Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ कोरिन्‍थी 8:6 - ह्योल्‍मो

6 यिहॱनाङ ओहराङगी तेहन्‍दालानी किन्‍ज्‍यो याहप च्‍यी़राङ ज़्‍य़ू नाङदी येहबा। मिहरोगीॱराङ थाम्‍ज्‍यीराङ से़हया़ ज़ो नाङसीन। ङ्यिह किन्‍ज्‍योगी तेहन्‍दालाराङ थार्के। ङ्यिहती च्‍यिमे च्‍यी़राङ चो़वो येशू मास्‍यीका ज़्‍य़ू नाङदी येहबा। मिहरो लाहमलेॱराङ थाम्‍ज्‍यी से़हया़ छ्या़सीन। मिहरो लाहमलेॱराङ ङ्यिह थार्के यिहम्‍बा।

အခန်းကိုကြည့်ပါ။ ကော်ပီ




१ कोरिन्‍थी 8:6
40 ပူးပေါင်းရင်းမြစ်များ  

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।


ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।


मिहरो जाम्‍बुलीङला ज़्‍य़ू नाङदी येहकें, जाम्‍बुलीङ मिहरो लाहमलेॱराङ छ्या़सीन, यिहॱनाङ जाम्‍बुलीङगी मिहरोला ङोह मा़हस्‍ये।


सुङ लाहमलेॱराङ किन्‍ज्‍योगी ना थाम्‍ज्‍यी छ्या़ च्‍य़ू नाङसीन। छ्या़ नाङग्‍योकी ना थाम्‍ज्‍यी मिहरोगी जेते मिहम्‍बा लेहमेन च्‍यि लाहमलेॱआङ माह-छ्या़।


याहप दाङ ङाह च्‍यी़राङ यिहन।”


ख्‍याया़गी ङाहला लोबेन दाङ चो़वो म़ेदी माएँ, ओ़ह ख्‍यागी ठाबेराङ माक्‍यो यिहम्‍बा च्‍यिबेमाना ङाह ओ़हदीॱराङ यिहन।


ओ़ह ङ्यिहमु ‘ङाह ङाहगी याहप ङ्याम्‍बु येह, ओहले ख्‍या ङाह ङ्याम्‍बु येह, ओहले ङाह ख्‍या ङ्याम्‍बु येह’ माएँ ताम ख्‍यागी ङोह स्‍ये़ज्‍ये येह।


राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।


ओहले येशूगी मोहला सुङ नाङसीन, “ङाहला मा़हदे, च्‍यिबेमाना ङाह ताहन्‍दा थु याहप्‍च्‍येन आबासाला काहल्‍दी म़ेह। यिहॱनाङ ङाहती नो़हया़साला काहल्‍दी म़े तेर, ‘ङाहती याहप दाङ ख्‍यागी याहप, ओहले ङाहती किन्‍ज्‍यो दाङ ख्‍यागी किन्‍ज्‍यो साला ङाह डोॱराङ येह’।”


च्‍यिबेमाना ओहराङ किन्‍ज्‍योगी छेनलाराङ थार्कें ओहले फार छुर पेहकें दि तामगी तेहन्‍दाला कवि च्‍यी़गीॱआङ दि ल़ेहमु म़ेदी येह ‘तेहम्‍बाराङ ओहराङ किन्‍ज्‍योगी छार्क्‍यीन यिहन।’


“ओ़ह सुङगोराङ इस्राएलगी मिह थाम्‍ज्‍यीगी दि ताम ङोह स्‍य़े कोहकें– ख्‍या फे़बेया़गी क्‍याहङस्‍यीङला च्‍याङदी सेक्‍योगी येशूलाॱराङ किन्‍ज्‍योगी चो़वो दाङ थार्पा नाङगेन मास्‍यीका ङ्यिकाराङ ज़ो नाङसीन।”


इस्राएली मिहया़गी सेमगी स्‍या़बा पेहती तिहक्‍पालेगी कोहङदा ज्‍योर्च्‍यु म़ेदी किन्‍ज्‍योगी येशूला थार्पा नाङगेन क्‍याहल्‍बु ज़ो नाङदी राहङगी योबा ङो़गी ज़्‍य़ू-ठिला ज़्‍या़ नाङसीन।


च्‍यिबेमाना ना थाम्‍ज्‍यी मिहरोगीॱराङ छ्या़ च्‍य़ू नाङग्‍यो यिहन ओहले ओ़ह थाम्‍ज्‍यी मिहरो लाहमले ओहले मिहरोगी तेहन्‍दालाराङ यिहन। मिहरोला नाहम्‍स्‍यी किन्‍दुॱराङ ज़िज्‍यिद ओहङज्‍यु! आमेन।


