ स़ेबुला मा-लोक पेहकें ओ़ह मिहराङ मास्‍यीकाकी टाह यिहम्‍बा।

१ यूहन्‍ना 4:15

येशूॱराङ किन्‍ज्‍योगी स़ेबु यिहम्‍बा माएँ मिह ङ्याम्‍बु किन्‍ज्‍यो ज़्‍य़ू नाङगे ओहले खो किन्‍ज्‍यो ङ्याम्‍बु ओहङगे।

१ यूहन्‍ना 4:2

येशू मास्‍यीका मिहगी कुसोला फेप नाङसीन म़ेदी माएँ थुराङ किन्‍ज्‍योगी थु यिहम्‍बा। दि लाहमलेॱराङ ख्‍याया़गी किन्‍ज्‍योगी थुला ङोह स्‍य़े ख़ूज्‍ये येह।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।