१ कोरिन्‍थी 8:12 - ह्योल्‍मो

¹² दि ल़ेहमु पेहती ख्‍यागी यिह-छ्य़ेला मा-फाम्‍बु येहकेन राहङ नो़हया़गी सेम सुह क्‍याहप च्‍य़ूदी ख्‍यागी मास्‍यीकाला टाह पेहती तिहक्‍पा पेहकें।

१ कोरिन्‍थी 8:12 ပူးပေါင်းရင်းမြစ်များ

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

मत्ती 18:21

ओहले पत्रुसगी ओहङदी येशूला टी़हसीन, “चो़वो, ङाहगी नो़हगी ङाहला टाह पेहती तिहक्‍पा पेहतीराङ तेहसीमाना ङाहगी खोला लेहमा काहजे थु ल़े ताङ कोहएँ यिहम्‍बा? लेहमा तिहन थु?”

मत्ती 18:6

“यिहॱनाङ सुगी ङाह थो़ला यिह-छ्य़े पेहकेन दि फेमा पेहजाया़ला तिहक्‍पाला छ्यि च्‍य़ूगे, खोलानी ज्‍यिङबाला ला़हवोर च्‍याङदी तिहङ रिहङबु छो-क्‍याहम्‍जोला क्‍युर चाहङना या़हबु ओहङज्‍ये येहकें।

मत्ती 25:40

ओहजेला ज़्‍य़ू-ठिला ज़्‍य़ू नाङगे क्‍याहल्‍बुगी दि ल़ेहमु सुङदी ल़ेहन क्‍याहप नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि पेहपा, ओ़ह ङाहलाराङ पेहक्‍यो यिहम्‍बा’।”

मत्ती 25:45

ओ़ह ती़हजीला ज़्‍य़ू-ठिला ज़्‍य़ू नाङगेन क्‍याहल्‍बुगी खुङया़ला दि ल़ेहमु सुङ नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि च्‍यि माहबेबा, ओ़ह ख्‍याया़गी ङाहलाराङ माहबेबा यिहम्‍बा।’

मर्कूस 9:42

येशूगी येहपाराङ सुङ नाङसीन, “का़हन्‍दीगी ङाह थो़ला यिह-छ्य़े पेहकेन दि ल़ेहमु पेहजाया़गी यिह-छ्य़ेला नोङगे ओ़हदीलानी ज्‍यिङबाला ला़हवोर च्‍याङदी छो-क्‍याहम्‍जोला क्‍युर चाहङना या़हबु ओहङज्‍ये येहकें।

लूका 17:2

सुगी दि फेमा म़ेदी फेमाया़ला तिहक्‍पाला छ्यि च्‍य़ूगे, ओ़हदीलानी ज्‍यिङबाला ला़हवोर च्‍याङदी छो-क्‍याहम्‍जोला क्‍युर चाहङना या़हबु ओहङज्‍ये येहकें।

रोमी 14:20

साहएँ से़हया़गी पेहती किन्‍ज्‍योकी छ्या़लेला माहनोङ। थाम्‍ज्‍यी साहएँ से़हया़ साहज्‍ये ओहङगे यिहॱनाङ राहङगी साहक्‍यो से़हगी पेहती लेहमेनला ऩे क्‍याल्‍सीमानाती ओ़ह या़हबु मिहम्‍बा।

१ कोरिन्‍थी 12:12

पे यिहॱना़, ओहराङगी ज़ुबुला ना माहङबुराङ ओङबुया़ येहबा– दि नामे नाजो ओङबुया़ डी़दी ज़ुबु च्‍यी़राङ डोएँ। मास्‍यीकाॱआङ ओ़ह ल़ेहमुराङ यिहम्‍बा।