कोरिन्‍थी लुहङबाला येहकेन्‍की किन्‍ज्‍योकी छेन्‍छोकला ङ्यिह दि यिहगी प्रुहएँॱराङ येह। मास्‍यीका येशूला नाम्‍पार-ताहक्‍पा काहल्‍ग्‍यो दाङ खुङया़ ङ्याम्‍बु-ङ्याम्‍बुराङ ग्‍या़ थाम्‍ज्‍यीला मास्‍यीकाकी नाम्‍पार-ताहक्‍पा मिह डोज्‍येकी तेहन्‍दाला क़े क्‍याहप नाङग्‍योया़ थाम्‍ज्‍यी, का़हन्‍दी का़हन्‍दीगी चो़वो येशू मास्‍यीकाकी छेनला क्‍याप्‍केन, ओ़ह चो़वो येशू मास्‍यीकाॱराङ ओहराङ दाङ खुङया़की चो़वो यिहम्‍बा:


ओ़ह सोङबे ख्‍याया़गी दि ताम ङोह स्‍ये़ज्‍यु माएँ ङाहगी सेम्‍बा येहबा, किन्‍ज्‍योगी थु लाहमले स्‍याहल सुङगे सुज्‍यीगीॱआङ येशूला मे़मु मेहक्‍याहप्‍कें, ओहले नाम्‍पार-ताहक्‍पा थु लाहमले च्‍यी़राङ “येशूॱराङ चो़वो यिहन” म़ेदी मा ख़ूएँ।


“तोप्‍च्‍या टेहपागी तेहन्‍दाला यिहम्‍बा, ओहले टेहपा तोप्‍च्‍यागी तेहन्‍दाला।” यिहॱनाङ किन्‍ज्‍योगी ङ्यिकालाराङ तोङ च्‍य़ू नाङज्‍ये येह। ज़ुबु छ्येउ-छ्येंमु पेहच्‍येगी तेहन्‍दाला मिहम्‍बा, यिहॱनाङ चो़वोकी तेहन्‍दाला यिहम्‍बा, ओहले चो़वो ज़ुबुकी तेहन्‍दाला यिहम्‍बा।


कुला छ्येपा फुल्‍ग्‍योगी साहएँ से़हया़ साहज्‍ये ओहङगेनी मेहयोहङगे माएँ ताम ओहराङला क्‍यी़ह येहबा, जाम्‍बुलीङला कु च्‍यिॱआङ मिहम्‍बा, किन्‍ज्‍यो च्‍यी़ मिहम्‍बा लेहमेन सुॱआङ म़ेह।


ओहराङगी चो़वो येशू मास्‍यीकाकी किन्‍ज्‍यो दाङ याहपला थुज्‍यी-छ्ये़! मिहरोगी येशू मास्‍यीका लाहमले ओहराङला स्‍यिहङगामकी ग्‍या़या़ला ना थाम्‍ज्‍यीगी यिहक्‍तेन मेलामया़ नाङदी येह।


ओ़ह सोङबे ङाह किन्‍ज्‍यो याहपकी स्‍याहपला पी़मु च़ूदी सोल्‍वाङ ताप्‍को येह।


दि या़हबु लेहङगु ख्‍या सालाॱआङ ओहङदी येह, ओहले तेहम्‍बाराङ मिहया़ला मेलाम ख्‍योङगेराङ जाम्‍बुलीङ काहङ्येॱराङ टाहम्‍दी डोॱराङ येहबा। ख्‍यागी किन्‍ज्‍योकी काटीनकी तेहन्‍दाला तेहन्‍दामकी ताम थे़क्‍यो दाङ ङोह स्‍य़ेक्‍यो ङ्यिहमा यिहन्‍ज्‍यु ता़ह या़हबु लेहङगुगी ख्‍याया़गी पाहरक्‍यीलाॱआङ ओ़हठीॱराङ पेहती छ्या़ले जे नाङगेराङ येहबा,


ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।


ओहले सोम्‍बो येहकेन्‍दीॱआङ ङाहराङ यिहन। ङाह स्‍यिक्‍यो येहकें, यिहॱनाङ ता़ह त़ेदोङ, ङाह नाहम्‍स्‍यी किन्‍दुॱराङ सोम्‍बो काहल्‍दी येह, स्‍यिवा दाङ साप्‍स्‍यी तिहङकी दिमीया़ ङाह ङ्याम्‍बु येहबा।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