१ कोरिन्‍थी 8:9 - ह्योल्‍मो

⁹ यिहॱनाङ जेम्‍बु पेह, ख्‍येगी राहङवाङगी यिह-छ्य़ेला मा-फाम्‍बु येहकें मिहया़ तिहक्‍पाला माहछ्यीज्‍यु।

१ कोरिन्‍थी 8:9 ပူးပေါင်းရင်းမြစ်များ

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

रोमी 15:1

ओहराङ यिह-छ्य़ेला सान्‍दी येहकेनया़गी राहङला च्‍यी़राङ क़ेहनाङ लाहङ च्‍य़ूगेन्‍की सेम्‍बाया़ मा़हथोबा पेहती यिह-छ्य़ेला मा-फाम्‍बु येहकेनया़दी मा फाम्‍बुला ना़ कोहएँ।

१ कोरिन्‍थी 10:24

सुज्‍यीगीॱआङ राहङगी फेन्‍दोप ताज्‍ये मेहयोहङगे, लेहमेनती फेन्‍दोप ता कोहएँ।

१ कोरिन्‍थी 10:28

यिहॱनाङ सुज्‍यीगी ख्‍येला “दिनी मार्च्‍ये फुल्‍ग्‍योगी साहप्‍च्‍या यिहम्‍बा” म़ेदी मासीमाना, ओ़ह ख्‍येला स्‍येके मिहगी नावाकी तेहन्‍दाला ओ़ह साहप्‍च्‍या माहसाह।

१ कोरिन्‍थी 10:29

ङाहगी माक्‍यो ताम ख्‍येगी नावाकी तेहन्‍दाला मिहम्‍बा, यिहॱनाङ ओ़ह ख्‍येला स्‍येके मिहगी नावाकी तेहन्‍दाला माक्‍यो यिहम्‍बा। लेहमेन मिहगी नावागी ङाहती राहङवाङला च्‍यिबे ठिम ताङ च्‍य़ूज्‍ये ले?

१ कोरिन्‍थी 10:32

सुज्‍यीॱलाङ क्‍येन फो़गेन्‍गी ल़ेह माहबे, ओ़ह यहूदी यिहॱना़ यिहन, ग्रीक यिहॱना़ यिहन, किन्‍ज्‍योगी छेन्‍छोक यिहॱना़ यिहन।

१ कोरिन्‍थी 8:10

च्‍यिबेमाना का़हलेॱआङ यिह-छ्य़ेला मा-फाम्‍बु येहकें मिहगी ख्‍ये रिहक्‍स्‍यी येहकें मिहला कुगी छ्योखाङला साहज्‍येला तेहक्‍यो थोङसीमाना, च्‍यि कुला फुल्‍ग्‍योकी साहएँ से़हया़ साहज्‍येला खोला स्‍युक मेहक्‍येएँ ले?

१ कोरिन्‍थी 8:12

दि ल़ेहमु पेहती ख्‍यागी यिह-छ्य़ेला मा-फाम्‍बु येहकेन राहङ नो़हया़गी सेम सुह क्‍याहप च्‍य़ूदी ख्‍यागी मास्‍यीकाला टाह पेहती तिहक्‍पा पेहकें।

१ कोरिन्‍थी 9:22

मा-फाम्‍बु मिहया़ला मास्‍यीकाला ख्‍योङ ख़ूज्‍यु म़ेदी ङाह राहङॱआङ मा-फाम्‍बु पेहती तेहसीन। काह-ठि पेहती यिहॱनाङ मिहया़ला मास्‍यीकाला थार च्‍य़ू ख़ूज्‍यु म़ेदी नामे नाजो छ्याप्‍स्‍यीया़ पेहती ङाहॱआङ खुङ ल़ेहमुराङ काहल्‍सीन।

