१ यूहन्‍ना 2:1 - ह्योल्‍मो

¹ ए ङाहगी च्‍याहम्‍बु पेहजाया़, ख्‍यागी तिहक्‍पा माहबे म़ेदी ङाह ख्‍याया़ला दि यिहगी प्रुहएँॱराङ येहबा। यिहॱनाङ सुज्‍यीगी तिहक्‍पा पेहसीमाना याहप ङ्याम्‍बु ओहराङ छ्यो़ले स्‍याहल सुङ तेर्के मेहन्‍दा च्‍यी़ येहबा, ओ़ह टाहङबु येशू मास्‍यीका यिहम्‍बा।

१ यूहन्‍ना 2:1 ပူးပေါင်းရင်းမြစ်များ

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

यूहन्‍ना 13:33

ए ङाहगी पेहजाया़, ता़हनी ङाह ख्‍या ङ्याम्‍बु ङ्यिहमा तोबा थु च्‍यी़राङ लिहच्‍ये येह। ख्‍याया़गी ङाहला छोल्‍ज्‍ये येह, ओहले ङाहगी यहूदी गोबाया़ला माक्‍यो ल़ेहमुराङ ख्‍याया़ॱलाङ माएँ ‘ङाह का़हला डोॱराङ येहबा, ओ़हला ख्‍याया़ ओहङ ख़ूज्‍ये म़ेह।’

यूहन्‍ना 14:16

ओहले ङाह याहप ङ्याम्‍बु ओहर-छ्य़े स्‍युहएँ, ओहले मिहरोगी ख्‍याया़ला लेहमेन रो़हराम जे नाङगेन्‍दीला ताङ नाङज्‍ये येह, ओहले मिहरो ख्‍या ङ्याम्‍बु नाहम्‍स्‍यी किन्‍दुॱराङ ज़्‍य़ू नाङज्‍ये येह।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 21:5

ओहले येशूगी खुङया़ला सुङ नाङसीन, “ए नो़हया़, ख्‍यागी ङ्याह ज़ुङ खू़बानी?” ओहले खुङया़गी मासीन, “अहँ, ङ्याह च्‍यी़ॱआङ ज़ुङ मा़हखु लाह!”

यूहन्‍ना 5:14

याहम्‍बी तिङले येशूगी खोला छ्योखाङला थू़दी सुङ नाङसीन, “त़ेदोङ, ता़ह ख्‍ये टा़ह सिहन्‍दी येह। येहपाराङ तिहक्‍पा माहबे, मिहन्‍सीमाना ख्‍येला तोहङले म़ेदीॱआङ चोक्‍पा ओहङज्‍ये येह।”

यूहन्‍ना 5:36

“यिहॱनाङ यूहन्‍नागी तेरक्‍यो पाङबु म़ेदीॱआङ छ्यिम्‍बु पाङबु ङाह ङ्याम्‍बु येह। च्‍यिबेमाना का़हन्‍दी ल़ेहया़ छाङबु पेहच्‍येला याहपगी ङाहला ताङ नाङग्‍यो यिहम्‍बा, ओ़ह ल़ेहया़ ङाहगी पेहकेनॱराङ येह, ओ़ह सोङबे ङाहला याहपगी ताङ नाङग्‍यो यिहन म़ेदी ओ़ह ल़ेहया़गीॱराङ ङाहगी तेहन्‍दाला पाङबु तेर्के।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

यूहन्‍ना 8:11

ओ़ह पी़हमीगी स्‍युहसीन, “लाहसो ला़ह चो़वो, ङाहला सुज्‍यीगीॱआङ ङ्य़ेहबा माहकाहल।” ओहले येशूगी सुङ नाङसीन, “ङाहॱआङ ख्‍येला ङ्य़ेहबा मेहकाल। ता़ह ख्‍ये सोङ, ओहले येहपाराङ तिहक्‍पा माहबे।”

ल़ेह-पेन 7:52

च्‍यि राहङ फे़बेया़गी आख्‍ये मे़हमेया़गी तुहक्‍पु माहतेर्पा सुज्‍यीॱआङ लुहङतेम्‍बा येहबा ले? किन्‍ज्‍योगी नाम्‍पार-ताहक्‍पा स्‍याहप्‍च्‍यी फेप्‍केराङ येह म़ेदी लेहङगु स्‍येकें लुहङतेम्‍बाया़ॱलाङ खुङया़गी सेसीन। राहङ फ़ेबेॱयागीदी फेप नाङग्‍योकी नाम्‍पार-ताहक्‍पा स्‍याहप्‍च्‍यीॱलाङ क्‍येन ता़दी से नाङसीन।

