१ कोरिन्‍थी 7:40 - ह्योल्‍मो

⁴⁰ यिहॱनाङ मोहगी पा़हमा माहबेबा पेहती तेह ख़ूसीमाना मोहला तोहरोङ क्‍यिपु ओहङज्‍ये येह, दि ङाहगी नोम्‍साङ यिहम्‍बा ओहले ङाहला दि ल़ेहमु ने़उ दु ङाह ङ्याम्‍बु किन्‍ज्‍योगी थु ज़्‍य़ू नाङदी येहबा।

१ कोरिन्‍थी 7:40 ပူးပေါင်းရင်းမြစ်များ

१ कोरिन्‍थी 7:1

ता़हनी ङाह ख्‍याया़गी प्रुहक्‍योकी तामकी तेहन्‍दाला माउ येह। पा़हमा माहबेबा पेहती तेहक्‍योॱराङ या़हबु यिहम्‍बा।

१ कोरिन्‍थी 7:35

दि तामगी ख्‍याला ठिमगी ल़ेहमु पेहती ताहम्‍ज्‍येला मिहम्‍बा यिहॱनाङ ख्‍याराङदी या़हबुकी तेहन्‍दाला ङाहगी माएँराङ येहबा। यिहॱनाङ ख्‍यागी सेम तिहङ यिहन्‍ज्‍युराङ चो़वोला क्‍याप्‍ती किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी यिहम्‍बा।

१ कोरिन्‍थी 7:6

दि ङाहगी ख्‍याला पेहॱराङ कोहएँ म़ेदी उर्चु पेहती माक्‍यो मिहम्‍बा दिनी ङाहगी ख्‍याला लोप्‍ताम च्‍यी़राङ क्‍याहप्‍क्‍यो यिहम्‍बा।

१ कोरिन्‍थी 7:8

यिहॱनाङ ताहन्‍दा पा़हमा माहबेबा दाङ ह्‍युग्‍मोया़ला ङाह माएँ, ख्‍याया़ ङाह ल़ेहमुराङ पा़हमा माहबेबा पेहती तेह ख़ूसीमाना ख्‍याया़गी तेहन्‍दाला ओ़ह ज्‍यिबुराङ या़हबु यिहम्‍बा।

२ कोरिन्‍थी 12:11

ङाह उल्‍दुम्‍बा काहल्‍दी येह। ख्‍याया़गी ङाहला दि ल़ेहमु पेहच्‍येला उर्चु पेह च्‍य़ूसीन, च्‍यिबेमाना ख्‍याया़गी ङाहला ची़नाङ पेह कोहच्‍ये येहकें। च्‍यिबेमाना ङाह च्‍यिॱआङ मिहनॱनाङ, थाम्‍ज्‍यी म़ेदी छ्यिम्‍बु ल़ेह-पेनया़ म़ेदी फेमानी म़ेह।

२ कोरिन्‍थी 13:3

ओ़ह ती़हजीला मास्‍यीका ङाह लाहमले जेती स्‍याहल सुङ नाङगु दुनी मेहनाङ दु म़ेदी ख्‍याया़गी छोल्‍ग्‍योगी दास्‍यी च्‍य़ेह सिहन्‍ज्‍ये येह। ख्‍याया़गी पाहरक्‍यीला छ्या़ले जे नाङगेमु मिहरो मा-फाम्‍बु मिहम्‍बा यिहॱनाङ स्‍युक छ्यिम्‍बु ओहङज्‍ये येह।

२ कोरिन्‍थी 8:10

ता़ह ङाह ख्‍याया़ला दिगी तेहन्‍दाला लोप्‍ताम च्‍यी़ क्‍याहप्‍को येह– नाहनीङ यिहन्‍ज्‍यु तेर्च्‍ये छ़ूक्‍योगी दि ल़ेह ता़ह ख्‍यागी छाङबु पेहतोङ च्‍यिबेमाना दि तेर्केन्‍की ल़ेह तोहङस्‍यो ख्‍याया़गीॱराङ छ़ूक्‍यो येहकें ओहले दि तेर्च्‍येला सेम्‍बा पेहकेन्‍दीॱआङ ख्‍याया़राङ यिहन।

१ थेसलोनिकी 4:8

ओ़ह सोङबे का़हन्‍दीगी दि लुहङला मी़हचीएँ ओ़हदीगी मिहला मिहम्‍बा, किन्‍ज्‍योलाॱराङ मी़हचीएँ, ओ़ह किन्‍ज्‍योगीॱराङ ख्‍या फ़ेबे-म़ेहमेया़ला नाम्‍पार-ताहक्‍पा थु नाङसीन।