२ कोरिन्‍थी 11:21

यिहॱनाङ ङ्यिह मा-फाम्‍बु येहकें सोङबे ओ़ह ल़ेहमु पेह मा़हखु, ओहले ङाह ङोह छा कोहसीन। यिहॱनाङ सुज्‍यीगी च्‍यिरा तामला छ्य़ेन्‍दो तेन्‍सीमाना, ङाहॱआङ ओ़ह तामला छ्य़ेन्‍दो तेन्‍गे। यिहम्‍बा, ङाह उल्‍दुम्‍बा ल़ेहमुराङ ताम माएँ।

२ कोरिन्‍थी 11:29

सुज्‍यी मा-फाम्‍बु काहल्‍सीन माना ङाहॱआङ मा-फाम्‍बु डोएँ। सुज्‍यी तिहक्‍पाला छ्यिसीमाना ङाहला स्‍यिहताङ लाहङगो येहकें।

२ कोरिन्‍थी 6:3

ङ्यिहगी पेहक्‍योगी ल़ेहला मिहया़गी च्‍यिॱआङ क्‍येन माहता़ज्‍यु म़ेदी ङ्यिह सुॱलाङ रिहल च्‍य़ूगेन्‍गी ल़ेहया़ मेहबेकें।

गलाती 5:13

आदा-नो़ह दाङ आज्‍यी-नुहमुया़, ख्‍यानी राहङवाङगी तेहन्‍दाला क़े क्‍याहप्‍क्‍यो यिहम्‍बा। यिहॱनाङ दि राहङवाङला तिहक्‍पाकी ल़ेहया़की तेहन्‍दाला चाल माहती। यिहॱनाङ चेवा पेहती च्‍यी़गी च्‍यी़ला या़हबु स्‍याहप्‍तो स्‍यी़हदोङ।

कलस्‍सी 2:8

टिहम्‍बु पेहती तेह, फेन्‍दोप म़ेहबागी रिहक्‍स्‍यी दाङ छलगी काहङग्‍यो नोम्‍साङया़गी मिताला माहछ्यीज्‍यु। दि ल़ेहमु केच्‍याया़ मास्‍यीका लाहमले ओहङग्‍यो मिहम्‍बा यिहॱनाङ दि मिहया़गी पे-ठिम दाङ जाम्‍बुलीङला ओङ छ्य़ेगेन ङ्येहम्‍बा नाम्‍स्‍यी लाहमले ओहङग्‍यो यिहम्‍बा।

१ पत्रुस 2:16

राहङवाङ मिहया़गी ल़ेहमुराङ राहङगी मिहजी ताङदोङ, यिहॱनाङ राहङ राहङवाङ येह म़ेदी चोक्‍पा ल़ेहया़दी माहबे। बरु किन्‍ज्‍योकी योक्‍पुया़ ल़ेहमु पेहती राहङगी मिहजी ताङदोङ।

२ पत्रुस 2:19

खुङया़गी ख्‍याया़ला ना थाम्‍ज्‍यीगी पे-ठिमया़लेगी खा फे़ तेर्के म़ेदी ताहम्‍ज्‍या ज़्‍या़गे, यिहॱनाङ खुङ राहङ मानादी तोङदी डोएँगी योक्‍पु काहल सिहन्‍ग्‍यो ओहङगे, च्‍यिबेमाना का़हन्‍दी से़हगी मिहला क्‍याहल ख़ूएँ ओ़ह से़हगीॱराङ खोला योक्‍पु ज़ोएँ यिहम्‍बा।

ज्‍याल्‍गा 2:14

यिहॱनाङ ख्‍याला टाह पेहते ङाहगी च्‍यिरा तामनी माॱराङ कोहएँ। ख्‍यागी पाहरक्‍यीला लाहला बालामकी लुहङ ची़गेया़ॱआङ येहबा। कुया़ला छ्येपा फुल्‍ग्‍यो से़हया़ से़हदी ओहले छ्येउ-छ्येंमु पेहती इस्राएलीया़ला तिहक्‍पाला छ्यि च्‍य़ूज्‍येला बालामगी क्‍याहल्‍बु बालाकला लोप्‍क्‍यो येहकें।