रोमी 5:10

च्‍यिबेमाना ओहराङ किन्‍ज्‍योगी टाह येहकेमुराङ मिहरोगी स़ेबु ओहराङगी तेहन्‍दाला टोहङ नाङसीन ओहले मास्‍यीकाकी स्‍यिवा लाहमले किन्‍ज्‍योगी ओहराङला राहङदीराङ रो़ह ज़ो नाङदी येह मासीमाना, ता़ह ओहराङ तोहरोङ माहङबु किन्‍ज्‍यो ङ्याम्‍बुराङ डी़क्‍यो सोङबे मास्‍यीकाकी मिहली लाहमले किन्‍ज्‍योगी ओहराङला थार च्‍य़ू नाङज्‍ये येह।

रोमी 6:15

ता़ह च्‍यि ले? च्‍यि ओहराङ छ्य़े-ठिमकी ओङ चो़ला म़ेहबा, यिहॱनाङ काटीनकी ओङ चो़ला येहबा म़ेदीनी तिहक्‍पा पेहच्‍ये ले? ओ़ह ल़ेहमु मिहम्‍बा।

रोमी 8:34

ता़ह खुङला सुगी ङ्य़ेहबा काल ख़ूज्‍ये? मास्‍यीका येशू टोहङ नाङसीन यिहॱनाङ टोहङग्‍योया़ नाहङला मिहरो येहपाराङ सोम्‍बो ज़्‍याङ नाङसीन, ओहले ताहन्‍दा मिहरो किन्‍ज्‍योकी योबा ङो़ले ज़्‍य़ू नाङदी येहबा, ओहले मिहरोगी ओहराङगी तेहन्‍दाला किन्‍ज्‍यो ङ्याम्‍बु ओहर-छ्य़े स्‍युह नाङगे।

१ कोरिन्‍थी 15:34

जेम्‍बु पेह, ता़ह यिहन्‍ज्‍यु तिहक्‍पा माहबे। च्‍यिबेमाना काहजे मिहया़लानी किन्‍ज्‍योगी तेहन्‍दाला क्‍यी़हराङ म़ेह। ख्‍याया़ला ङोह छाज्‍यु म़ेदी ङाहगी दि माक्‍यो यिहम्‍बा।

२ कोरिन्‍थी 5:21

मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।

गलाती 4:19

ए ङाहगी पेहजाया़, मास्‍यीकाती ल़ेहमुराङ डोलु-तेहलुया़ ख्‍याया़गी मिहलीला माहथोङ थु पेहजा क्‍येएँ ती़हजीला आमागी काह-ठि पेहती सुह ना़गे ओ़ह ल़ेहमुराङ तुहक्‍पु ताहन्‍दा ङाहगी ना़गेॱराङ येहबा।

एफिसी 2:18

च्‍यिबेमाना मिहरो लाहमलेॱराङ यहूदी दाङ लेहमेन क्‍यिहपा ओहराङ थाम्‍ज्‍यीगी च्‍यिमे च्‍यी़राङ नाम्‍पार-ताहक्‍पा थु ज्‍योर्ती याहप साला डो ख़ूएँ काहल्‍दी येह।

एफिसी 4:26

ख्‍याला स्‍यिहताङ लाहङना, ओ़ह स्‍यिहताङगी पेहती तिहक्‍पादी माहबे। ङ्यिहमा डुप्‍के म़ेदी तोहङलेराङ स्‍यिहताङ स्‍यि च्‍य़ूदोङ।

१ तिमोथी 2:5

ओहराङ किन्‍ज्‍योॱआङ च्‍यिमे च्‍यी़राङ येह ओहले मिहया़ला किन्‍ज्‍यो ङ्याम्‍बु थ़ू च्‍य़ू थुप्‍केन्‍दीॱआङ च्‍यिमे च्‍यी़राङ येह, ओ़ह थ़ू च्‍य़ू नाङगेन मिहदी मास्‍यीका येशू यिहम्‍बा।

१ तिमोथी 3:14

ख्‍येसाला ङाह ग्‍यो़बाराङ ओहङगे रेहवा पेहती येह, यिहॱनाङ ङाह ख्‍येला दि यिहगी प्रुहएँॱराङ येह,

हिब्रू 9:24

स्‍यिहङगामला येहकेन तेहन्‍दामला पे त़ेदी मिहगी ज़ोक्‍योगी नाम्‍पार-ताहक्‍पा ग्‍या़ नाहङला मास्‍यीकानी फेप माहनाङ, यिहॱनाङ मिहरो स्‍यिहङगामलाराङ फेप नाङसीन, ओहले ताहन्‍दा मिहरो ओहराङ छ्यो़ले किन्‍ज्‍योगी दिनला ज़्‍य़ू नाङदी येह।

