१ यूहन्ना 2:20 - ह्योल्मो20 यिहॱनाङ मास्यीकागी नाम्पार-ताहक्पा थु ख्याया़ला नाङग्यो सोङबे ख्या थाम्ज्यीगी तेहन्दामकी स्याहलया़ ङोह स्य़ेगे। အခန်းကိုကြည့်ပါ။ |
१ यूहन्ना 2:20
28 ပူးပေါင်းရင်းမြစ်များ
ओहले मिहरो, पे यिहॱना़: तेहन्दामकी थु फेप फान्ज्यो मिहरोगीॱराङ ख्याला थाम्ज्यी तेहन्दामगी लाहमला ॱठि नाङज्ये येह। मिहरोगी राहङ लाहमले च्यिॱआङ सुङ नाङज्ये म़ेह। मिहरोगी सेन नाङग्योकी स्याहलया़ॱराङ सुङ नाङज्ये येह, ओहले तिङमा ङ्यिहमाया़ला ओहङज्ये पेहक्योगी केच्याया़ ख्याला स्य़े नाङज्ये येह।
यिहॱनाङ ख्या थो़ला मास्यीकागी राहङदी नाम्पार-ताहक्पा थु नाङदी येह। ख्या ङ्याम्बु नाम्पार-ताहक्पा थु ज़्य़ू नाङग्यो सोङबे सुज्यीगीॱआङ ख्याया़ला तेहन्दामकी तेहन्दाला लोप मेहकोहएँ च्यिबेमाना नाम्पार-ताहक्पा थुगीॱराङ ख्याया़ला ना थाम्ज्यीराङ लोप नाङगे। मिहरोगी लोप नाङग्योकी स्याहलला तेहन्दाम ओहङगे, यिहॱनाङ चिहन क्याहप्क्यो मेहयोहङगे। नाम्पार-ताहक्पा थुगी नाङग्यो लुहङया़ ची़दे मास्यीकाला क्याप्ती तेहतोङ।
“फिलाडेल्फियाकी छेन्छोकला चारा पेहकेन्गी स्यिहङगामकी स्याहप्च्यीला दि ताम प्री़हदोङ: ‘किन्ज्योॱराङ नाम्पार-ताहक्पा दाङ तेहन्दाम यिहन, मिहरो ङ्याम्बुराङ क्याहल्बु दाऊदकी दिमी येहबा, मिहरोगी खा फे़ नाङग्योकी कोह सुज्यीगीॱआङ क्याहप मी़हखुएँ ओहले मिहरोगी क्याहप नाङग्योकी कोह सुज्यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।
ओ़ह सेम्ज्येन ज्य़िगादीॱराङ स्योक्पा ट़ूह ट़ूह येहकें ओहले ओ़ह स्योक्पाया़ फी़ दाङ नाहङ ङ्यिकाराङ ङो़ले मी़या़गी काहङग्यो येहकें। ङ्यिहन-नुहप खुङया़ थाङ मा़हसेहबा पेहते दि ल़ेहमु म़ेदी छ्ये़-लु ल़ेहन तेहक्यो येहकें, “ओङज्या छ्यिम्बु नोम्गेन चो़वो छ्येवा किन्ज्यो नाम्पार-ताहक्पा, नाम्पार-ताहक्पा, नाम्पार-ताहक्पा ज़्य़ू नाङदी येहबा। मिहरो तोहङ यिहन्ज्युराङ ज़्य़ू नाङदी येहकें, ताहन्दाॱआङ ज़्य़ू नाङदी येहबा ओहले फेप नाङज्ये येह।”
ကြော်ငြာတွေ