१ यूहन्‍ना 2:2 - ह्योल्‍मो

² मिहरो ओहराङगी तिहक्‍पा ता़ह च्‍य़ू नाङज्‍येलाॱराङ टोहङ नाङग्‍यो यिहम्‍बा। ओहराङ च्‍यी़गी तेहन्‍दाला मिहम्‍बा, यिहॱनाङ जाम्‍बुलीङगी मिह थाम्‍ज्‍यीगी तेहन्‍दाला यिहम्‍बा।

१ यूहन्‍ना 2:2 ပူးပေါင်းရင်းမြစ်များ

लूका 14:22

“ओहले योक्‍पुगी ताहक्‍पुला मासीन, ‘ने़बु लाह, राहङगी सुङ नाङग्‍योया़ला ङाहगी क़े क्‍याहप्‍ती ख्‍योङसीन। यिहॱनाङ तोहरोङॱआङ तेहसा ग्‍या़ नि माहङबुराङ येह’।”

यूहन्‍ना 1:29

नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!

यूहन्‍ना 12:32

ङाह दि जाम्‍बुलीङलेगी क्‍या़ सिहन फान्‍ज्‍यो, ङाह मिह थाम्‍ज्‍यीला राहङ ङो़ले टिहच्‍ये येह।”

यूहन्‍ना 4:42

ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।

१ पत्रुस 2:24

तिहक्‍पाकी ल़ेहया़ क्‍युर्ती ओहराङगी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी मास्‍यीकागी ओहराङगी तिहक्‍पाया़ राहङगी कुसोला खुर्ती क्‍याहङस्‍यीङला टोहङ नाङसीन।

१ पत्रुस 3:18

च्‍यिबेमाना ओहराङला किन्‍ज्‍यो साला ख्‍योङज्‍येला नाहम-मानाकी तेहन्‍दाला ताहङस्‍यी जेती मास्‍यीकाॱआङ तिहक्‍पाया़गी तेहन्‍दाला लेहमा च्‍यी़ टोहङ नाङसीन। नाम्‍पार-ताहक्‍पा मिह तिहक्‍च्‍येम्‍बाया़गी तेहन्‍दाला मास्‍यीका राहङगी कुसोला टोहङ नाङसीन यिहॱनाङ थु लाहमले मिहरो येहपाराङ सोम्‍बो ज़्‍याङ नाङसीन।

१ यूहन्‍ना 1:7

यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।

१ यूहन्‍ना 3:5

ख्‍याया़ला क्‍यी़हराङ येह मिहगी तिहक्‍पा ता़ह च्‍य़ूज्‍येला मास्‍यीका फेप नाङसीन ओहले मिहरोला तिहक्‍पा च्‍यी़ॱआङ म़ेह।

१ यूहन्‍ना 4:10

ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।

१ यूहन्‍ना 4:14

किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।

१ यूहन्‍ना 5:19

जाम्‍बुलीङ थाम्‍ज्‍यीराङ ती़ह गो-छ्येवागी ओङ चो़ला येहॱनाङ ओहराङया़दी किन्‍ज्‍योगी छार्क्‍यीनया़ यिहम्‍बा माएँ ताम ओहराङला क्‍यी़ह येह।

ज्‍याल्‍गा 12:9

दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।