याकूब 1:27

तुहक्‍पुला छ्यिक्‍यो ह्‍युग्‍मो दाङ टो़टेया़ला रो़हराम पेहकेन ओहले जाम्‍बुलीङकी चोक्‍पा से़हया़ यिहन्‍ज्‍यु राहङ था़-रिहङबु तेहकेंॱराङ किन्‍ज्‍यो याहपला थु ङ्य़ेबु ओहङगेन्‍गी चाङमा दाङ नाम्‍पार-ताहक्‍पा छ्य़े यिहम्‍बा।

याकूब 3:9

ओहले दि च्‍येलेगीराङ ओहराङ चो़वो दाङ याहपला त़ेरा फुल्‍गे, ओहले दि लाहमलेॱराङ किन्‍ज्‍योकी छ्यालुला छ्या़क्‍यो मिहया़ला ओहराङ मे़मु क्‍याहप्‍कें।

१ पत्रुस 2:22

“मास्‍यीकाकी तिहक्‍पाया़ च्‍यिॱआङ जे माहनाङ, ओहले मास्‍यीकाकी स्‍याहललेगी चिहन क्‍याहप्‍केन्‍गी स्‍याहलया़ नाहमॱआङ सुङ माहनाङ।”

१ पत्रुस 3:18

च्‍यिबेमाना ओहराङला किन्‍ज्‍यो साला ख्‍योङज्‍येला नाहम-मानाकी तेहन्‍दाला ताहङस्‍यी जेती मास्‍यीकाॱआङ तिहक्‍पाया़गी तेहन्‍दाला लेहमा च्‍यी़ टोहङ नाङसीन। नाम्‍पार-ताहक्‍पा मिह तिहक्‍च्‍येम्‍बाया़गी तेहन्‍दाला मास्‍यीका राहङगी कुसोला टोहङ नाङसीन यिहॱनाङ थु लाहमले मिहरो येहपाराङ सोम्‍बो ज़्‍याङ नाङसीन।

१ यूहन्‍ना 3:18

ए ङाहगी पेहजाया़! ओहराङ खा दाङ तामगी ज्‍यीॱराङ चेवा पेहच्‍ये मेहयोहङगे, ओहराङगी चेवादी तेहन्‍दामदी ओहङ कोहएँ। दि ल़ेहमु चेवाती ल़ेह लाहमले च्‍यी़राङ थोङगे यिहम्‍बा।

१ यूहन्‍ना 3:5

ख्‍याया़ला क्‍यी़हराङ येह मिहगी तिहक्‍पा ता़ह च्‍य़ूज्‍येला मास्‍यीका फेप नाङसीन ओहले मिहरोला तिहक्‍पा च्‍यी़ॱआङ म़ेह।

१ यूहन्‍ना 3:7

ए ङाहगी च्‍याहम्‍बु पेहजाया़, सुज्‍यीगीॱआङ ख्‍याला चिहन क्‍याहप माहङ्युहङज्‍यु। मास्‍यीका टाहङबु येहकें ल़ेहमुराङ काहदी मिहगी राहङगी डोलु-तेहलुया़ टाहङबु पेहकें, खो मिह टाहङबु यिहम्‍बा

१ यूहन्‍ना 4:4

ङाहगी च्‍याहम्‍बु पेहजाया़, ख्‍याया़नी किन्‍ज्‍योदी यिहम्‍बा, ख्‍यागी चिहन क्‍याहप्‍केन लुहङतेम्‍बाया़ला क्‍याहल्‍दी येहबा, च्‍यिबेमाना ख्‍याया़ ङ्याम्‍बु ज़्‍य़ू नाङगेन किन्‍ज्‍यो दि जाम्‍बुलीङला येहकेन्‍गी ती़ह म़ेदी ज्‍यिबुराङ ओङ छ्यिम्‍बु येहबा।

१ यूहन्‍ना 5:17

ल़ेह चोक्‍पाया़ थाम्‍ज्‍यीराङ तिहक्‍पा यिहम्‍बा यिहॱनाङ थाम्‍ज्‍यी तिहक्‍पागी स्‍यिवाला मे़हक्‍याल्‍गे।

१ यूहन्‍ना 5:21

ए ङाहगी पेहजाया़, ख्‍याया़ कुया़ ङो़ले था़-रिहङबुराङ तेह।

३ यूहन्‍ना 1:4

राहङदी पुह पोहमोया़ तेहन्‍दामकी लाहमला स्‍य़ूहदीॱराङ दु माएँ ताम थ़े ङ्युहङगे ल़ेहमु काहसो लेहमेन ताम च्‍यि ओहङ ख़ूएँ ले?