१ यूहन्‍ना 1:6 - ह्योल्‍मो

⁶ का़हलेॱआङ ओहराङगी छोक्‍पा किन्‍ज्‍यो ङ्याम्‍बु येह म़ेदी माएँ, यिहॱनाङ ओहराङदी ना़-जुबेलाराङ डे़दी तेहसीमानानी ओहराङगी स्‍योप क्‍याहप्‍क्‍यो ओहङगे ओहले ओहराङगी तेहन्‍दामगी मिहजी ताङग्‍यो मेहयोहङगे।

१ यूहन्‍ना 1:6 ပူးပေါင်းရင်းမြစ်များ

मत्ती 7:22

ओ़ह ङ्यिहमु मिह माहङबुगीराङ ङाहला दि ल़ेहमु माज्‍ये येह, ‘ओ़ चो़वो, ओ़ चो़वो च्‍यि ङ्यिहगी राहङगी छेनला किन्‍ज्‍योगी लेहङगु माहस्‍येपा ले? च्‍यि राहङगी छेन लेहन्‍दी ल्‍हेन्‍डीया़ माहङेपा ले? च्‍यि राहङगी छेनला ङ्यिहगी याहम्‍जेम्‍बा ल़ेहया़ माहबेबा ले?’ म़ेदी माज्‍ये येह।

यूहन्‍ना 11:10

यिहॱनाङ कुहङमु डोएँया़ नार्तो क्‍याहप्‍कें च्‍यिबेमाना कुहङमुनी खो ङ्याम्‍बु क्‍या-साङे मेहयोहङगे।”

यूहन्‍ना 12:35

येशूगी खुङया़ला सुङ नाङसीन, “क्‍या-साङे तोहरोङॱआङ तोबा थु ख्‍याया़गी पाहरक्‍यीलाराङ तेहच्‍ये येह। क्‍या-साङे ख्‍या ङ्याम्‍बु लिहकें थु राहङगी लाहमला स्‍य़ूहदोङ मिहन्‍सीमाना ना़-जुबेगी ख्‍याया़ला उप्‍च्‍ये येह। ना़-जुबेला डोएँया़गी राहङ का़हला डोॱराङ येहबा म़ेदी क्‍यी़ह मेहन्‍ज्‍योर्कें।

यूहन्‍ना 12:46

जाम्‍बुलीङगी येहसेर ङाहराङ यिहन। ङाहला यिह छ्य़ेगेया़ सुज्‍यीॱआङ ना़-जुबेला माहछ्यीज्‍यु म़ेदी ङाह जाम्‍बुलीङला ओहङसीन।

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

यूहन्‍ना 8:55

ख्‍याया़गी याहपला ङोह स्‍य़ेदी म़ेह, यिहॱनाङ ङाहगी याहपला ङोह स्‍य़ेएँ। का़हलेॱआङ ङाहगी याहपला ङोह मे़हस्‍येएँ म़ेदी माक्‍यो येहनानी ङाहॱआङ ख्‍या ल़ेहमुराङ स्‍योप्‍केर थेन्‍ज्‍ये येहकें। यिहॱनाङ ङाह याहपला ङोह स्‍य़ेएँ ओहले याहपगी सुङ नाङग्‍यो स्‍याहलया़ ङ्यिहन्‍गे।

१ तिमोथी 4:2

दि ल़ेहमु लुहङया़ स्‍योप क्‍याहप्‍ती यिहन्‍दो तेन्‍गे मिहया़ लाहमले ओहङगे यिहम्‍बा, खुङया़गी नावा च्‍या़ टोहमोगी टाहक्‍यो ल़ेहमु ओहङगे।

याकूब 2:14

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, का़हलेॱआङ सुज्‍यीगी “ङाह तेहपा पेहकें” म़ेदी माज्‍येनी माएँ, यिहॱनाङ ल़ेहदी मेहबेसीमाना, दिगी च्‍यि फेन थो़बा ले? च्‍यि ओ़ह ल़ेहमु तेहपागी खोला थार च्‍य़ू ख़ूएँ ले?

याकूब 2:16

यिहॱनाङ ख्‍याया़ नाहङला सुज्‍यीगी खुङला, “सेम लो तेहमु पेहती सोङ, काप्‍च्‍या क्‍यिपु केहन्‍दी तेहतोङ ओहले टेहपा काहङगे थु सोह” च्‍यी़राङ माएँ, यिहॱनाङ खुङ ज़ुबुगी तेहन्‍दाला कोहकेन्‍गी से़हया़दी मेहतेर्सीमाना, ओ़ह मिहया़ला च्‍यि फेन थोएँ ले?

याकूब 2:18

यिहॱनाङ लाहला मिहगी दि ल़ेहमुॱआङ मारो, “ख्‍येगी तेहपा पेहकें। यिहॱनाङ ङाहनी ल़ेह पेहकें।” लु ओ़हठी यिहन्‍सीमाना ल़ेह माहबेबा पेहती ख्‍येगी तेहपा पेहक्‍यो ङाहला तेन्‍दोङ ले! ङाहनी ल़ेह पेहती ङाहती तेहपा तेन्‍गे।

१ यूहन्‍ना 1:10

का़हलेॱआङ ओहराङगी ङाहगी तिहक्‍पा पेहती म़ेह म़ेदी मासीमाना ओहराङगी किन्‍ज्‍योला स्‍योप क्‍याहप्‍क्‍यो ओहङगे ओहले ओहराङ ङ्याम्‍बु किन्‍ज्‍योगी सुङ मेहयोहङगे।

१ यूहन्‍ना 1:3

ओहले ख्‍यागीॱआङ ङ्यिह ङ्याम्‍बुराङ छोक्‍पा पेहच्‍यु म़ेदी ङ्यिहगी च्‍यि थोङबा ओहले च्‍यि थे़बा, ओ़ह ख्‍याला स्‍येको येहबा। ङ्यिहगी छोक्‍पाती किन्‍ज्‍यो याहप दाङ मिह-रो़हगी स़ेबु येशू मास्‍यीका ङ्याम्‍बु येहबा।

१ यूहन्‍ना 1:8

का़हलेॱआङ ओहराङगी राहङला तिहक्‍पा च्‍यिॱआङ म़ेह म़ेदी मासीमाना राहङगी राहङला गो़ कोर च्‍य़ूगे, ओहले ओहराङ ङ्याम्‍बु तेहन्‍दाम मेहयोहङगे।

१ यूहन्‍ना 2:4

सुज्‍यीगी ङाह चो़वोला ङोह स्‍य़ेएँ म़ेदी माएँ यिहॱनाङ चो़वोगी नाङग्‍यो काया़ मी़हचीसी माना खोगी स्‍योप क्‍याहप्‍क्‍यो ओहङगे ओहले खो ङ्याम्‍बु तेहन्‍दाम मेहयोहङगे।

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?