१ कोरिन्‍थी 8:10 - ह्योल्‍मो

¹⁰ च्‍यिबेमाना का़हलेॱआङ यिह-छ्य़ेला मा-फाम्‍बु येहकें मिहगी ख्‍ये रिहक्‍स्‍यी येहकें मिहला कुगी छ्योखाङला साहज्‍येला तेहक्‍यो थोङसीमाना, च्‍यि कुला फुल्‍ग्‍योकी साहएँ से़हया़ साहज्‍येला खोला स्‍युक मेहक्‍येएँ ले?

१ कोरिन्‍थी 8:10 ပူးပေါင်းရင်းမြစ်များ

ल़ेह-पेन 15:20

यिहॱनाङ ओहराङगी खुङया़ला दि तामया़गी तेहन्‍दाला ङोह स्‍येॱराङ च्‍य़ू कोहएँ, कुला तेरक्‍यो ची़बु काहल्‍ग्‍योगी साहज्‍ये से़हया़ माहसाह, छ्येउ-छ्येंमु माहबे ओहले ज्‍यिङबा च्‍यिर्ते सेक्‍यो सेम्‍ज्‍येनया़गी स्‍या दाङ ठा़ माहसाह।

रोमी 14:14

चो़वो येशूला ङाहगी यिह छ्य़ेक्‍यो सोङबे दि केच्‍या ङाहला या़हबु पेहती क्‍यी़ह येह, का़हन्‍दीॱआङ साहएँ से़हया़ मेहचाङा म़ेह। यिहॱनाङ सुगी ओ़हदी मेहचाङा येह म़ेदी ने़गे, खोगी तेहन्‍दाला ओ़ह मेहचाङा डोएँ।

रोमी 14:23

यिहॱनाङ सुज्‍यीगी थेचुम पेहती च्‍यिरा साहसीन माना खो ङ्य़ेहबा फो़ज्‍ये सी़हगे, च्‍यिबेमाना खोगी तेहपागी साहक्‍यो मिहम्‍बा। तेहपा माहबेबा पेहती ओहङग्‍योकी ना थाम्‍ज्‍यीराङ से़हया़ तिहक्‍पाराङ यिहम्‍बा।

१ कोरिन्‍थी 10:32

सुज्‍यीॱलाङ क्‍येन फो़गेन्‍गी ल़ेह माहबे, ओ़ह यहूदी यिहॱना़ यिहन, ग्रीक यिहॱना़ यिहन, किन्‍ज्‍योगी छेन्‍छोक यिहॱना़ यिहन।

१ कोरिन्‍थी 8:4

कुला छ्येपा फुल्‍ग्‍योगी साहएँ से़हया़ साहज्‍ये ओहङगेनी मेहयोहङगे माएँ ताम ओहराङला क्‍यी़ह येहबा, जाम्‍बुलीङला कु च्‍यिॱआङ मिहम्‍बा, किन्‍ज्‍यो च्‍यी़ मिहम्‍बा लेहमेन सुॱआङ म़ेह।

१ कोरिन्‍थी 8:7

यिहॱनाङ मिह थाम्‍ज्‍यीला दिगी तेहन्‍दाला क्‍यी़ह मेहयोहङगे। यिहॱनाङ काहजे मिहया़ कुला छ्येपा फुल्‍गेन बा़नी काहल सिहन्‍ग्‍यो ओहङगे, खुङया़गी दि ल़ेहमु साहप्‍च्‍या साहएँमु तेहम्‍बाराङ कुला फुल्‍ग्‍यो यिहम्‍बा म़ेदी ने़गे, ओहले खुङया़गी नावा मा-फाम्‍बु येहकें सोङबे खो मेहचाङा डोएँ।

१ कोरिन्‍थी 8:9

यिहॱनाङ जेम्‍बु पेह, ख्‍येगी राहङवाङगी यिह-छ्य़ेला मा-फाम्‍बु येहकें मिहया़ तिहक्‍पाला माहछ्यीज्‍यु।